+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Elbasy: Bomba ustap, bárinen qorqyp otyrǵansha elińdi damytqan abzal

2019 jylǵy 12 qarasha 12:09
Bólisińiz:
Elbasy: Bomba ustap, bárinen qorqyp otyrǵansha elińdi damytqan abzal

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaev álemdik ahýalǵa áser etip otyrǵan Iran daǵdarysyna qatysty pikir bildirdi, dep habarlaıdy QazAqparat tilshisi.

«Biz bul máseleni kóp talqyladyq. Bul problemaǵa qatysty naqty qazir jaýap aıtý – men úshin óte qıyn. Iranmen jasalǵan kelisimniń toqtap turǵany ókinishti. Árıne, kezinde jasalǵan kelisimniń joıylmaǵanyn qalaımyz. Bári kelisti, mámilege keldi – Iran usynystardy qabyl aldy. Qazaqstan bul iske qatysty. Kelissóz osynda ótkizilgen edi. Iran prezıdentimen de birneshe ret kezdesip, oǵan Qazaqstannyń sovet dáýirinen keıin ıadrolyq memleketke aınalyp qalǵanyn aıtqan edim. Qazaqstannyń ol kezde polıgony, 1100 oqtumsyǵy bar 110 ıadrolyq zymyrany, alys qashyqtyqqa beıimdelgen qarýy boldy. TMD boıynsha eseptegende onyń bárin ózimizdiki dep aıtýǵa bolar edi», - dedi Nursultan Nazarbaev Astana Club otyrysynda.

Elbasynyń aıtýynsha, qazir álemde 7,5 myń ıadrolyq oqtumsyq bar.

«Soltústik Koreıaǵa da, basqasyna da aıtarym - qolǵa bomba ustap alyp, bárinen qorqyp otyrǵannan góri álemdik qaýymdastyqtyń jaǵymdy nazaryn aýdaryp, ınvestıtsııa alyp, eldi damytqan abzal. Óz elińdi qarýmen qorǵap qalasyń ba, álde qurtyp alasyń ba – ekeýi eki túrli nárse. Sol sebepti qazir ol másele tyǵyryqqa tireldi», - dedi ol.

Nursultan Nazarbaev óz sózinde Iran máselesin kezinde jetkizilgen kelissóz núktesine qaıta alyp kelý kerek.

«Eýropa elderi men basqa da álemdik qaýymdastyqtar tarapynan Iranǵa tıisti kepil berilýi tıis. Qazirgideı bastyqtyra bermegen abzal. Ol - óte qaýipti qadam. Álemdik kómirsýtek shıkizatynyń, munaı qajettiliginiń 30 paıyzy Ormýz buǵazy arqyly ótedi. Teketires bola qalsa, álemdik ahýal qıyndaı túsedi. Demek, bunyń bári - konfrontatsııanyń keseli. Kez kelgen máselede kelissóz kerek. Kelissózderge qaıtqan jón. Men árdaıym osyǵan shaqyramyn. Qazir iri ıadrolyq memleketter kelissóz ústelinde bas qosýy tıis. Álemdik soǵystardyń bári de kelissózben aıaqtalǵan. Birinshi dúnıejúzilik soǵystan keıin iri derjavalar Ulttar lıgasyn qurdy. Ekinshi dúnıejúzilik soǵystan keıin BUU quryldy. ıAǵnı, bári kelissóz arqyly sheshilgen», - dedi ol.

Aıta ketsek, elordada QR Tuńǵysh Prezıdenti – Elbasy Nursultan Nazarbaevtyń qatysýymen elordada Astana Club otyrysy ótip jatyr. Kezekti basqosýǵa álemniń 23 memleketinen geosaıasat, ekonomıka men halyqaralyq qatynastar salasynyń mańdaıaldy sarapshysy retinde moıyndalǵan 50-den astam halyqaralyq spıker qatysýda. Qurmetti meımandardyń qatarynda - 3 burynǵy memleket basshysy, 5 eks-premer-mınıstr, 10 mınıstr jáne Nobel syılyǵynyń laýreaty bar.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT