+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Elbasy barlyq azamattardy «Nur Otan» partııasyna qosylýǵa shaqyrdy

2019 jylǵy 16 tamyz 18:26
Bólisińiz:
Elbasy barlyq azamattardy «Nur Otan» partııasyna qosylýǵa shaqyrdy

NUR-SULTAN. QazAqparat - Qazaqstannyń Tuńǵysh Prezıdenti Nursultan Nazarbaevtyń tóraǵalyǵymen ótken «Nur Otan» partııasynyń Saıası keńesi Bıýrosynyń otyrysynda Elbasy partııalastarynyń aldynda qandaı mindetter turǵanyn atady, dep habarlaıdy QazAqparat tilshisi.

Otyrys barysynda partııa baǵdarlamalarynyń oryndalý barysy men aldaǵy kezeńge arnalǵan jumystyń basym baǵyttary qaraldy. Keńesti asha otyryp Elbasy 20 jyl ishinde «Nur Otan» eldiń qýatty saıası kúshine aınalǵanyn atap ótti.

«Eń qıyn kezeńderde bizdiń partııa bir arnada jumys isteý úshin adamdar men saıasatkerlerdi uıystyra bildi. Biz beıbitshilik pen etnosaralyq kelisimdi, saıası turaqtylyqty saqtap qaldyq. Osynyń arqasynda kóptegen jetistikke jettik. Bul yntymaq bizdiń elimizdi «daǵdarys qyspaǵynan» alyp shyǵyp, ınvestıtsııa tartýǵa, myńdaǵan jańa kásiporyn ashýǵa, halyqty jumys oryndarymen qamtamasyz etýge múmkindik berdi. Eń bastysy, Táýelsizdigimizdi saqtap, ony nyǵaıtyp aldyq, - dedi Qazaqstannyń Tuńǵysh Prezıdenti.


Nursultan Nazarbaev jahandyq ózgerister jaǵdaıynda partııa aldynda jańa jáne odan da kúrdeli mindetter turǵanyn atap ótti.

«Qazaqstan, basqa da tez damyp kele jatqan elder sııaqty «Orta tabys tuzaǵyna» tap boldy. Búkil álem boıynsha orta tap kiristeriniń stagnatsııasy baıqalady. Sondaı-aq, teris jahandyq trendter de eleýli yqpal etetinin de aıta ketý kerek», - dedi partııa Tóraǵasy.

Elbasy azamattardyń ósip kele jatqan suranystaryna der kezinde den qoıý qajettigin atap ótti.

«Sonymen qatar, qıyndyqtarǵa qaramastan, 2050 jylǵa deıingi Strategııada belgilengen basty maqsatty - damyǵan 30 memlekettiń qataryna kirýdi, ıaǵnı qazaqstandyqtardyń ómir súrý sapasyn damyǵan elderdiń deńgeıine kóterý maqsatyn umytpaýymyz kerek. Buǵan qol jetkizý úshin, birinshi kezekte, turaqtylyq, birlik jáne eń bastysy – barlyq qazaqstandyqtardyń eńbekqorlyǵy qajet. Bizdiń árqaısymyzǵa muny túsingen abzal. Bul joldy barlyq otyzdyqqa engen elder júrip ótken, - dedi Qazaqstannyń Tuńǵysh Prezıdenti.

Nursultan Nazarbaev 2050 jylǵa deıingi Strategııalyq damý baǵytynyń maqsattaryna qol jetkizý baǵytynda partııa jumysynyń basym baǵyttaryna toqtaldy.

«Bul úshin bizdiń partııa, birinshiden, qoǵamdy biriktirip, eldiń saıası basshylyǵynyń birligin bekemdeýi tıis. Іshki birlik pen kelisim bar da – órkendeý de bolady. Ekinshiden, naqty partııalyq sáıkestik pen qatań tártip, atqarýshy bıliktiń jaýapkershiligi qajet», - dedi partııa Tóraǵasy.

Elbasy Májilis pen máslıhattardaǵy saılaý naýqanyna sapaly daıyndyq júrgizýdiń mańyzdylyǵyna toqtaldy.

«Alda bizdi Konstıtýtsııalyq merzimde ótetin Májilistegi mańyzdy saılaý kútip tur. Ótken jyly zańnamaǵa engizilgen túzetýlerge sáıkes, Májilistegi saılaý sekildi máslıhattarda da kelesi saılaý alǵash ret partııalyq tizimder boıynsha ótedi. Biz jeńiske jetýdi jáne uzaq merzimdi saıası kóshbasshylyqty maqsat etip otyrmyz. Sondyqtan aldaǵy saılaý naýqanyna daıyndyqty dál búginnen bastaý kerek, - dedi Qazaqstannyń Tuńǵysh Prezıdenti.


Elbasy sondaı-aq barlyq azamattardy memlekettiń ótkir áleýmettik-ekonomıkalyq problemalaryn sheshý úshin partııaǵa qosylýǵa shaqyrdy.

«Biz óz usynystaryn bere bastaǵan belsendi azamattardy, blogerlerdi kórip, estip otyrmyz. Eger olar shyn máninde bizdiń elimizdiń qamyn jese, biz olardy usynylǵan ıdeıalardy júzege asyrý úshin partııamen birlesip jumys isteýge shaqyramyz», - dedi partııa Tóraǵasy.

Nursultan Nazarbaev el aımaqtaryndaǵy azamattardyń problemalaryn sheshýde «Nur Otan» partııasynyń jumysyn jandandyrý qajettigin atap ótti.

««Nur Otan partııasynyń mindeti – tıimdi qoǵamdyq jáne partııalyq baqylaý, bizdiń halyqqa bergen barlyq ýádelerdi sapaly oryndaý, «Bes ınstıtýtsıonaldyq reformany», partııanyń 2021 jylǵa deıingi saılaýaldy baǵdarlamasyn, saılanǵan Prezıdent Qasym-Jomart Kemeluly Toqaevtyń baǵdarlamasyn iske asyrý. Olardyń barlyǵy qazaqstandyqtardyń ómirin jaqsartýǵa baǵyttalǵan», - dedi Elbasy.

Sonymen qatar, «Nur Otan» partııasynyń tóraǵasy Qoǵamnyń partııaǵa senimin arttyrý maqsatynda aqparattyq-ıdeologııalyq strategııany qabyldaýdyń mańyzdylyǵyna nazar aýdardy.

«Problemalar týraly ashyq aıtyp, olardy naqty ornynda sheshilýine qol jetkizý qajet. Bizdiń mindetimiz - qoǵamdaǵy senim ahýalyn qalyptastyrý. Ol úshin barlyq qoǵamdyq, saıası kúshterdiń, bıznestiń, ıntellıgentsııanyń, sarapshylar men azamattardyń dıalogy qajet. Barlyq qolda bar alańdardy paıdalanǵan abzal. Naqty problemalardy sheshý úshin maqsatty jumys bolýy tıis. Biz azamattarǵa bolashaqqa degen senim berýge tıispiz», - dedi Nursultan Nazarbaev.

Partııanyń Saıası keńesi Bıýrosynyń otyrysy barysynda «Nur Otan» partııasynyń partııalyq tizimi boıynsha Parlament Májilisi depýtattarynyń mandattaryn G. N. Ábdiqalyqovaǵa, N. B. Álimjanovqa, N. Q. Áshimbetovke jáne J. Q. Omarbekovaǵa berý týraly sheshim qabyldandy.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT