+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Elbasy Túrkııa, Belarýs, Tájikstan Prezıdenterimen telefon arqyly sóılesti

2020 jylǵy 6 shilde 18:53
Bólisińiz:
Elbasy Túrkııa, Belarýs, Tájikstan Prezıdenterimen telefon arqyly sóılesti

NUR-SULTAN. QazAqparat – Qazaqstannyń Tuńǵysh Prezıdenti – Elbasy Nursultan Nazarbaev Túrkııa Respýblıkasynyń Prezıdenti Rejep Taıyp Erdoǵanmen, Belarýs Respýblıkasynyń Prezıdenti Aleksandr Lýkashenkomen, Tájikstan Respýblıkasynyń Prezıdenti Emomalı Rahmonmen telefon arqyly sóılesti, dep habarlaıdy QazAqparat elbasy.kz-ke silteme jasap.

Nursultan Nazarbaev Belarýs Respýblıkasynyń Prezıdenti Aleksandr Lýkashenkomen telefon arqyly sóılesti. Áńgimelesý barysynda Belarýs Prezıdenti Elbasyn 80 jyldyq mereıtoıymen quttyqtap, zor densaýlyq, baq-bereke jáne Qazaqstan tarıhyndaǵy jańa mindetterdi sátti iske asyrýdy tiledi.

Aleksandr Lýkashenko Ult kóshbasshysynyń basshylyǵymen Qazaqstan halqy óz damýynda tolaǵaı tabysqa qol jetkizgen memleket quryp, úlken joldy júrip ótkendigin atap ótti. Sondaı-aq Belarýs Prezıdenti Nursultan Nazarbaevtyń Qazaqstan-Belarýs qatynastarymen birge, eýrazııalyq keńistiktegi ıntegratsııalyq úderisterdi qalyptastyrý men ilgeriletýdegi mańyzdy rólin atap ótti.

Elbasy Belarýs kóshbasshysyna quttyqtaýy úshin alǵysyn bildirip, eki el arasyndaǵy kóptarapty yntymaqtastyqty odan ári keńeıtý týraly aıtty. Telefon arqyly sóılesýge Belarýs jaǵy bastamashy boldy.

Qazaqstannyń Tuńǵysh Prezıdenti Túrkııa Respýblıkasynyń Prezıdenti Rejep Taıyp Erdoǵanmen telefon arqyly sóılesti. Áńgime barysynda Rejep Taııp Erdoǵan Elbasyn mereıtoıymen quttyqtap, zor densaýlyq jáne kópjosparly memlekettik qyzmette jańa jetistikter tiledi.

Túrkııa Prezıdenti qazirgi Qazaqstannyń damý tarıhy Tuńǵysh Prezıdent Nursultan Nazarbaevtyń esimimen tikeleı baılanysty ekendigin aıtyp, onyń eki el arasyndaǵy qatynastardy qalyptastyrýdaǵy eleýli rólin atap ótti.

Elbasy Rejep Taıyp Erdoǵanǵa dostyq tilekteri úshin alǵysyn bildirdi jáne Qazaqstan-Túrkııa strategııalyq seriktestiginiń qazirgi deńgeıine joǵary baǵa berdi. Telefon arqyly sóılesýge túrik tarapy bastamashy boldy.

Elbasy Nursultan Nazarbaev Tájikstan Respýblıkasynyń Prezıdenti Emomalı Rahmonmen telefon arqyly sóılesti.

Tájikstan Prezıdenti Elbasyn 80 jasqa tolýymen quttyqtap, zor densaýlyq, baqyt jáne kópqyrly memlekettik qyzmette tabys tiledi.

Emomalı Rahmon Qazaqstannyń Tuńǵysh Prezıdenti baýyrlas Qazaqstan halqynyń jáne jalpy óńirdiń ıgiligi úshin óziniń jasampaz qyzmetin jalǵastyratynyna senim bildirdi.

Nursultan Nazarbaev Tájikstan kóshbasshysyna dostyq tilekteri úshin alǵysyn bildirip, ár túrli salalardaǵy Qazaqstan men Tájikstan yntymaqtastyǵyn odan ári ilgeriletýdiń mańyzdylyǵyn atap ótti. Telefon arqyly sóılesýge Tájikstan tarapy bastamashy boldy.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT