+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Elbasy: Halyq densaýlyǵy – ornyqty damý men baqýattylyq negizi

2019 jylǵy 16 qazan 09:54
Bólisińiz:
Elbasy: Halyq densaýlyǵy – ornyqty damý men baqýattylyq negizi

NUR-SULTAN. QazAqparat – Elbasy Nursultan Nazarbaev elordada ótip jatqan Onkologııadaǵy Dúnıejúzilik kóshbasshylar sammıtiniń qatysýshylaryna quttyqtaý hat joldady, dep habarlaıdy QazAqparat tilshisi.

Uqsas jańalyqtar
Qazaqstanda taǵy bir úlken qala boı kóteredi: Nursultan Nazarbaev jańarǵan Túrkistandy aralady Elbasy otandyq jáne sheteldik BAQ ókilderi úshin brıfıng ótkizdi Nursultan Nazarbaev Túrkistanda ákimshilik-iskerlik ortalyqtyń qurylysymen tanysty

Elbasynyń quttyqtaýyn sammıt barysynda Úkimet basshysynyń orynbasary Berdibek Saparbaev oqyp berdi.

«Qazaqstan astanasynda ótip jatqan obyrmen kúres kóshbasshylarynyń Dúnıejúzilik sammıtinde sizderge zor iltıpatymdy bildiremin. Qashanda adamnyń eń basty baılyǵy - onyń densaýlyǵy. Biraq qorshaǵan orta ahýalynyń nasharlaýy, az qozǵalýdyń ómir saltyna aınalýy, durys tamaqtanbaý sozylmaly dertterdiń, sonyń ishinde onkologııalyq aýrýlardyń kóbeıýine ákep soqtyrdy. Qazaqstan bul jahandyq úrdisterge belsene ún qosyp keledi», - delingen Elbasynyń quttyqtaýynda.

Nursultan Nazarbaev 2018 jyly Qazaqstanda onkologııalyq aýrýlarmen kúrestiń 2022 jylǵa deıigi keshendi jospary bekitilgenin atap ótti.

«Bıyl Onkologııa ulttyq ortalyǵynyń qurylysy bastaldy, onda obyrdy dıagnostıkalaý men emdeýdiń eń ozyq tehnologııalaryn qoldaný josparlanyp otyr. Alaıda onkologııalyq aýrý erterek anyqtalsa, ony emdeý ońaıyraq bolady. Bul rette aýrýdy erterek anyqtaýdyń asa mańyzdy kezeńi – alǵashqy medıtsınalyq-sanıtarlyq kómek. Osydan týra bir jyl buryn álemniń 194 eli Dýnıejúzilik Densaýlyq saqtaý uıymynyń Alǵashqy medıtsınalyq-sanıtarlyq kómek jónindegi Astana deklaratsııasyn biraýyzdan qabyldady. Astana deklaratsııasy medıtsınalyq qyzmetpen jappaı qamtýǵa, adam densaýlyǵyn saqtaýǵa qol jetkizý ýshin álemdik qoǵamdastyq kóshbasshylaryn alǵashqy medıtsınalyq-sanıtarlyq kómektiń rólin kúsheıtýge úndedi. Damyǵan Alǵashqy medıtsınalyq-sanıtarlyq kómek kóptegen aýrýdyń, onyń ishinde obyrdyń sapaly profılaktıkasyna, dertti erte anyqtaýǵa, tıimdi emdeýge septigin tıgizedi».

Elbasy Qazaqstan úshin halyq densaýlyǵy - ornyqty damý men baqýattylyq negizi ekenin atap ótti.

«Sammıtke belsene atsalysqandaryńyz úshin barshańyzǵa alǵys aıtyp, tabys tileımin, jumystaryńyz jemisti bolsyn!» - dep túıindegen Nursultan Nazarbaev qutttyqtaýynda.

Eske sala ketsek, elordada keshe Onkologııadaǵy Dúnıejúzilik kóshbasshylar sammıtiniń jumysy bastalǵan bolatyn. Forým jumysyna Halyqaralyq obyrǵa qarsy odaq (UICC) prezıdenti, joǵary mártebeli hanshaıym Dına Maıred, Qazaqstan Densaýlyq saqtaý mınıstri Eljan Birtanov qatysýda.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT