+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

EKSPO-2017 tájirıbesi Ábý-Dabıdegi samıtte usynyldy

2018 jylǵy 16 qańtar 12:11
Bólisińiz:
EKSPO-2017 tájirıbesi Ábý-Dabıdegi samıtte usynyldy

ASTANA. QazAqparat - Qazaqstandyq delegatsııa Ábý-Dabıde ótip jatqan Dúnıejúzilik «Bolashaqtyń energııasy» sammıtine qatysty, dep habarlaıdy QazAqparat.

«Abý-Dabı qalasynda qańtardyń 15 men 18 aralyǵynda XI Dúnıejúzilik «Bolashaqtyń energııasy» sammıti ótýde. Aýqymdy sharaǵa 26 myńnan astam adam qatysyp, 20 eldiń pavılony men 650 kompanııalar eksponenti usynyldy. Sammıt jumysyna QR Energetıka mınıstri Qanat Bozymbaev pen «Astana EKSPO-2017» UK» AQ basqarma tóraǵasy Erbol Shormanov qatysty. Kórmede «Astana EKSPO-2017» kompanııasy uıymdastyrǵan jalpy aýmaǵy 195 sharshy metrdi quraıtyn Qazaqstan pavılony usynylǵan», - dep atap ótilgen taratylǵan málimette.

«Pavılonda elimizde iske asyrylyp jatqan, sonyń ishinde «Tsıfrlyq Qazaqstan» memlekettik baǵdarlamasy, «Astana» Halyqaralyq qarjy ortalyǵy, sondaı-aq jańǵyrtylatyn energııa kózderi salasyndaǵy jobalar men kólik-logıstıkalyq ınfraqurylym salasyndaǵy birqatar aýqymdy jobalar qoıylǵan», - dedi E. Shormanov.

«Astana EKSPO-2017» UK» AQ sammıtke jyl saıyn qatysyp keledi. Qazaqstan úshin bul balamaly energetıka salasyndaǵy máselelerdi talqylaıtyn alań, sondaı-aq elimizge ınvestıtsııalar tartýda da mańyzdy.

Sharada energetıka salasyndaǵy sońǵy álemdik trendter men ınnovatsııalyq jobalarmen tanysý múmkindigi bar. Sonymen qatar, sammıt aıasynda jyl saıyn jańǵyrtylatyn energııa kózderi jónindegi Halyqaralyq agenttiktiń Assambleıasy (IRENA) jáne turaqty damý aptasy (Abu Dhabi Sustainability Week) otyrysy ótkizilýde.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT