+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

EKSPO - elordamyzdyń basty oqıǵalarynyń alańy

2018 jylǵy 2 tamyz 15:26
Bólisińiz:
EKSPO - elordamyzdyń basty oqıǵalarynyń alańy

ASTANA. QazAqparat - EKSPO kórme kesheni aýmaǵynda tamyz aıy boıy otandyq jáne sheteldik ártisterdiń qatysýymen kontsertter uıymdastyrylyp, elorda turǵyndary men qonaqtaryna túrli qyzyqty mádenı sharalar usynylady, dep habarlaıdy QazAqparat «Astana EKSPO-2017» kompanııasynyń baspasóz qyzmetine silteme jasap.

Osy senbi, tamyzdyń 4 kúni saǵat 20:00-de EKSPO kórme kesheniniń jazǵy sahnasynda SMASH sahnalyq laqap atymen tanylǵan reseılik áıgili dıdjeı jáne mýzykalyq prodıýser - Andreı Shırman óner kórsetedi. DJ setti qazaqstandyq dıdjeıng juldyzdary - Nurbergen Mahambetov pen DJ Timoffey qoldaıtyn bolady.

Tamyzdyń 5 kúni EKSPO jeksenbilik keshti Qazaqstannyń tanymal ártisteri Aıqyn jáne Renzo tobymen ótkizýge shaqyrady.
null

Tamyzdyń 11 kúni halyqtyń súıikti ánshisi Erke Esmahan jáne Qazaqstandaǵy klassıkalyq mýzyka men pop, rok, elektroáýenniń krossover-sıntez baǵytyn kásibı oryndaı bilgen Mezzo tobynyń kontserti ótedi.

EKSPO jazǵy sahnasyndaǵy kontserttik baǵdarlamalar saǵat 20:00-de bastalady. Kelýshiler úshin kirý tegin. Kontsert bastalmas buryn «Nur Álem» sferasynda ártister foto jáne avtograf-sessııa ótkizedi.

Kontsertterden bólek EKSPO jazǵy sahnasy jasóspirimderge de arnap keremet syılyq ázirledi. Olardy 5-12 tamyz aralyǵynda saǵat 19:00-de «Armannyń oqıǵasy» atty ertegi qoıylymy kútedi.

Sonymen qatar, tamyzdyń 7-nen qyrkúıektiń 26-na deıin «Nur Álem» sferasynda balalar men ata-analarǵa «Robottar baly» ınteraktıvti kórmesin tamashalaý múmkindigi týyp tur. Roboshoý - Amerıka, Eýropa, Ońtústik Koreıa jáne Japonııa robototehnıkasynyń sońǵy jetistikterin jáne zamanaýı robottar sletin usynady. Qoıylymnyń basty hedlaıneri aǵylshyndyq robot - gýmanoıd Tespıan. Robot sóıleıdi, ymdardy kóshiredi, án aıtady, bı bıleıdi, kúledi, jylaıdy, tipti Shekspırdiń shyǵarmalaryn da oqyp bere alady. Sonyń arqasynda zamanaýı teatr qoıylymdarynda birneshe ret oınaǵan. Shoýdy tamashalaý úshin «Nur Álem» sferasyna bılet alýyńyz qajet.
null

Aıta ketý kerek, kórermender tamyzdyń 15 kúni saǵat 20:00-de EKSPO Kongress-ortalyǵynda ótetin reseılik tanymal ánshi Dıma Bılannyń kontsertine bılet satyp alyp, «Nur Álem» sferasyna ashyq datamen tegin bılet ala alady. Ártis ǵalamat qoıylymy barysynda halyqqa tanymal ánderimen qatar sońǵy án jınaǵyna engen týyndylaryn da oryndaıdy. Shilde aıynda josparlanǵan kontsertke satyp alynǵan bıletter - jaramdy.

EKSPO kórme kesheninde qala turǵyndary men qonaqtary «Nur Álem» sferasyn tamashalap qana qoımaı, saıabaq aýmaǵynda serýendep, jazǵy sahna men Kongress-ortalyqta ótetin otandyq jáne sheteldik ártisteriniń qatysýymen kontsertterden lázzat alyp, sondaı-aq, dámhana, meıramhana, fýdkorttarda qoljetimdi baǵaǵa tamaqtana otyryp ǵajap otty shashý sýburqaq shoýyn qyzyqtaı alady.

Kelýshilerdiń jaılylyǵy úshin EKSPO aýmaǵynda jerasty turaǵy jumys isteıdi. Oǵan Turar Rysqulov kóshesi jaǵynan kirýge bolady.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT