+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Elbasy aýmaly, tókpeli zamanda egemen elimizdiń shańyraǵyn shaıqaltpaı, bosaǵasyn bekemdedi - Ersultan Bekturǵanov

2020 jylǵy 6 shilde 16:02
Bólisińiz:
Elbasy aýmaly, tókpeli zamanda egemen elimizdiń shańyraǵyn shaıqaltpaı, bosaǵasyn bekemdedi - Ersultan Bekturǵanov

NUR-SULTAN. QazAqparat – Halqymyzda «Bir shańyraqty syılaý – ultty syılaýdyń alǵashqy baspaldaǵy» degen ulaǵatty sóz bar. Eltańbamyzdyń dál ortasynda shańyraqtyń beınelenýi de kezdeısoq emes. Májilis depýtaty, «Nur Otan» fraktsııasynyń múshesi Ersultan Bekturǵanov osyndaı pikir bildirdi, dep habarlaıdy QazAqparat.

Uqsas jańalyqtar
Nazarbaev Lýkashenkomen telefon arqyly sóılesti Elbasy Asqar Mamın men Álıhan Smaıylovty qabyldady

«Halqymyzdyń kóneden kele jatqan qasıetti uǵymdarynyń biri – qara shańyraq. Ol bir otbasyn ǵana emes, bútin eldi, tutas Otandy bildiretin qasterli uǵym ári urpaqtar baılanysyn, dástúrler sabaqtastyǵyn qamtamasyz etetin, salt-sanamyzda berik oryn alǵan, atadan kele jatqan asyl mura. Ádette, úlkender bata bergen kezde óz tilegin «Bosaǵalaryń – berik, keregeleriń keń bolsyn», «Shańyraqtaryń bıik bolsyn», «Shańyraqtaryń shattyqqa tolsyn» degen sózdermen bastap, aıaqtap jatady», - deıdi Ersultan Bekturǵanov.

Onyń aıtýynsha, qazaq úshin shańyraqtyń bútindiginen, otbasynyń amandyǵynan asqan másele joq. Sondyqtan budan úlken tilek, budan úlken bata bolmaıdy.

«El basyna kún týyp, er etigimen kún keshken qıyn kezeńderde de halqymyz shańyraqty jaý qolyna tastap ketpegen. Tipti, qystaýdan – kókteýge, odan jaılaýǵa kóship, qonys aýdarǵan kezde de jańa jurtta shańyraq kóterý qurmeti elge syıly, halyqqa qadirli abyz aqsaqaldarǵa berilgen. Bul Uly Dalanyń buljymas qaǵıdasy sanalǵan.

Halqymyzda «Bir shańyraqty syılaý – ultty syılaýdyń alǵashqy baspaldaǵy» degen ulaǵatty sóz bar. Bizdiń Ulttyq rámizderimizdiń biri, Memlekettik Eltańbamyzdyń dál ortasynda shańyraqtyń beınelenýi de kezdeısoq emes», - deıdi Ersultan Bekturǵanov.

Áńgimeni shańyraqtan bastap, onyń halqymyz úshin qadir-qasıetimen túıindep otyrǵan sebebin aıtty

«Birinshiden, búgin – óz halqynyń amandyǵy jolynda basyn báıgege tigip, bodan elin bostandyqqa bastaǵan, táýelsiz memlekettiń Qara shańyraǵyn kóterip, dańǵyl damý jolyna túsirgen, irgeli el etken, osynaý jaýapkershiligi mol, uly mindetti óz moınyna alyp, abyroımen atqaryp shyqqan Elbasymyz Nursultan Nazarbaevtyń týǵan kúni. Ekinshiden, qazaq halqynyń ótken ǵasyrda óz erkimen tańdap alǵan jańa astanasy, Elbasymyz óz qolymen irgetasyn qalap, Shańyraǵyn kótergen Elordamyzdyń kúni. Bul qos merekeniń san túrli ulttyń basyn biriktirgen Qara shańyraǵymyz – Qazaqstan úshin orny erekshe.

Sondyqtan, ardaqty aǵaıyn! Aýmaly, tókpeli zamanda egemen elimizdiń shańyraǵyn shaıqaltpaı, keregesin keńeıtip, bosaǵasyn bekemdegen, táýelsizdigimizdiń kók týyn bıik ustap, ultymyzdyń ǵana emes, bútin túrik áleminiń aqsaqaly atanǵan Tuńǵysh Prezıdentimiz – Elbasy Nursultan Ábishuly Nazarbaevtyń 80 jasqa kelgen mereıli kúni qutty bolsyn. Eli súıgen, elin súıgen Elbasyna zor densaýlyq, uzaq ǵumyr tileımiz.

Táýelsizdigimizdiń nyshany, birligimizdiń belgisi, tatýlyǵymyzdyń jemisi bolyp tabylatyn Bas qalamyzdyń merekesi – Elorda kúni de qutty bolsyn!

Barshamyzǵa baq-bereke, amandyq tileımin! Táńirim tek jaqsy kúnde jolyǵýǵa jazsyn!», - dedi Ersultan Bekturǵanov.


Bizdiń kanalymyzǵa jazylyńyz:

Bólisińiz:
Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT