+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Eldegi eń tapshy jáne suranys tómen mamandyqtar

2020 jylǵy 26 qazan 10:30
Bólisińiz:
Eldegi eń tapshy jáne suranys tómen mamandyqtar

NUR-SULTAN. QazAqparat – Eldegi eń tapshy mamandar – jol jumysshysy, kúzetshi, daıarshy, dánekerleýshi, avtokólik júrgizýshisi. Zańgerler men ekonomısterge suranys óte az, dep habarlaıdy QazAqparat Energyprom.kz-ke silteme jasap.

Bıylǵy jyldyń úshinshi toqsanynda elektrondy eńbek bırjasynda (EEB) bilikti jumyskerlerge arnalǵan 176 myń bos jumys orny bar. Bul ótken toqsanmen salystyrǵanda 12,2%-ǵa kóp. Ornalastyrylǵan túıindemeler sany 123,1 myńǵa jetti, ol ekinshi toqsanǵa qaraǵanda 20,2%-ǵa artqan. Jalpy karantınniń engizilýine baılanysty shilde aıynda suranys pen usynystyń tómendeýi baıqaldy, biraq tamyz aıynda karantındik sharalar birtindep álsiregennen keıin bos jumys oryndary men túıindemeler sany artqan.

EEB-da Nur-Sultan, Almaty qalalarynda jáne Qaraǵandy men Qostanaı oblystary sııaqty soltústik óńirlerde bos jumys oryndary belsendi túrde ornalastyrylǵan. Bul óńirlerde respýblıka boıynsha úshinshi toqsandaǵy barlyq bos jumys oryndarynyń 45%-y ornalastyryldy. Osy kezeńde Nur-Sultan men batys óńirlerinde – Mańǵystaý jáne Atyraý oblystarynda jumys izdeýshiler túıindemelerin belsendi túrde ornalastyrǵan.

Elimizde eń kóp suranysqa ıe mamandar — jol jumysshysy (6,8 myń bos jumys orny), kúzetshi (4,9 myń bos jumys orny), avtomobıl júrgizýshisi (4,3 myń bos jumys orny), bastaýysh synyp muǵalimi (3,3 myń bos jumys orny) jáne medbıke (2,9 myń bos jumys orny).

2020 jyldyń úshinshi toqsanynda eń tapshy mamandar – jol jumysshysy (bos jumys oryndar sany túıindeme sanynan 4,8 myńǵa asady), kúzetshi (3,2 myńǵa), daıarshy (1,5 myńǵa), dánekerleýshi (1,5 myńǵa) jáne avtomobıl júrgizýshisi (1,4 myńǵa).

Sonymen qatar, Qazaqstandaǵy eń qajet emes mamandar – zańger (jumys izdeýshilerden túsken túıindemeler sany bos jumys oryndarynyń sanynan 1,7 myńǵa artyq), ekonomıst (649 túıindemege), ınjener-programmıst (642 túıindemege), dene shynyqtyrý jáne sport muǵalimi ( 617 túıindemege) jáne feldsher (604 túıindemege).


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT