+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Elbasy Máskeýdegi «Qazaqstan» pavılonynyń ashylýyna qatysty

2019 jylǵy 7 qyrkúıek 17:10
Bólisińiz:
Elbasy Máskeýdegi «Qazaqstan» pavılonynyń ashylýyna qatysty

MÁSKEÝ. QazAqparat – Qazaqstannyń Tuńǵysh Prezıdenti Nursultan Nazarbaev Máskeýde Halyq sharýashylyǵy jetistikteri kórmesindegi «Qazaqstan» pavılonynyń ashylý rásimine qatysty, dep habarlaıdy QazAqparat.

Saltanatty rásimge Elbasymen birge Reseı Prezıdenti Vladımır Pýtın, qos eldiń úkimet basshylary Asqar Mamın men Dmıtrıı Medvedev qatysty.

Kórmedegi Qazaq SSR alǵashqy pavılony alǵash ret 1937 jyly ashylǵan. Ol alty buryshtan turatyn, galereıalarmen qorshalǵan, dekoratıvti munarasy bar ǵımaratta ornalasqan edi. Ol kezde búkil konstrýktsııa aǵashtan jasalǵan bolatyn.

Ekinshi dúnıejúzilik soǵystan keıin pavılon jańasyna aýystyryldy. Sodan keıin ol tek 1954 jyly ǵana kelýshilerge esigin aıqara ashty.

Pavılonnyń ekspozıtsııasy respýblıkanyń ekonomıka, mádenıet, ónerkásip, mal jáne ósimdik sharýashylyǵyndaǵy jetistikterimen toltyrylǵan edi. 50 jyldardyń sońynda ındýstrııa taqyrybyna arnalsa, 1964 jyldan beri Qazaqstan pavılony «Metallýrgııa» dep ataldy. Keńes Odaǵy qulaǵanǵa deıin osy ataýmen ómir súrdi. Al 90-jyldardan keıin munda dúkender, keńseler, kommertsııalyq mýzeıler men dámhanalar jumys istep keldi.

2011 jyly Reseı tarapy ǵımaratty Qazaqstanǵa jalǵa berý jóninde sheshim qabyldady.

Qazaqstannyń Reseıdegi elshiliginiń qoldaýymen ǵımarat qaıta jańǵyrtylyp, qasbeti, ıntereri men skýlptýralyq kompozıtsııalar qalpyna keltirildi. Ortalyq kórme zalynyń ústine shyny kúmbez turǵyzyldy.

Búgin de 65 jyl burynǵydaı pavılonnyń kireberis arkasynda qonaqtardy aqyn Jambyl Jabaev pen Sotsıalıstik eńbek eri Shyǵanaq Bersıevtiń músini qarsy alyp tur.


Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT