+7 (701) 759 90 19
USD 420.76 EUR 498.6
RUB 5.6 CNY 62.27
Jańalyqtar

ELBASY MEREIІ – EL MEREIІ

2019 jylǵy 30 qarasha 23:16
Bólisińiz:
ELBASY  MEREIІ – EL  MEREIІ

NUR-SULTAN. QazAqparat – Qazaqstan táýelsiz jyldarda álem moıyndaǵan memleketterdiń qataryna qosyldy. Ǵasyrlar boıy babalar armandaǵan táýelsizdiktiń týy kókte jelbiredi. 150-den astam eldermen dıplomatııalyq qarym-qatynas ornatyp, ózge mem­leketterdiń damý joldaryn saralaı kele, óziniń jeke dańǵyl jolyn tańdady.

Uqsas jańalyqtar

Qazirgi kezdegi saıası tehnologııalardy zertteý jańasha baǵytta órbýde. Sheteldik ýnıversıtetterdi qazirgi zaman tarıhynyń oqytylýynyń negizi: burynǵydaı qujat qaǵazdarymen emes - sol zertteletin ýaqyttaǵy saıasat pen ekonomıkaǵa yqpal etip, ony júzege asyryp oryndaǵandardyń estelik sózderine erekshe mańyz bólinetin boldy.

Osy aıtylǵan oılardy nazarǵa ala otyryp, Uly dala eliniń Táýelsizdik alǵannan keıingi órkendeý joly týraly óz tarapymyzdan naqty derekterdi qamtı otyryp, aqparat berýdi qajettilik dep oılaımyz.

Elimizdiń Parlamenti qabyldaǵan zańǵa sáıkes, Qazaqstannyń Tuńǵysh Prezıdenti kúni 1 jeltoqsanda merekelenetin boldy. Elimizdiń joǵary zań shyǵarýshy organy mundaı sheshimdi eń aldymen Qazaqtan Respýblıkasynda 1991 jylǵy 1 jeltoqsanda ótken Tuńǵysh Prezıdent saılaýymen baılanystyrǵany belgili. Al bul saılaýdyń ereksheligi nede edi? 1991 jylǵy 1 jeltoqsanda, alǵash ret ótken jalpyhalyqtyq saılaýda egemen Qazaqstannyń negizin salýshy — Nursultan Nazarbaev Tuńǵysh Prezıdent bolyp saılandy. Saılaýǵa qatysqandardyń 98,78 paıyzy jaqtap daýys berdi.

Bıyl segizinshi ret memlekettik mereke – Tuńǵysh Prezıdent kúni atalyp ótilýde. Ult kóshbasshysynyń sarabdal saıasatynyń arqasynda Qazaqstan Respýblıkasy Ortalyq Azııa óńiri men TMD-da aldyńǵy orynǵa shyqty. Áleýmettik-baǵdarly ekonomıkalyq baǵyttaǵy bastamalarymyz zamanaýı, qarqyndy damýshy memleket qurýdy qamtamasyz etti. Sondyqtan da, Qazaqstanda Tuńǵysh Prezıdent kúni merekesi de ýaqyt ótken saıyn mańyzy artyp halyqtyń merekesine aınaldy. Óıtkeni, bul da jańǵyrýdyń, jańashyldyqtyń belgisi ǵana emes, ótkenniń ónegesi, ulynyń ulaǵaty. Urpaq esinde solaı saqtalýy da tıis.

Táýelsiz Qazaqstannyń qalyptasýynan bastap memlekettik damýdyń dańǵyl jolyna túsýi N.Á.Nazarbaevtyń esimimen baılanysty, erligimen ushtasqan dúnıeler ekeni daýsyz. Sondyqtan da Parlament qabyldaǵan Qazaqstan Respýblıkasynyń memlekettik táýelsizdiginiń deklaratsııasynda: «Ata-babamyzdyń ǵasyrlar boıy asyl armany bolyp kelgen egemen Qazaqstandy qurý jónindegi tarıhı amanaty 1991 jylǵy 1 jeltoqsanda biraýyzdan Memleket basshysy bolyp saılanǵan Tuńǵysh Prezıdent — Elbasy N. Á. Nazarbaevtyń basshylyǵymen iske asty. Respýblıka Prezıdentiniń jetekshiligimen keń aýqymdy ekonomıkalyq, saıası jáne áleýmettik reformalar júzege asyryldy. Qazaqstan memlekettiliginiń negizin qalaýshy — elimizdiń Tuńǵysh Prezıdenti N. Á. Nazarbaev halyqty jarqyn isterge jumyldyrý, qoǵamdaǵy tatýlyq pen kelisimdi nyǵaıtý, búkil halyqaralyq qoǵamdastyqtyń rızashylyǵy men qurmetine ıe bolǵan jahandyq jáne óńirlik beıbit bastamalardyń avtory retinde eldiń syrtqy saıası baǵytyn dál aıqyndaý isine orasan zor úles qosty. Memleket Basshysynyń jan-jaqty saralanǵan ishki jáne syrtqy saıasatynyń arqasynda elimiz saıası jáne áleýmettik-ekonomıkalyq silkinisterge ushyramaı, derbes damýdyń ótpeli kezeńindegi qıyndyqtar men synaqtardy eńserip, ilgerileý men órkendeý jolyna shyqty», - dep jazylǵan.

Shyn máninde, Elbasy Nursultan Nazarbaevtyń salıqaly saıasatynyń arqasynda táýelsiz qazaq eli qalyptasyp, tarıhymyz túgendelip, tilimiz, dinimiz jáne dilimiz qaıta oralyp, memleketimizdiń ulttyq rámizderi qabyldandy. Qazaqstannyń shynaıy egemendigin qamtamasyz etken mańyzdy memlekettik aktilerge qol qoıyldy. Máselen, 1991 jyldyń 29 tamyzynda Nursultan Nazarbaevtyń Semeı ıadrolyq polıgonyn jabý týraly Jarlyǵy shyqty. Bunyń ózi Elbasynyń erligin jer-jahanǵa pash etkizip, keıinnen álem moıyndaǵan bastamaǵa ulasty. ıAdrolyq qarýsyz álemge qaraı qadam basqan jahandyq qozǵalystardyń da birden bir bastaýy osyndaı Prezıdent sheshiminen týyndaǵan edi.

Alash jurtynyń táýelsiz jyldardaǵy asqan asýlary, eldegi ekonomıkalyq-áleýmettik jáne saıası reformalar, halyqaralyq jáne óńirlik bastamalar, jahandyq jasampaz isterdiń barlyǵy derlik Elbasy N.Nazarbaevtyń esimimen tyǵyz baılanysty bolyp otyrǵany belgili. Endeshe Qazaqstannyń Tuńǵysh Prezıdenti kúni — memleket mereıi.

Qazaqstan táýelsizdik jyldary kóptegen halyqaralyq irgeli uıymdarǵa tóraǵalyq etti. Dástúrli din basshylary 3 jyl saıyn Qazaqstanda bas qosyp, pikir almasý alańyna aınaldyrdy. Bunyń ózi Elbasynyń erlikke parapar isteriniń nátıjesi edi.

Qazaqstan táýelsizdik jyldary ishinde dúnıejúzinde «Qazaqstan joly» degen ataýmen belgili bolǵan etnosaralyq jáne konfessııaaralyq kelisim qoǵamynyń ózindik biregeı úlgisin qurdy.

Qazaqstanda 40-tan astam túrli konfessııa men denomınatsııany ustanatyn 130-ǵa jýyq etnos ókilderi bir shańyraqtyń astynda tatý-tátti ómir súrýde. 3200-ge jýyq meshit, shirkeý, ǵıbadathanalar, 4000-ǵa jýyq dinı birlestikter jumys isteıdi.

2003 jyldyń 23 - 24 qyrkúıeginde elordada ótken Álemdik jáne dástúrli dinder jetekshileriniń birinshi sezi - tirshilik negizi, ári beıbitshilik úmitiniń máńgilik izgiligi týraly álem jurtshylyǵynyń nazary aýǵan aıtýly oqıǵa boldy. Forýmǵa Eýropa, Azııa, Afrıka men Taıaý Shyǵystyń 13 elinen ıslam, hrıstıan, býddızm, ıýdaızm, sıntoızm, daosızm jáne basqa da konfessııalardyń, 17 dinı uıymynyń ókilderi qatysty. Sez alýan túrli din ókilderiniń búkil ǵalam halqynyń beıbit jáne laıyqty ómir súrýi jolynda yntymaqtastyq pen birlik ıdeıalarynyń ózektiligin jáne ony iske asyrýdyń qajettiligin pash etti. Qazaqstandyq biregeı tájirıbe jahandyq deńgeıde qoldaý tapty,sondyqtan El astanasy álemdik qoǵamdastyq din kóshbasshylarynyń kezdesetin ornyna jáne únqatysý alańyna aınaldy.

Astanadaǵy tuńǵysh dinaralyq úndesý jıyny negizinen: Burynǵy Prezıdent Rezıdentsııasy, Saltanat Saraıy, «Báıterek» monýmenti jáne Abaı dańǵylyndaǵy «Interkontınental» qonaq úıi men Kenesary kóshesindegi Kongress‑Hollda ótkeni belgili.

Tuńysh Prezıdentimiz Nursultan Nazarbaev «Tarıh tolqynynda» atty kitabynda adamzat taǵdyry týraly bylaısha oı qozǵaıdy. «Turmys tapshylyǵy qyspaǵyna tap bolǵan mıllıondaǵan adamdardyń rýhanı senimin sonda qalaı oıatyp, olardyń metafızıkalyq máni zor oı qatparyn qalaı qozǵaımyz? Adam óziniń bolmashy bir buranda ǵana emes, rýhanı derbes tulǵa ekenin sezinýi kerek qoı. Olardyń da ótkenge degen óz kózqarasy, eń bastysy – ulttyń rýhanı keleshegin jasaýǵa degen jaýapkershiligi bolýy shart. Bul máselelerdiń jaýaby biraz deńgeıde dinı salada jatqan suraq» - dep jazǵan edi.

Nursultan Nazarbaevtyń Qazaqstanda Álemdik jáne dástúrli dinder kóshbasshylarynyń sezin ótkizý týraly bastamasy álemdik qoǵamdastyqta zor qoldaýǵa ıe boldy.

Sol jyldarda Elbasynyń Sezdi ótkizý týraly bastamasyna álem elderiniń basshylary qalaı únqatty?!

Koffı Annan

Birikken Ulttar Uıymynyń Bas hatshysy (1997 - 2006 jj.)

Sizder birinshi dinaralyq únqatysý men yqpaldyqtyń ónegesi, qarańǵylyqtyń, úreı men túsinbeýshiliktiń shyńyraýynda kópir bola alasyzdar. Men sizderge osyndaı áleýetti paıdalanýda, sóıtip Birikken Ulttar Uıymyna, onyń tózimdilik, damý jáne beıbitshilik turǵysyndaǵy jahandyq mıssııasyna úles qosýlaryńyzǵa qoldaý bildiremin.

Fahd ıbn Abdel Azız ál- Saýd

Saýd Arabııasynyń koroli (1982–2001 jj.)

Allanyń atymen bastaımyn, meıirimdi Allaǵa madaq, Allanyń nury jaýsyn.

Joǵary mártebeli Qazaqstan Respýblıkasynyń Prezıdenti Nursultan Nazarbaev, tynyshtyqqa, Allanyń meıirimi men ıgiliginde bolyńyz. Joǵary mártebeli Sizdi jáne álemdik dástúrli dinder sezine qatysýshylardy qudiretti kúshti Alla tabys pen progresske bóleýin suraımyn.

Djordj Býsh

AQSh Prezıdenti (2001—2009 jj.)

Men Nursulan Nazarbaev Sizdi jáne Qazaqstan halqyn osy mańyzdy sharany uıymdastyrýlaryńyzben quttyqtaımyn. Ózi de kópultty jáne kópkonfessııaly bolyp tabylatyn Qurama Shtattar úshin mundaı kezdesýler demokratııanyń negizin qalaıtyn tózimdilik pen qurmet sekildi qundylyqtardy damytý jolynda Ortalyq Azııadaǵy bizdiń dostarymyzben yntymaqtastyqtyń mańyzdy ekendigin atap kórsetedi.

Margaret Tetcher

Ulybrıtanııa Premer-Mınıstri (1979—1990 jj.)

Mundaı forýmdy ótkizý úshin birde-bir el Qazaqstandaı qolaıly bolmas edi. Táýelsizdik alǵan kezden bastap Sizdiń Nursultan Nazarbaev kóregen saıasatyńyz eldi erkindikke bastaıtyn jolǵa shyǵardy.

Qazaqstan óziniń sanalýandyǵy arqasynda órkendep, óziniń sanalýan dástúrleri men dinı nanymdary arqasynda kúsheıe tústi. Sizder ózgeler úshin úlgi bolýdasyzdar.

Seıd Mohammad Hattamı

Iran Islam Respýblıkasynyń Prezıdenti (1997—2005 jj.)

Osynshalyq ókiletti halyqaralyq forým, álemdik dinderdiń únqatysýyn ótkizýdi ózara túsinistik pen beıbit ómir súrýge degen mańyzdy qadam retinde baǵalaımyn. Qazaqstan Respýblıkasynyń Prezıdenti, Joǵary Mártebeli Nursultan Nazarbaevty osyndaı mańyzdy is-sharany ótkizýde tanytqan bastamashylyǵy úshin quttyqtaımyn.

Vladımır Pýtın

Reseı Federatsııasynyń Prezıdenti

Negizgi álemdik jáne dástúrli-ulttyq konfessııalardyń ókilderin jınaǵan sizderdiń forýmdaryńyz óz aldyna mańyzdy da asa qajet máselelerdi qoıyp otyr.

Sizderdiń sezderińiz órkenıetterdiń únqatysýyna, elder men halyqtar arasynda keń de jan-jaqty yntymaqtastyqty damytýda úlesi mańyzdy bolatynyna senemin.

Jak Shırak

Frantsýz Respýblıkasynyń Prezıdenti (19952007 jj.)

Dinder arasyndaǵy únqatysý órkenıetter men mádenıetter arasyndaǵy Frantsııa úndep kele jatqan únqatysýdyń negizin quraıdy.

Sılvıo Berlýskonı

Italııa Mınıstrler Keńesiniń tóraǵasy (2001—2011jj.)

Álemdik jáne dástúrli dinder sezine qatysýshylarǵa shyn júrekten quttyqtaý joldap, tabysty jumys tileý, meni qanaǵat sezimine bóleıdi.

Tonı Bler

Ulybrıtanııa Premer-Mınıstri (1997 – 2007jj.)

Sezdiń maqsattary men mindetteri bolyp álemdik dinder arasyndaǵy ashyq únqatysý men ózara túsinistiktiń turaqty mańyzdylyǵy tanylady. Men Sezd jumysyna tabys tileımin jáne ol burynǵydan da tyǵyz toptasa túsýge jaǵdaı jasap, bolashaq yntymaqtastyqqa oılastyrylǵan baǵdar beredi dep úmittenemin.

Bizdiń kanalymyzǵa jazylyńyz:

Bólisińiz:

Avtor:

Mahat Sadyq

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT