+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Elbasy óńir ákimderimen halyqtyń qaýipsizdigin qamtamasyz etý daıyndyǵyn talqylady

2020 jylǵy 3 sáýir 17:15
Bólisińiz:
Elbasy óńir ákimderimen halyqtyń qaýipsizdigin qamtamasyz etý daıyndyǵyn talqylady

NUR-SULTAN. QazAqparat - Qaýipsizdik Keńesiniń Tóraǵasy Nursultan Nazarbaev oblystardyń jáne Nur-Sultan, Almaty, Shymkent qalalarynyń ákimderimen telefon arqyly sóılesti, dep habarlaıdy QazAqparat elbasy.kz silteme jasap.

Áńgime barysynda óńirlerdegi ahýal jáne azamattardyń qaýipsizdigin qamtamasyz etý boıynsha jergilikti bıliktiń daıyndyǵy talqylandy.

Birinshi kezekte Elbasyna óńirlerdegi sanıtarlyq-epıdemıologııalyq ahýal, koronavırýs ınfektsııasynyń taralýyna jol bermeý baǵytynda qabyldanyp jatqan sharalar men eldi mekenderdegi medıtsına nysandarynyń úzdiksiz jumysyn qamtamasyz etý jóninde málimet usynyldy.

Nursultan Nazarbaevqa koronavırýstyń taralýyna baılanysty qıyn jaǵdaıǵa tap bolǵan adamdarǵa Nur Otan partııasynyń óńirlik fılıaldary tarapynan kórsetilip jatqan qoldaý týraly baıandaldy. Ákimder tótenshe jaǵdaı kezinde adamdar men bıznesti qoldaýǵa baǵyttalǵan sharalardy odan ári júzege asyrýǵa daıyn ekenderin aıtty.

Qaýipsizdik Keńesiniń Tóraǵasy tótenshe jaǵdaı kezindegi azyq-túlik qaýipsizdigi máselelerine erekshe nazar aýdardy.

Ákimder elimizdiń ońtústik óńirlerindegi kóktemgi egin egý naýqany barysy men soltústik aımaqtardaǵy egis jumystaryna daıyndyq týraly aqparat berip, jekelegen oblystarda sý tasqynynyń aldyn alý jáne onyń saldaryn joıý josparlary jóninde baıandady.

Elbasy ákimderge tótenshe jaǵdaı kezinde qaýipsizdikti qamtamasyz etý jáne kórsetilip jatqan kómekti árbir muqtaj adamǵa jetkizý boıynsha tıimdi jumys atqarýǵa tilektestik bildirdi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT