Ekpe alýdy synaǵandardyń basym kópshiligi qazir vaktsına aldy – mınıstr
2021 jylǵy 23 qarasha 13:56

Ekpe alýdy synaǵandardyń basym kópshiligi qazir vaktsına aldy – mınıstr

NUR-SULTAN. QazAqparat – Elimizde koronavırýsqa qarsy vaktsına alýǵa qarsy adamdardyń úlesi azaıyp keledi. Bul týraly QR Densaýlyq mınıstri Alekseı Tsoı málim etti, dep habarlaıdy QazAqparat tilshisi.

«Taıaýda «koronavırýsqa qarsy vaktsına alýdy mindettemeńizder» dep talap qoıǵandar boldy. Meniń aıtarym, Qazaqstanda vaktsına alý mindetti emes, eshkimdi májbúrlemeıdi. Ekpe alǵyńyz kelmese erik ózińizde, sizge eshkim qınap vaktsına salmaıdy. Al revaktsınatsııaǵa kelsek, ol qaıta ekpe alyp, ımmýnıtetimdi kúsheıtemin deýshilerge arnalyp otyr. Bul áńgime balalar vaktsınasyna da qatysty. Ata-ananyń óz erkinde», - dedi A. Tsoı Úkimet úıinde tilshilerdiń suraǵyna jaýap bere tura.

Onyń aıtýynsha, mınıstrlik halyqty vaktsına alýǵa májbirlemeıdi, degenmen túsindirý jumysyn júrgizedi.

«Árıne, vaktsına alýǵa qatysty túsindirý jumysy kerek. Onyń ústine qazir qoǵam belsendi, bizdiń kómegimizsiz de belsendiler túsindirip jatady. Al quzyrly organ retinde resmı derekterdi jınap, halyqqa usynyp, túsindirý – bizdiń mindetimiz. Taǵy bir baıqaǵanymyz sońǵy ýaqytta vaktsına alýǵa qarsy shyǵýshylardyń sany azaıyp keledi. Buryn jıi tuǵyn. Bul másele boıynsha bizde monıtorıng jasap, qadaǵalap otyrmyz. Demek qoǵamnyń kózi jetti degen sóz. Búginde qazaqstandyqtardyń 70 paıyzdan astamy koronavırýsqa qarsy vaktsına aldy. Ekpe alýdy synaǵan qaýymnyń basym kópshiligi qazirgi kúni vaktsına alǵan», - deıdi ol.


Uqsas jańalyqtar

Jańalyqtar

Úrdis

MURAǴAT