+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Elbasy maqalasy bizge úlken jaýapkershilik júkteıdi - Abaı mýzeıiniń dırektory

2020 jylǵy 7 qazan 16:19
Bólisińiz:
Elbasy maqalasy bizge úlken jaýapkershilik júkteıdi - Abaı mýzeıiniń dırektory

NUR-SULTAN. QazAqparat – Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıiniń dırektory Turdyqul Shańbaı Elbasynyń Nursultan Nazarbaevtyń «Abaı amanaty» atty maqalasyna qatysty pikir bildirdi, dep habarlaıdy QazAqparat tilshisi.

Uqsas jańalyqtar
Qazaqstannyń turaqtylyǵy Nazarbaevtyń kóshbasshylyǵymen baılanysty – Tonı Bler Pan Gı Mýn: Nursultan Nazarbaevqa ıadrolyq polıgondy japqany úshin zor rızashylyq bildiremin Elbasy týraly derekti fılmniń alǵashqy serııasy efırge shyǵady

«Qazaqstan Respýblıkasynyń Tuńǵysh Prezıdenti-Elbasy Nursultan Nazarbaevtyń «Abaı amanaty» maqalasyn úlken tebirenispen oqyp shyqtym. Birden mýzeı qyzmetkerlerimen jınalyp fálsapalyq máni tereń maqala týraly oı bólistik. Tamyry tereń, kókjıegi kórkem maqalany Abaı mýzeıiniń qýanyshy dep qabyldadyq. Onyń sebebi de joq emes. Bizdiń mýzeıde táýelsizdik kezeńindegi abaıtanýǵa arnalǵan arnaıy ekspozıtsııa bar. Elbasynyń «Abaı amanaty» maqalasy bizge jol kórsetti, osy baǵytty jarqyrata ashyp berdi. Sondyqtan bıik parasatpen jazylǵan maqala – Abaı mýzeıiniń óz qýanyshy», - dedi Turdyqul Shańbaı.

Qoryq-mýzeıiniń dırektory Elbasy osy maqalasynda atalǵan mýzeı týraly arnaıy jyly lebiz bildirgenin atap ótti.

«Maqalada: «Abaıdyń ómiri men shyǵarmashylyǵyn tutas qamtıtyn «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeı quryldy. Jıdebaıda úsh júz alpys áýlıeli meken Mańǵystaýdan ákelingen ulýtastardan aqshańqan kúmbezdi Abaı-Shákárim kesenesi turǵyzylyp, onyń ashylý rásiminde bul orynnyń endi ár qazaq úshin rýhanı Mekkege aınalǵanyn atap óttim», dep jazylǵan. Elbasynyń danalyqpen aıtylǵan sózi aqıqatqa aınaldy. Abaı mýzeıi Qazaqstannan, shet elden qonaqtar arnaıy izdep keletin rýhanı Mekkege aınalǵany ras. Elbasynyń osy maqalasy bizge qýanyshpen qatar, úlken jaýapkershilik júkteıdi. Óıtkeni tereń tanymmen jazylǵan maqalada Abaı mýzeıiniń mazmunyn ashatyn oılar mol. Maqalada aıtylǵan mol málimet mýzeıdiń mazmunyn ashýǵa úlken aqylshy bolary anyq. Biz soǵan qýandyq», - deıdi Turdyqul Shańbaı.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT