Ekotýrızm ınfraqurylymyn damytýdyń mańyzy zor – Úkimet basshysy
2022 jylǵy 1 maýsym 14:14

Ekotýrızm ınfraqurylymyn damytýdyń mańyzy zor – Úkimet basshysy

NUR-SULTAN. QazAqparat – QR Premer-Mınıstri Álıhan Smaıylov elimizde týrıster saıahattap baratyn jerlerdi keshendi damytý men abattandyrýdy tapsyrdy, dep habarlaıdy QazAqparat tilshisi.

«Týrızm – ekonomıkanyń óte perspektıvti salasy. Pandemııaǵa deıin týrızm salasyna álemdik jıyntyq ónimniń shamamen 10%, jahandyq qyzmet kórsetý eksportynyń 30%, álemdik ınvestıtsııalardyń 7%, jumys oryndarynyń 10% jáne barlyq salyq túsimderiniń 5% tıesili boldy. Sarapshylardyń pikiri boıynsha, halyqaralyq týrızmdi qalpyna keltirýge 2 jyldan 4 jylǵa deıin ýaqyt ketýi múmkin», - dep atap ótti Á. Smaıylov Úkimettiń búgingi otyrysynda.

Ekinshi jaǵynan, Premer-Mınıstr bul faktordyń ishki týrızmdi damytýǵa úlken septik etkenin eske saldy. Qazaqstandaǵy týrıstik obektilerge qyzyǵýshylyq artyp keledi.

«Sondyqtan týrıstik áleýeti joǵary óńirlerde ınfraqurylym men servısti damytý qarqynyn odan ári kúsheıtý qajet. Elimizde týrıster saıahattap baratyn jerlerdi keshendi damytý men abattandyrýdy qamtamasyz etý kerek. Bul – týrızmge jeke ınvestıtsııa tartýdyń mańyzdy faktorlary. Oǵan ákimdikter erekshe nazar aýdarýy tıis. Sondaı-aq, ekotýrızm obektilerindegi qyzmet kórsetý ınfraqurylymyn damytýdyń mańyzy zor. Ony iske asyrý kezinde erekshe qorǵalatyn tabıǵı aýmaqtardyń ekojúıesi qatań saqtalýy tıis», - dedi Úkimet basshysy.

Seriktester jańalyqtary

Jańalyqtar

Úrdis

MURAǴAT