+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Elbasy Eýrazııadaǵy geosaıası jaǵdaıǵa áserin tıgizetin qaýip-qaterdi atady

2019 jylǵy 12 qarasha 10:36
Bólisińiz:
Elbasy Eýrazııadaǵy geosaıası jaǵdaıǵa áserin tıgizetin qaýip-qaterdi atady

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaev Eýrazııa keńistigindegi geosaıası jaǵdaıǵa áserin tıgizetin qaýipterdi atady, dep habarlaıdy QazAqparat tilshisi.

«Men de Eýrazııadaǵy geosaıası jaǵdaıǵa jaǵymsyz áserin tıgizetin qaýipter jaıly kózqarasymdy bildirsem dep edim. Birinshiden, bizdi kele jatqan daǵdarystan habar beretin álemdik ekonomıkadaǵy ahýal alańdatady. Saýda teketiresteri ósip kele jatqandyqtan, geosaıası turaqsyzdyq ahýalyna álemdik ınstıtýttar teris baǵasyn berip jatyr. Jahandyq ósimniń báseńdeýi álemdik saýdaǵa teris yqpalyn tıgizip keledi. Jahandyq memlekettik qaryzdyń deńgeıi 2007 jylǵy daǵdarys aldyndaǵy qaryz deńgeıinen eki ese artyp, álemdik JІÓ-niń 80 paıyzyna jetti. Bul faktorlardyń barlyǵy álemdik turaqtylyqty teńseltip, Eýrazııa elderine qatty yqpal etip otyr», - dedi Nursultan Nazarbaev Astana Club otyrysynda.

Tuńǵysh Prezıdent Astana Club otyrysyna qatysýshylardyń birqatarymen jeke kezdeskenin, dál sol kezdesýlerde atalǵan máseleler talqylanǵanyn tilge tıek etti.

«Ekinshiden, álemdik derjavalar arasyndaǵy básekelestik jańa deńgeıge shyqty. Ózara sanktsııalar, saýda soǵystary – AQSh pen QHR-dyń qazirgi qarym-qatynasynyń qalypty jaǵdaıyna aınalyp ketken. Agressıvti rıtorıka, ekonomıkalyq sanktsııa – Batys pen Reseı arasyndaǵy negizgi qatynas tili bolyp tur. Turaqty kommýnıkatsııa arnalarynyń bolmaýy ahýaldy odan saıyn qıyndatyp otyr. Jetekshi derjavalardyń arasyndaǵy teketires avtomatty túrde Eýrazııanyń ystyq núktelerine aýysyp otyrady. Ol jaǵdaı Sırııa men Ýkraınadaǵy máseleni beıbit túrde sheshý amaldaryn qıyndatady. Al Breksıt – sońǵy ýaqyttyń negizgi antııntegratsııalyq oqıǵasyna aınaldy», - dedi ol.

Aıta ketsek, elordada QR Tuńǵysh Prezıdenti – Elbasy Nursultan Nazarbaevtyń qatysýymen Astana Club otyrysy ótip jatyr. Kezekti basqosýǵa álemniń 23 memleketinen geosaıasat, ekonomıka men halyqaralyq qatynastar salasynyń mańdaıaldy sarapshysy retinde moıyndalǵan 50-den astam halyqaralyq spıker qatysýda. Qurmetti meımandardyń qatarynda - 3 burynǵy memleket basshysy, 5 eks-premer-mınıstr, 10 mınıstr jáne Nobel syılyǵynyń laýreaty bar.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT