+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

EKSPO aýmaǵynda bir jylda qandaı sharalar ótkizildi

2018 jylǵy 12 qyrkúıek 09:14
Bólisińiz:
EKSPO aýmaǵynda bir jylda qandaı sharalar ótkizildi

ASTANA. QazAqparat - «Astana EKSPO-2017» ulttyq kompanııasy Basqarma tóraǵasy Erbol Shormanov kórme aıaqtalǵannan keıingi bir jylda «EKSPO-2017» aýmaǵynda qandaı jańalyqtar bolyp jatqanyn aıtyp berdi, dep habarlaıdy QazAqparat.

Týra bir jyl buryn - 2017 jyldyń 10 qyrkúıeginde Astanada Halyqaralyq mamandandyrylǵan «EKSPO-2017» kórmesi jabylǵan bolatyn. Halyqaralyq kórmeler bıýrosy bul aýqymdy sharaǵa tarıhtaǵy eń sátti mamandandyrylǵan kórme degen baǵa berdi. EKSPO-2017 kórmesiniń arqasynda Qazaqstan ekonomıkasyndaǵy barlyq sala derlik serpin alyp, týrızm salasyndaǵy ósim 78 paıyzdy kórsetti.

EKSPO-2017 kórmesiniń jabylý saltanatynda Memleket basshysy «kórme aıaqtalǵanmen, odan qalǵan nysandar el ıgiligi úshin jumys isteý kerek» degen tapsyrma bergen bolatyn. Kórmeniń basty sımvoly «Nur Álem» sferasy kórme aıaqtalsa da, jumysyn toqtatpaǵan. Qazir sfera jaı ǵana «bolashaqtyń» mýzeıi emes, kún saıyn myńdaǵan adam baratyn birtutas ǵylymı-bilim berý ortalyǵy deýge bolady.

«Biz kelgen adamdarǵa barynsha qyzyqty bolý úshin «Nur Álem» sferasynyń kontentin únemi jańartyp otyramyz. Ádettegi ınstallıatsııalardan basqa, biz álemdik deńgeıdegi ataqty ınteraktıvti shoý-jobalardy da yntymaqtastyqqa shaqyryp otyrmyz», - dep habarlady Erbol Shormanov.

Al, jaqyn arada EKSPO alańynda «Astana» Halyqaralyq qarjy ortalyǵy, Halyqaralyq «jasyl tehnologııalar men ınvestıtsııalyq jobalar» ortalyǵy, «Astana Hub» Halyqaralyq IT-startaptar tehnoparki, IT-ýnıversıtet pen Bıznes-ortalyq jumysyn bastaıdy.

Sondaı-aq, kóp fýnktsıonaldy «Kongress-ortalyq» ta qarqyndy jumys istep tur. Bul jerde Astana ekonomıkalyq forýmy, Dúnıejúzilik taý kongresi sııaqty halyqaralyq jáne respýblıkalyq sharalar, otandyq jáne sheteldik juldyzdardyń kontserti ótip turady.

Al, logıstıkalyq ortalyq qaıta qurastyrýdan ótkennen keıin aýmaǵy 21 myń sharshy metrdi quraıtyn halyqaralyq kórme ortalyǵy jobasyn júzege asyrý kózdelgen. Bul orynda da eń iri halyqaralyq kórmeler ótedi.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT