+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Eksporttaýshylardyń shyǵyndaryn óteý erejeleri ózgerdi – Baqyt Sultanov

2020 jylǵy 24 qarasha 22:00
Bólisińiz:
Eksporttaýshylardyń shyǵyndaryn óteý erejeleri ózgerdi – Baqyt Sultanov

NUR-SULTAN. QazAqparat – ІH Azamattyq forýmda QR saýda jáne ıntegratsııa mınıstri Baqyt Sultanov otandyq eksport sýbektilerine qandaı qoldaý kórsetiletinin aıtyp berdi, dep habarlaıdy QazAqparat tilshisi.

Onyń aıtýynsha, mınıstrlik qysqa merzimde ázirlegen Saýdany damytý týraly memlekettik baǵdarlama qoǵamda qyzý pikirtalas týdyrdy, qazir ol Prezıdent tapsyrmasyna sáıkes tolyqtyrylyp jatyr.

«Bizdiń sheshimderimizdiń tıimdiligi olardy qabyldaýda qoǵam, bıznes jáne memleket múddeleri balansynyń qanshalyqty saqtalatynyna baılanysty. Álemdik jahandaný úrdisi ózgerip jatqan qazirgi ýaqytta bizdiń birinshi mindetimiz – eksporttaýshylardyń problemalaryna jedel mán berý. Bizdiń «QazTrade» kompanııamyzdyń alańy bir jylda ózindik «Dostar klýbyna» aınaldy, onda eksporttaýshylar men bıznes-qaýymdastyqtar halyqaralyq saýdadaǵy problemalar men kedergilerdi talqylaı alady. Bizdiń Telegramdaǵy Export.gov arnamyz belsendi jumys isteıdi. Kásipkerlermen tyǵyz qarym-qatynas ornatyp, eksporttaýshylardyń shyǵyndaryn óteý erejelerin ózgerttik. Qujattar paketi ońtaılanyp, taýarlar tizimi ózektendirildi jáne óteletin shyǵyndardyń jańa túrleri engizildi. Memlekettik qoldaýdyń bul quraly bızneske óndiris kólemin ulǵaıtýǵa, taýarlar jelisi men eksport geografııasyn keńeıtýge múmkindik beredi», - dedi mınıstr ІH Azamattyq forýmda úkimettik emes uıymdarmen kezdesý barysynda.

Mysaly shyǵyndardy óteý quraly BAÁ-ge akkýmýlıatorlardy, Belgııaǵa zyǵyr men rapsty, Italııaǵa jasymyqtardy jetkizýge kómektesti, metallýrgııalyq ónimder Japonııaǵa jetkizildi. 205 eksporttaýshyǵa memlekettik qoldaý kórsetildi.

«Eksporttaýshylar jeńildetilgen nesıeler men eksporttyq saqtandyrý alady. 2020 jyly KazakhExport 70-ten astam eksporttaýshynyń 63 mlrd teńgege jýyq kelisimsharttaryn saqtandyrdy. Jyl sońyna deıin bul deńgeı 100 mlrd teńgege jetedi dep kútilýde. Bul saqtandyrýdy paıdalanatyn eksporttaýshylar túrli salalarda jumys isteıdi: tamaq, hımııa, jeńil ónerkásip, mashına jasaý, metallýrgııa, qurylys materıaldaryn óndirýmen aınalysady. Mysaly, bıylǵy shilde aıynda jambyldyq óndirýshi avanstyq tólemdi saqtandyrý quralyn alǵash ret paıdalanyp, Shensı provıntsııasyna maqsary maıyn jetkize aldy», - dep túsindirdi Baqyt Sultanov.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT