+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Elbasy: Elimizdiń iri qalalarynda jastar úshin jylyna 1 myń páter salynady

2019 jylǵy 23 qańtar 13:05
Bólisińiz:
Elbasy: Elimizdiń iri qalalarynda jastar úshin jylyna 1 myń páter salynady

ASTANA. QazAqparat - Astana, Almaty jáne Shymkent qalalarynda jastar úshin jylyna 1 myń páter salynady. Bul týraly Jastar jylynyń ashylýyna arnalǵan saltanatty jıynda Elbasy Nursultan Nazarbaev málim etti, dep habarlaıdy QazAqparat.

«Baspana problemasynyń ózektiligin eskere otyryp, qansha qurylys júrgizilse de, iri qalalarda turǵyn úı jas otbasylarǵa jetkiliksiz bolyp keledi. Osy oraıda turǵyndary mıllıonnan asqan úsh qala boıynsha tıisti tapsyrma bermekpin. Atap aıtqanda, halqy mıllıonnan asqan shaharlar kóbirek bolǵanyn qalaımyn, sebebi osyndaı qalalarda bilim berý, ǵylym men mádenıettiń damý qarqyny joǵary bolady. Sarapshylardyń aıtýynsha, álemniń 600 iri qalasy álemdik ónimniń 60 paıyzyn óndirý kórsetkishine jetedi. Bizde iri shahar retinde Almaty ǵana bolǵan edi, endi Astana men Shymkent te osy deńgeıge jetti. Taǵy da eki qala osyndaı mejege jetý aldynda tur. Osy iri qalalarda jylyna 1 myńnan kem emes páter jumys isteıtin jastar úshin salatyn bolamyz», - dedi Nursultan Nazarbaev Úkimetke bergen tapsyrmasynda.

Memleket basshysynyń atap ótýinshe, osy páterler arendalyq baspana sanatyna jatqyzylýy kerek.

Sonymen qatar Prezıdent bul baǵyttaǵy máseleni sheshýge «7-20-25» bastamasy da baǵyttalǵanyn jetkizdi.

«Osyndaı baspanaǵa jumys isteıtinder úmit arta alady. Jumys - ol ál-aýqattyń negizgi kózi. Biz Qazaqstanda paternalızmdi damytqymyz kelmeıdi, ıaǵnı barlyǵyn memleketke júktep qoıǵan durys emes. Ózderińizdiń isterińizben memleketke qoldaý jasaýlaryńyz kerek. Sondyqtan jas qyzmetkerler úshin baspana jaǵdaıyn jasaýǵa barlyq menshik túrindegi kásiporyndar belsendi túrde qatysýy qajet. Bul turǵyda bizdiń barsha iri kompanııalarǵa úndeý jasap otyrmyn», - dedi Prezıdent.


null

Eske sala ketsek, QR Prezıdenti Nursultan Nazarbaev Qazaqstan halqyna bıylǵy Joldaýynda 2019 jyldy Jastar jyly dep jarııalaýdy usynǵan bolatyn.

Prezıdent óz sózinde jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerektigin aıtqan edi. Al, arada bir aıdan astam ýaqyt ótkende Elbasy Jarlyǵymen 2019 jyl Jastar jyly dep jarııalandy.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT