+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Elbasy qory men brıtandyq ǵalymdar birlesken jobalardy júzege asyrýǵa nıetti

2019 jylǵy 6 qarasha 16:02
Bólisińiz:
Elbasy qory men brıtandyq ǵalymdar birlesken jobalardy júzege asyrýǵa nıetti

LONDON. QazAqparat - QR Tuńǵysh Prezıdenti – Elbasy qory men brıtandyq ǵalymdar bilim salasynda birlesken jobalardy júzege asyrýǵa nıetti. Bul jóninde qordyń baspasóz qyzmetine silteme jasap QazAqparat habarlaıdy.

Uqsas jańalyqtar

QR Tuńǵysh Prezıdenti-Elbasy qorynyń delegatsııasy Ulybrıtanııadaǵy QR Elshiliginiń qoldaýymen Londonda qor baǵdarlamalaryn júzege asyrý sheńberinde yntymaqtastyq boıynsha birqatar kezdesýler ótkizdi.

Brıtan keńesiniń, Kembrıdj ýnıversıteti ǵylymı jáne bilim berý ortalyqtarynyń, Qazaqstan-Brıtan qoǵamynyń basshylyǵymen, Lordtar palatasynyń múshelerimen, sondaı-aq qazaqstandyq doktorantar jáne stýdenttermen kelissóz júrgizildi.Áset Isekeshev brıtandyqtarǵa Nursultan Nazarbaevtyń eki jańa bastamasy týraly baıandap berdi. Birinshisi – «El úmiti», bul talantty balalar men jastardy qoldaý boıynsha jańa júıe. Ekinshisi – «Qamqorlyq», múmkindigi shekteýli balalardy qoldaýǵa baǵyttalǵan bastama.

Kezdesýler aıasynda Kembrıdj ýnıversıtetimen memorandýmǵa qol qoıylyp, bilim berý baǵdarlamalary men ǵylymı zertteýlerdi júzege asyrý, sondaı-aq Tuńǵysh Prezıdent – Elbasy qorynyń jeńimpazdary men laýreattarynyń startap-jobalaryn qoldaý týraly kelisimge qol jetkizildi. Mysaly, myqty ǵalymdarymen tanymal Kavendısh ortalyǵy, robototehnıka men ınjenerııa ortalyqtary qazaqstandyq jastarǵa praktıkalyq jumystar jasaý úshin óz zerthanasyn usynýǵa ázir. Dál osy jerden 34 Nobel laýreaty shyqqan.

Sondaı-aq qor delegatsııasy erekshe qajettilikteri bar balalardy medıtsınalyq jáne áleýmettik ońaltý, sondaı-aq ınklıýzıvti bilim berý máseleleri boıynsha kezdesýler ótkizdi.

Taǵy bir basqosý «Chatham House» taldaý ortalyǵynyń qabyrǵasynda uıymdastyryldy. Ol Pensılvanııa ýnıversıtetiniń jahandyq ondyǵyna kiretin (Global Go To Think Tank Index Report) óte bedeldi «mı ortalyqtarynyń» biri. Taraptar «Chatham House» jáne Tuńǵysh Prezıdent qory janyndaǵy Halyqaralyq ekonomıka jáne saıasat ınstıtýtymen (HESI) yntymaqtastyq ornatýdyń áleýetin talqylady.

Aıta ketý kerek, Tuńǵysh Prezıdent – Elbasy qory halyqaralyq áriptestikti damyta otyryp, sonyń ishinde ǵylymı-zertteý qyzmetimen aınalysý máselelerine erekshe kóńil bóledi. 2018 jyldan beri ıÝNISEF, Ispanııa Úkimeti janyndaǵy Azııa Úıi, Korea Foundation, Japonııanyń Goı beıbitshilik qory, German akademııalyq almasýlar qyzmeti sııaqty uıymdarmen yntymaqtastyq týraly memorandýmdar jasaldy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT