Elvıra Ázimova jappaı tártipsizdikter kezinde joǵalǵandar týraly pikir bildirdi
2022 jylǵy 17 qańtar 20:40

Elvıra Ázimova jappaı tártipsizdikter kezinde joǵalǵandar týraly pikir bildirdi

NUR-SULTAN. QazAqparat – QR Adam quqyqtary jónindegi ýákil Elvıra Ázimova Almatydaǵy jappaı tártipsizdikter kezinde joǵalyp ketken turǵyndar týraly pikir bildirdi, dep habarlaıdy QazAqparat.

«Áleýmettik jelide joǵalǵan azamattar týraly habarlamalar bar. Olardyń qatarynda medıtsınalyq mekemelerge kelgen nemese ustalǵandardyń qatarynda bolǵan adamdar da bar», - dedi Elvıra Ázimova Ortalyq kommýnıkatsııalar qyzmetinde ótken baspasóz máslıhatynda.

Spıkerdiń aıtýynsha, Іshki ister mınıstrliginiń resmı bólimsheleri men Bas prokýratýranyń resmı ókilderi munyń sebebin aqparattyq júıelerdiń isten shyǵýynan dep túsindirgen.

«Tıisinshe, ustalǵandardyń jeke basyn anyqtaý úshin ýaqyt ádettegiden kóp jumsaldy. Almaty men Nur-Sultandaǵy arnaıy mekemelerge barý kórsetkendeı, tártipsizdik kúnderi aqparattyq júıeniń isten shyǵýyna baılanysty ustalǵan kóptegen adamnyń jeke basyn kýálandyratyn qujattary bolmaǵan jáne olardyń týystaryna jappaı tártipsizdiktiń alǵashqy kúnderi habar berilmegen», - dep túsindirdi Elvıra Ázimova.

Buǵan deıin spıker TJ kezinde ustalǵandardyń kóbi urlyq pen maroderlik úshin aıyptalyp otyrǵanyn aıtqan edi.

Sondaı-aq, adam quqyqtary jónindegi ýákil tártipsizdik kezinde ustalǵandar qandaı máselelerge jıi shaǵymdanatynyn aıtty.


Jańalyqtar

MURAǴAT