+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Elbasy koronavırýspen aýyryp jatqandarǵa: Kónbeý kerek, jeńý kerek

2020 jylǵy 6 shilde 17:00
Bólisińiz:
Elbasy koronavırýspen aýyryp jatqandarǵa: Kónbeý kerek, jeńý kerek

NUR-SULTAN. QazAqparat - QR Tuńǵysh Prezıdenti - Elbasy Nursultan Nazarbaev koronavırýstan aýyryp jatqan qazaqstandyqtardyń barlyǵyna aman-esen jazylyp shyǵýyna tilekshi ekendigin bildirdi, dep habarlaıdy QazAqparat tilshisi.

«Qadirmendi halaıyq! Bárimiz de qıyn kezeńdi bastan keshirip jatyrmyz. Búkil dúnıemen birge kórip jatqan nárse bul. Men ol qıynshylyqtardy óz basymnan ótkizdim. Osy kezde janashyrlyq bildirgen barlyq jerlesterime, otandastaryma shyn kóńilimmen taǵy bir rızashylyǵymdy aıtqym keledi. Sizderdiń Qazaqstannyń ár salasynan, ár túkpirinen, ári ónerkásipten, mádenıetten, sporttan, densaýlyq saqtaý júıesinen maǵan aıtyp jatqan tilekterińizdiń arqasynda kúsh-qýat alyp, emdelip shyqtym. Kóp rahmet. Qazir de syrqattanyp jatqan, qınalyp jatqan jandar bar. Solardyń barshasy aman-esen shyǵady dep senemin. Sebebi oǵan sený kerek. Kónbeý kerek, jeńý kerek. Biz odan kúshtimiz dep sanasańyzdar barlyǵyn jeńemiz. Biz kóp nárseni jeńip kele jatqan batyr babalardyń urpaǵymyz. Qudaı buıyrtsa, budan da ótemiz», - dedi QR Tuńǵysh Prezıdenti.

Sonymen qatar Elbasy búgingi týǵan kúnine oraı búkil dúnıejúzinen, Qazaqstannyń túkpir-túkpirinen quttyqtaýlar men izgi tilekter alyp, oqyp jatqanyn atap ótti. Quttyqtaý joldaǵan barlyq shet memleketterdiń basshylaryna, qaıratkerleri men saıasatkerlerine jáne qazaqstandyqtarǵa rahmetin aıtqan Tuńǵysh Prezıdenti barshaǵa shyn kóńilinen úlken tabys, baqyt tileıtindigin jetkizdi.

«Elimiz aman, jurtymyz tynysh bolsyn! Bul náýbetten de ótemiz. Erteńgi kúni júzimiz jarqyn bolyp, talaı kezdesetin bolamyz», - dedi Nursultan Nazarbaev.

Aıta keteıik, Elbasynyń koronavırýstan aýyryp jatqan qazaqstandyqtardyń barlyǵyna aman-esen jazylyp shyǵýyna tilekshi ekendigin bildirgen vıdeony QR Tuńǵysh Prezıdentiniń baspasóz hatshysy Aıdos Úkibaı Twitter paraqshasynda jarııalaǵan edi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT