+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

EQYU Qazaqstanda júrgizilip jatqan reformalardy qoldady

2020 jylǵy 21 aqpan 16:02
Bólisińiz:
EQYU Qazaqstanda júrgizilip jatqan reformalardy qoldady

VENA. QazAqparat - Eýropadaǵy qaýipsizdik jáne yntymaqtastyq uıymy Qazaqstanda júrgizilip jatqan reformalarǵa qoldaý bildirdi, dep habarlaıdy QazAqparat Senattyń baspasóz qyzmetine silteme jasap.

Parlament Senaty Tóraǵasynyń orynbasary Asqar Shákirov bastaǵan Qazaqstan Respýblıkasy Parlamentiniń delegatsııasy Eýropadaǵy qaýipsizdik jáne yntymaqtastyq uıymy Parlamenttik Assambleıasynyń Venada ótip jatqan 19-shy sessııasyna qatysýda. Delegatsııa quramynda Senat depýtattary M.Bortnık, T.Muqashev jáne Májilis depýtattary S.Abdrahmanov pen J.Ahmetbekov bar.

A.Shákirov jalpy komıtetterdiń birlesken otyrysynda Qazaqstanda júrgizilip jatqan saıası jáne demokratııalyq ózgerister týraly Assambleıa múshelerin habardar etti.

Atap aıtqanda, «halyq únine qulaq asatyn memleket» tujyrymdamasynyń aıasynda júzege asatyn kóppartııalyqty damytý, parlamenttik oppozıtsııa quqyqtaryn nyǵaıtý, áıelder men jastardy zań shyǵarý salasyna tartý, quqyq qorǵaý júıesi men beıbit jınalystar týraly zańnamany jetildirý jónindegi sharalar atap ótildi.

Otyrys qorytyndysyn shyǵarý kezinde Parlamenttik Assambleıa Tóraǵasy Georgıı Tseretelı Qazaqstanda júrgizilip jatqan reformalardy jáne Qazaqstan Respýblıkasynyń Prezıdenti Qasym-Jomart Toqaevtyń osy úderiske tikeleı qatysyp kele jatqanyn joǵary baǵalady.

«Men Qazaqstanǵa birneshe ret bardym. Biz Prezıdent Qasym-Jomart Toqaevtyń júzege asyryp jatqan barlyq mańyzdy reformalaryn tolyq qoldaımyz. Qazaqstan Prezıdentin bizdiń kez kelgen otyrysta qurmetti qonaq retinde kórsek qýanar edik. Óıtkeni, ol osy Uıymnyń damýyna úlken úles qosty. Sondyqtan bizdiń esigimiz oǵan árqashan ashyq», - dedi Georgıı Tseretelı.

EQYU PA qyzmetine qosqan eleýli úlesine nazar aýdara otyryp G.Tseretelı Memleket basshysyn uıymnyń aldaǵy sharalaryna, atap aıtqanda, bıylǵy shilde aıynda Vankýverde ótetin Assambleıanyń jyl saıynǵy sessııasyna qurmetti qonaq retinde shaqyrdy.

Sessııa aıasynda Qazaqstan Parlamenti Senaty Tóraǵasynyń orynbasary EQYU Parlamenttik Assambleıasynyń basshylyǵymen jáne Aýstrııa Parlamenti Ulttyq Keńesiniń Tóraǵasy Volfgang Sobotkamen birqatar kezdesýler ótkizdi.

Parlament depýtattary Saıası máseleler jáne qaýipsizdik, Ekonomıkalyq máseleler, ǵylym, tehnologııalar jáne qorshaǵan orta, Demokratııa, adam quqyqtary jáne gýmanıtarlyq máseleler jónindegi jalpy komıtetterdiń pikirsaıystaryna qatysty. Kemsitýshilik pen tózbeýshilikke qarsy kúres, uzaqqa sozylǵan janjaldardy sheshý, klımat ózgeristeriniń sebep-saldary jáne taǵy basqalar - kún tártibindegi negizgi máseleler.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT