+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Elbasy kitaphanasynda «Jastar – eldiń tiregi» kórmesi ashyldy

2019 jylǵy 20 qarasha 19:29
Bólisińiz:
Elbasy kitaphanasynda «Jastar – eldiń tiregi» kórmesi ashyldy

NUR-SULTAN. QazAqparat - Búgin Tuńǵysh Prezıdent kúnine oraı, sondaı-aq Elbasy kitaphanasy on kúndiginiń aıasynda mýzeıde «Jastar – eldiń tiregi» kórmesiniń saltanatty ashylýy ótti, dep habarlaıdy QazAqparat.

Uqsas jańalyqtar
Nursultan Nazarbaev Qazaqstannyń Eńbek Eri Saırambaı Dónenbaevty qabyldady Elbasynyń tarıhı sátteri: Táýelsizdik tańy atqannan búginge deıin Aqtóbe oblysynda «Nur otan» jumysyn jandandyrý jospary quryldy

Іs-sharaǵa mádenıet jáne óner qaıratkerleri, dıplomatııalyq korpýs pen etnomádenı ortalyqtardyń ókilderi, Nur Sultan qalasyndaǵy ýnıversıtetter men kolledjderdiń oqytýshylary men stýdentteri qatysty.


– Barshańyzdy kele jatqan memlekettik mereke – Qazaqstan Respýblıkasynyń Tuńǵysh Prezıdenti kúnimen shyn júrekten quttyqtaımyn! Osy aıtýly dataǵa baılanysty, Elbasy kitaphanasy is-sharalar onkúndigin ázirledi. Búgingi is-shara onkúndiktiń tusaýkeseri bolyp tabylady. Elbasymyzdyń «daryndy jastar – elimizdiń bolashaǵy jáne áleýeti» deýi kezdeısoq emes. Bul baıqaýǵa kóptegen jas sýretshilerimiz ben tanymal óner maıtalmandary úlken eńbek jasady. Ásirese jastardyń yqylasy óte joǵary bolǵanyna qýanyshtymyn. Jeńimpaz atanǵan óner ıeleriniń shyǵarmashylyq jumystary aldaǵy ýaqytta Elbasy kitaphanasynyń úlken galereıalary men kórme zaldarynan laıyqty oryn alady dep úmittenemin. Osy sátti paıdalana otyryp, Qazaqstannyń beıneleý ónerine ózindik úles qosyp júrgen sýretshiler men qolóner sheberleri qaýymyna shyǵarmashylyq tabystar tileımin! – dedi kórmeni ashqan Elbasy kitaphanasynyń dırektory Ámirhan Rahymjanov.


Jastar jylyna arnalǵan kórme – ústimizdegi jyldyń aqpan aıynda Elbasy kitaphanasy men Nur-Sultan qalalyq Sýretshiler odaǵynyń beıneleý óneri maıtalmandary men sándik-qoldanbaly óner sheberleriniń arasynda jarııalaǵan respýblıkalyq baıqaýynyń ІІ-kezeń qorytyndysy. Kórkemóner baıqaýy «Uly dalanyń jeti qyry» maqalasyndaǵy Elbasynyń oıyn jalǵastyrady. Onyń aıasynda tarıhqa izin qaldyrǵan ultymyzdyń dara tulǵalary beınelengen beıneleý óneri men qazirgi óner salasynyń biregeı galereıasy qurylmaq.


– Aǵymdaǵy jyldyń aqpan aıynda Elbasy kitaphanasymen birge jastar arasynda uıymdastyrǵan baıqaýdyń nátıjelerimen tanysýǵa ýaqyt taýyp kelgen ónersúıer qaýymǵa rıza bolyp otyrmyn. Tuńǵysh Prezıdent úndeýiniń arqasynda beıneleý óneriniń ókilderi oılaryn júzege asyrý múmkindigin aldy. Mazmundy ekspozıtsııalar men jádigerlerge baı mýzeıdiń kórmesine qoıylǵan aldaryńyzdaǵy jumystar Elbasy kitaphanasy qorynyń saqtaýyna qabyldanbaq. Munyń bárin jastarǵa degen Nursultan Ábishulynyń qamqorlyǵy dep bilemiz. Osy tusta áriptesimizge aınalǵan kitaphananyń ujymyna, Tuńǵysh Prezıdentke alǵysymyz sheksiz, - dedi Nur-Sultan qalalyq Sýretshiler odaǵynyń tóraǵasy Ómiráli Ysmaıylov.


Іs-shara barysynda ІІ baıqaý kezeńiniń jeńimpazdary marapattaldy. Bas júldeni qanjyǵasyna baılaǵan Zámzegúl Oralbaeva óz pikirin bólisti:

– Sheteldik baıqaýlarǵa jıi qatysyp júrgenimmen, elimizde uıymdastyrylǵan saıysqa alǵash qatysyp júldeli orynǵa ıe bolyp otyrmyn. Kóńilime ystyq júldeniń men úshin mańyzy zor. Byltyr bastaǵan pannony kıizden jasaǵan bolatynmyn. Onyń top jaryp shyǵatynyn múldem kútpegen edim. Qazylar alqasy tabıǵat sulýlyǵyna degen mahabbatymdy sezinse kerek, jumysymnyń úzdik dep moıyndalǵanyn estigende qatty qýandym. Men usynǵan tekemettiń betinen erekshe aǵashtyń beınesin baıqaýǵa bolady. Kúndelikti ómirde tamyry tereń emenge rýhy myqty adamdardy teńep jatatynymyz beker emes. Kez kelgen aǵash adamnyń ómirin, áýletiniń shejiresi men babalar ósıetimen tyǵyz baılanysyn beıneleıdi. Mundaı saıystardyń arqasynda qarapaıym jurt pen sheteldik qonaqtar qazaq halqynyń ulttyq ónerimen jaqynyraq tanysa alady. Sol sebepti uıymdastyrýshylarǵa halqymnyń atynan alǵysymdy aıtamyn, - dedi ol.

І oryndardy «Keskindeme» nomınatsııasynyń jeńimpazy Renat Elýbaev, «Grafıka» nomınatsııasynyń jeńimpazy Ómirbek Tileýlıev, «Sándik-qoldanbaly óner» nomınatsııasynyń jeńimpazy Marash Kenıeva, «Músin» nomınatsııasynyń jeńimpazy Tileýjan Batanov ıelendi. ІІ oryndy «Sándik-qoldanbaly óner» jáne «Keskindeme» nomınatsııalarynyń jeńimpazdary, Darııa Qalymova men Senbiǵalı Smaǵulov aldy. «Grafıka» nomınatsııasynda Syrǵabaev ІІІ oryndy enshilese, Nına Tereenko men Ismaıl Achılov «Keskindeme» nomınatsııasynyń jeńimpazy atandy.


Jastar jylyna arnalǵan baıqaý jańadan bastaýshylar men kásibı sýretshiler, músinshiler, sándik-qoldanbaly óner sheberleri jáne Qazaqstannyń ónertanýshylary arasynda 18-35 jáne 36 jastan joǵary eki jas sanaty boıynsha ótti. Al baıqaýdyń birinshi kezeńiniń qorytyndysy boıynsha osy jyldyń shilde aıynda qatysýshylar jumystarynyń kórmesi jáne marapattaý rásimi ótken bolatyn.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT