+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Elbasy Eýrazııa ekonomıkalyq odaǵynyń bolashaǵy týraly aıtty

2019 jylǵy 12 qarasha 12:41
Bólisińiz:
Elbasy Eýrazııa ekonomıkalyq odaǵynyń bolashaǵy týraly aıtty

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaev «Eýrazııa ekonomıkalyq odaǵy Qazaqstannyń úmitin qanshalyqty aqtady?» degen suraqqa jaýap berdi, dep habarlaıdy QazAqparat tilshisi.

Uqsas jańalyqtar
Nursultan Nazarbaev bılik tranzıti týraly pikir bildirdi Elbasy: EO men EAEO – bir-birin tolyqtyratyn ózara baılanysty uıymdar Nursultan Nazarbaev Soltústik Koreıa shıelenisin sheshý joldaryn usyndy

«Belovej ormanyndaǵy kóshbasshylar kezdesýinen keıin Sovet odaǵy tarap ketti. Osydan keıin jan-jaqqa bytyraı qashyp ketpes úshin qandaı da bir uıym qurýdy usyndym. Balqan túbindegi oqıǵa bizde qaıtalanbasyn degen oıda edim. Osylaısha, Táýelsiz memleketter dostastyǵy quryldy. Ol uıymnyń da bizdiń eski astanamyz – Almatyda 1991 jyldyń 21 jeltoqsanynda qurylǵanyn eske salǵym keledi», - dedi Nursultan Nazarbaev Astana Club otyrysynda.

Elbasy kezinde bir odaqta bolǵan memleketter arasyndaǵy ekonomıkalyq baılanysty saqtap qalýy kúsh salynǵanyn eske aldy.

«Sovet odaǵynda úlken kooperatsııa boldy. Onsyz baılanystyń bári úzilip qalatyn. Kásiporyndar toqtap, adamdardyń bári jumyssyz qala bastady. Alaıda bolmaıtyn dúnıe bolmaı qaldy. Táýelsizdigin jarııalaǵannan keıin ár el óz jolymen kete bardy. Osylaısha, TMD kezdesýleri – prezıdentterdiń klýby bolyp qaldy, kezdesip, sóılesedi de ketedi. Jartysy qujatqa qol qoısa, jartysy óz betimen ketetin. Sol sebepti ártúrli jyldamdyqtaǵy ıntegratsııa kerek dep oıladym: qalasa, qosylady, qalamaǵany ózi biledi. Eýropalyq odaq ta bir kúnde quryla salǵan joq qoı. Qazir onda da áli kúnge deıin problemalar barshylyq. Sol sebepti men sonaý 1994 jyly Eýrazııalyq ekonomıkalyq odaqty qurý jóninde usynys aıtqan edim», - dedi ol.

Nursultan Nazarbaev Qazaqstan, Reseı, Belarýs elderi birigip, aqyry Eýrazııa ekonomıkalyq odaǵy qurylǵanyn atap ótti.

«Odaq – ekonomıkalyq. Oǵan ýaqyt óte kele Qyrǵyzstan men Armenııa endi. 2014 jyly Eýrazııalyq ekonomıkalyq odaqty qurdyq. 2014 jyldan bergi bes jyl – jahandyq deńgeıde eń sátti ýaqyt boldy dep aıtý qıyn. Sanktsııalar men saýda soǵystary boldy. Onyń bári bizge áser etedi. Osyǵan qaramastan, bizdiń kezdesýler turaqty túrde ótkizilip, biz atalǵan odaqtyń ekonomıkalyq komıssııasyn qurdyq. Sot, kedendik keńistik quryldy. Qujattardy bekitý arqyly alǵa jyljyp kelemiz. Eshkim de muny paıdasyz demeıdi. Paıdaly ekenin kórip otyrmyz», - dedi Tuńǵysh Prezıdent.

Nursultan Nazarbaev memleketter arasyndaǵy ózara saýda artyp kele jatqanyn, baıaý bolsa da ónerkásiptik kooperatsııa da óskenin atap ótti.

«2025 jyly kólik pen gazdyń, elektr qýatynyń ortaq naryǵyn quramyz dep kelistik. Bul - óte mańyzdy sharýa. Oǵan da kelemiz. Bul bizdiń ary qaraı damýymyzǵa ońtaıly jaǵdaı jasaıdy. Jaqynda Sankt-Peterbýrgte kezekti kezdesý uıymdastyrylady. Áriptesterim - Eýrazııa ekonomıkalyq odaǵyna kiretin elderdiń basshylary meni qurmetti tóraǵa dep saılady. Sondyqtan, biz Eýropa odaǵymen kelisim jasasaq deımiz. Eýrazııa ekonomıkalyq odaǵy men Eýropalyq odaq arasyndaǵy baılanys arqyly saýda múmkindikterin ashýǵa bolady. Keıin ary qaraı da jyljı alamyz. Eýrazııalyq ekonomıkalyq odaqtyń bolashaǵy zor dep oılaımyn», - dedi ol.

Nursultan Nazarbaev Aýǵanstan ekonomıkalyq odaqqa múshe elderdiń bárin qyzyqtyryp otyrǵanyn tilge tıek etti.

«Ol bizge kórshi memleket. Osy jyldar aralyǵynda Qazaqstan ol elge úlken kómek kórsetti. Myńdaǵan aýǵanstandyq stýdent ártúrli mamandyq ıesi atanyp, bizde oqyp jatyr. Bul jumys jalǵasady. Aýǵanstannyń dál qazir Eýrazııa ekonomıkalyq odaǵyna kiretindeı jaǵdaıy bolyp turǵan joq. Ol jaqta soǵys bolyp jatyr. Álbette, Aýǵanstannyń bizben bolǵany jaqsy bolar edi», - dep túıdi Elbasy.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT