+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Elbasy qazaqstandyqtardy Otan qorǵaýshy kúnimen quttyqtady

2020 jylǵy 6 mamyr 15:11
Bólisińiz:
Elbasy qazaqstandyqtardy Otan qorǵaýshy kúnimen quttyqtady

NUR-SULTAN. QazAqparat – QR Tuńǵysh Prezıenti – Elbasy qazaqstandyqtardy Otan qorǵaýshy merekesimen quttyqtady, dep habarlaıdy QazAqparat Elbasynyń resmı saıtyna silteme jasap.

«Qurmetti qazaqstandyqtar! Barshańyzdy Otan qorǵaýshy kúnimen quttyqtaımyn! 1992 jyly 7 mamyrda men Qazaqstan Respýblıkasynyń Qarýly kúshterin qurý týraly Jarlyqqa qol qoıdym.

Táýelsizdik alǵan sátten bastap biz elimizdiń áskerı qaýipsizdigin qamtamasyz etýge, qarýly qaqtyǵystardyń aldyn alýǵa, Qarýly kúshterdi damytý máselelerine árdaıym erekshe mán berdik.

Qýatty jáne qabiletti armııa ­– egemen eldiń mańyzdy atrıbýtynyń biri.

Qazaqstan armııasy zaman talabyna saı qarý-jaraqpen jabdyqtalǵan. Turaqty túrde oqý-jattyǵý uıymdastyrylyp otyrady. Áskerı qyzmetshilerdi áleýmettik qoldaýǵa erekshe kóńil bólip kelemiz.

Áskerıler beıbit zamanǵa laıyq erlik tanytyp, aldyna qoıylǵan barlyq mindetti abyroımen atqarýda. Qazirgi tańda olardyń kóbi quqyqtyq tártipti qamtamasyz etip, pandemııaǵa qarsy is-sharalardyń aldyńǵy shebinde koronavırýs indetimen kúresip júr.

Qadirli Otan qorǵaýshylar, týǵan ólkeniń tynyshtyǵyn abyroımen kúzetińizder. Jaýapkershilik, ádildik pen partıotızmniń jarqyn úlgisin kórsete berińizder.

­Bizdiń ortaq boryshymyz – halqymyzdyń basty qundylyqtary bolyp sanalatyn birlikti, táýelsizdik pen turaqtylyqty kózdiń qarashyǵyndaı saqtaý.

Mereıli mereke qutty bolsyn, ardaqty otandastar!

Barshańyzǵa zor densaýlyq, kúsh-qaırat pen baq-bereke tileımin!»,-delingen Elbasynyń quttyqtaýynda.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT