+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Elbasynyń tóraǵalyǵymen «Nur Otan» Saıası keńesi Bıýrosynyń otyrysy ótti

2020 jylǵy 28 tamyz 15:25
Bólisińiz:
Elbasynyń tóraǵalyǵymen «Nur Otan» Saıası keńesi Bıýrosynyń otyrysy ótti

NUR-SULTAN. QazAqparat – Basqosýda Bıýro músheleri «Nur Otan» partııasynyń 7 serpini – Senim. Dıalog. Bolashaqqa nyq qadam» atty partııa jumysyn qaıta jandandyrý baǵdarlamasyn júzege asyrý barysyn jáne partııanyń ishki irikteýin ótkizý máselesin talqylady, dep habarlaıdy QazAqparat Elbasy saıtyna silteme jasap.

Uqsas jańalyqtar

Elbasy jıynda sóılegen sózinde qazirgi ýaqytta praımerızge qoǵam tarapynan zor qyzyǵýshylyq bar ekenin atap ótti.

– Jurtshylyq eldiń qoǵamdyq jáne saıası ómirine belsene qatysqysy keledi. Biz partııany qaıta jandandyrýdyń durys baǵytyn tańdadyq. Elimizdiń máselelerin birlesip sheshý úshin ashyq dıalogty qamtamasyz etý qajet. Praımerızdiń mindeti – halyqtyq partııalyq tizimderdi qalyptastyrý, qoǵam qoldaýyna ıe, naqty jaǵdaıdy biletin bedeldi kóshbasshylardy, belsendi adamdardy básekelestik negizinde irikteý», – dedi Qazaqstannyń Tuńǵysh Prezıdenti.

«Nur Otan» partııasynyń Tóraǵasy praımerızge qatysýshylar jergilikti jerlerde ótkir máselelerdi ashyq kóterýi jáne kemshilikterdi anyqtap, naqty sheshimder usynýy kerek ekenin atap ótti.

– Biz óz óńirin jáne elimizdi damytýǵa daıyn barlyq azamattar úshin «áleýmettik lıft» qalyptastyrdyq. Qyrkúıek aıynda jergilikti baǵdarlamalardyń barlyq 216 jobasy jarııalanady. Keń kólemdegi talqylaýlar bizdiń elektoraldyq mindetterimizdi halyqtyń suranystarymen jáne qajettilikterimen sáıkestendirýge múmkindik beredi. Besjyldyq merzimge arnalǵan baǵdarlamalar jurtshylyqtyń pikirin eskere otyryp jetildiriledi, ár aýdannyń, qalanyń jáne oblystyń bıýdjettik múmkindikterimen baılanystyrylady, – dedi Nursultan Nazarbaev.

Elbasy partııanyń ishki irikteýiniń kelesi kezeńderin júzege asyrý úshin uıymdastyrý jumystaryn sapaly ótkizýdiń mańyzdylyǵyna nazar aýdardy.

– Praımerız barlyq qatysýshylar úshin ádil, ashyq jáne teń jaǵdaıda uıymdastyrylýy kerek. Partııanyń ishki úgit-nasıhaty qyrkúıekte bastalady. Koronavırýs indeti jaǵdaıyn eskere otyryp, ony Densaýlyq saqtaý mınıstrliginiń usynystaryna sáıkes oryndaý kerek. Barynsha qaýipsizdik sharalaryn qabyldaý qajet. Eń bastysy – azamattardyń densaýlyǵy, – dedi Qazaqstannyń Tuńǵysh Prezıdenti.



Sóz sońynda Elbasy «Nur Otan» partııasynyń qoǵamdy jumyldyrýdaǵy jáne eldiń odan ári damýyn qamtamasyz etýdegi mańyzdy rólin atap ótti.

– Partııa qazaqstandyqtardy, barlyq syndarly jáne sanaly qoǵamdyq kúshterdi toptastyrýy kerek. Biz birliktiń arqasynda kez kelgen qıyndyqtan óte alamyz. Ásirese, elimizdegi turaqtylyq pen tynyshtyqty saqtaý úshin úılesimdi jumys istegen jón, – dedi Elbasy.


Sondaı-aq otyrys barysynda «Nur Otan» partııasy Tóraǵasynyń birinshi orynbasary B.Baıbektiń jáne Bıýro múshesi, Qazaqstannyń Premer-Mınıstri A.Mamınniń baıandamasy tyńdaldy.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Kanat Tokabaev
Kanat Tokabaev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT