+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Elbasynyń keńesshisi Reseı men Ýkraına prezıdentterin Qazaqstanda kezdestirý bastamasyna qatysty pikir bildirdi

2019 jylǵy 18 qarasha 18:09
Bólisińiz:
Elbasynyń keńesshisi Reseı men Ýkraına prezıdentterin Qazaqstanda kezdestirý bastamasyna qatysty pikir bildirdi

NUR-SULTAN. QazAqparat – QR Tuńǵysh Prezıdenti – Elbasynyń keńesshisi Ádil Tursynov Reseı men Ýkraına prezıdentterin Qazaqstanda kezdestirý boıynsha Nursultan Nazarbaevtyń bastamasyna qatysty pikir bildirdi, dep habarlaıdy QazAqparat tilshisi.

Uqsas jańalyqtar
Nursultan Nazarbaev Qazaqstannyń Eńbek Eri Saırambaı Dónenbaevty qabyldady Elbasynyń tarıhı sátteri: Táýelsizdik tańy atqannan búginge deıin Aqtóbe oblysynda «Nur otan» jumysyn jandandyrý jospary quryldy

«Shynynda da, Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń Reseı Federatsııasynyń Prezıdenti V.Pýtın men Ýkraına Prezıdenti V.Zelenskııdi ekijaqty kezdestirý týraly bastamasy keń aýqymda halyqaralyq rezonans týdyrdy. Bul usynysty Nursultan Nazarbaev osy jyldyń 12 qarashasynda ótken «Astana klýbynyń» V otyrysynda aıtqan edi. Ýkraınadaǵy daǵdarys týraly forým moderatorynyń suraǵyna jaýap bere otyryp, Tuńǵysh Prezıdent baýyrlas Reseı men Ýkraına arasynda bolyp jatqan oqıǵalarǵa alańdaýshylyǵyn bildirdi. Prezıdent óz sózinde 2014 jyly júrgizgen bastamalary jaıly – 2014 jyly Qazaqstan, Frantsııa, Germanııa, Reseı men Ýkraına kóshbasshylarynyń talpynysy, osynyń arqasynda V.Pýtın men P.Poroshenkonyń kezdeskeni, Mınsk kelisimine jol ashylǵany týraly sóz etti. Onyń ústine Tuńǵysh Prezıdent «Astana klýbynyń» abyroıly qatysýshylarynan «Reseı men Ýkraına qarym-qatynasyn jaqsartý úshin kúsh salýdy» surady», - deıdi Ádil Tursynov.

Onyń aıtýynsha, Nursultan Nazarbaevtyń Reseı-Ýkraına sammıtin ótkizý ıdeıasynyń taqyrybyna qaıta orala otyryp, birneshe mańyzdy tustarǵa nazar aýdarýǵa bolady.

«Birinshiden, Elbasy óz sózinde atap ótkendeı, ol bul bastamany Ýkraına Prezıdenti V.Zelenskıımen de, Reseı Prezıdenti V.Pýtınmen de talqylaǵan. ıAǵnı, kelissózder kelisilgen jaǵdaıda taraptar oǵan daıyndalýy kerektigi aıqyn sharýa. Biz kezdesý úshin kezdesý uıymdastyrýdyń bolashaǵy joq degen pikirdi qoldaımyz. Ekinshiden, Nursultan Nazarbaev joǵaryda atalǵan suraqqa jaýap bere otyryp, «Normand formaty» aıasynda qatysýshy taraptardyń máseleni alǵa jyljytý isin qoldady. ıAǵnı, bul tórtjaqty formattaǵy kezdesýdi «tet-a-tet» kelissózdermen almastyrý nemese birinshi kezdesýge deıin ótkizý týraly áńgime joq. Basqasha aıtqanda, «Normand formaty», Mınsk platformasy jáne tikeleı Reseı-Ýkraına kelissózderi bir-birine uqsamaıdy, jalpy protsestiń quramdas bóligi bola alady», - deıdi ol.

Ádil Tursynov Astana klýbyndaǵy sóılegen sózinde Elbasy «eger osy kelissózder úshin beıtarap alań qajet bolsa, men Qazaqstandy usynamyn» dep atap ótkenin eske saldy.

«Sonymen qatar, Tuńǵysh Prezıdent birneshe ret Qazaqstan tarapy úshin mundaı kelissózderdi qaı astanada júrgizýge bolatyndyǵy - qaǵıdatty ustanym emes ekenin aıtqan bolatyn. Tórtinshiden, kórip otyrǵanymyzdaı, Nursultan Nazarbaevtyń «Reseı jáne Ýkraına prezıdentteriniń jeke kezdesýi» týraly bastamasyn kóptegen álemdik saıasatkeri men sarapshysy qoldaıdy», - dedi ol.

Elbasynyń keńesshisi Reseı-Ýkraına kún tártibinde «Norman formatynyń» negizgi taqyryptaryna kirmeıtin, Máskeý men Kıevtiń tikeleı dıalogy arqyly sheshiletin birqatar mańyzdy máselelerdiń baryn da tilge tıek etti.

«Qorytyndylaı kele, Tuńǵysh Prezıdenttiń joǵaryda atalǵan usynysy onyń sátti, uzaq merzimdi jáne jan-jaqty bitimgershilik saıasatynyń jalpy baǵyty dep túsiný kerek. Bul joly Ýkraına baǵyty mańyzdy bolyp otyr. Halyqaralyq qaýymdastyq Elbasynyń ustanymyn biledi: ıaǵnı, daǵdarysty beıbit jolmen sheshýdiń balama ádisi joq, tek dıalog pen kelissózder qaqtyǵystardy sheshe alady», - dep túıdi keńesshi.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT