+7 (701) 759 90 19
USD 375.91 EUR 416.85
RUB 6.10 CNY 54.77
Jańalyqtar

Elbasy ERG kompanııasynyń 25 jyldyǵyna arnalǵan sharaǵa qatysty

2019 jylǵy 12 jeltoqsan 23:42
Bólisińiz:
Elbasy ERG kompanııasynyń 25 jyldyǵyna arnalǵan sharaǵa qatysty

NUR-SULTAN. QazAqparat –Elbasy ERG kompanııasynyń 25 jyldyǵyna arnalǵan saltanatty sharaǵa qatysty. Bul týraly QazAqparat elbasy.kz saıtyna silteme jasap habarlaıdy.

Nursultan Nazarbaev Eýrazııalyq top quramyndaǵy kásiporyndar ujymyn kompanııanyń 25 jyldyǵymen quttyqtady.

Qazaqstannyń Tuńǵysh Prezıdenti kompanııanyń damý joly el táýelsizdiginiń nyǵaıýymen tyǵyz baılanysty ekenin atap ótti.

Elbasy táýelsizdiktiń alǵashqy jyldary elimizdegi kásiporyndardyń basynan ótkergen qıyndyqtary týraly aıtty.

- 1994 jyly kúrdeli jaǵdaıda turǵan kásiporyndar búgingi kúni aıaǵyna nyq turdy. Kompanııalar toby 150 myńnan astam jumys ornyn berip otyr. ERG óndiristi damytý jáne keńeıtý úshin 13 mıllıard dollar ınvestıtsııa saldy, - dedi Nursultan Nazarbaev.

Sonymen qatar, Qazaqstannyń Tuńǵysh Prezıdenti áleýmettik jobalardy iske asyrý baǵytyndaǵy Eýrazııalyq toptyń qyzmetin oń baǵalady.

- Sizder áleýmettik baǵdarlamalardy da júzege asyryp jatyrsyzdar. Turǵyn úı, mektepter, aýrýhanalar, sport nysandary jáne basqa da ınfraqurylymdyq jobalar júzege asýda, - dedi Elbasy.


Sondaı-aq, Nursultan Nazarbaev jahandyq syn-qaterlerge toqtalyp, odan ári damý úshin qazaqstandyq kásiporyndarǵa jańa sheshimder qajet ekenin atap ótti.

- Ómir ornynda turmaıdy. Barlyǵy alǵa jyljýda. Biz tsıfrlyq ekonomıka dáýirine aıaq basyp kelemiz. Jasandy ıntellekt barlyq jerde engizilip jatyr. Munyń bári básekege qabilettilikti saqtaý úshin ozyq tájirıbe izdeýdi talap etedi, - dedi Qazaqstannyń Tuńǵysh Prezıdenti.

Elbasy ERG kompanııasynyń myńdaǵan qyzmetkerlerine onyń saıasatyn qoldaǵany úshin alǵys aıtty.

- Barlyǵymyz elimizdiń órkendeýi úshin qyzmet etemiz. Eldi bolashaq urpaq úshin damytamyz. Óıtkeni, táýelsizdikti jarııalaý - bir bólek, al ony saqtap qalý múldem bólek másele. Ol úshin biz ekonomıkany damytýymyz kerek. Bul jolda Eýrazııalyq toptyń jumysshylary laıyqty úles qosyp keledi, - dedi Nursultan Nazarbaev.

Sóz sońynda Qazaqstannyń Tuńǵysh Prezıdenti kompanııanyń barlyq qyzmetkerlerin taǵy da quttyqtap, olarǵa sáttilik pen tabys tiledi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT