+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Ekonomıka qalpyna kelgenimen, baǵany tejeý – basty mindet

2021 jylǵy 14 qyrkúıek 14:16
Bólisińiz:
Ekonomıka qalpyna kelgenimen, baǵany tejeý – basty mindet

NUR-SULTAN. QazAqparat – Qazaqstan ekonomıkasy pandemııa bastalǵanǵa deıingi ósim kórsetkishine jetti. Biraq memlekettik organdardyń birinshi basshylary men jergilikti ákimdikterge arqany keńge salýǵa áste bolmaıdy. QR Premer-Mınıstri Asqar Mamın Úkimet otyrysynda osyndaı tapsyrma berdi, dep habarlaıdy QazAqparat tilshisi.

Uqsas jańalyqtar
Elimiz óńirlerindegi ınflıatsııalyq úrdister qalaı qalyptasty Qyzylordada jyl basynan beri ónerkásip kásiporyndary 543 mlrd. teńgeniń ónimin óndirdi Qazaqstan shıkizattyq emes taýarlar eksportyn 29 mlrd dolarǵa ulǵaıtpaq

Úkimet basshysynyń aıtýynsha, jyl aıaǵyna deıin baǵanyń ósimin tejep ustaý mańyzdy.

«Ekonomıkany ártaraptandyrý, ınvestıtsııa tartý jáne jumys oryndaryn qurý jumysyn odan ári jalǵastyrý qajet. Sonymen birge, bıylǵy tamyz aıynda ınflıatsııa ósti. Azyq-túlik taýarlary baǵasynyń ósýi ınflıatsııanyń ulǵaıýyna barynsha sebep bolyp otyr. Baǵanyń eń úlken ósimi Túrkistanda, Nur-Sultanda jáne Qyzylordada baıqalǵan. Memlekettik organdardyń birinshi basshylary men ákimder baǵany tejeý jumysyn kúsheıtýge tıis», - dedi ol Úkimet otyrysynda.

Investıtsııalyq klımat ońala bastady

Premer-Mınıstr birtindep eldegi ınvestıtsııalyq klımat ta ońalyp kele jatqanyna toqtaldy.

Ásirese qurylys salasyna tartylǵan ınvestıtsııa ósken. Muny QR Ulttyq ekonomıka mınıstri Áset Erǵalıev te aıtty.

«Ekonomıkalyq ósimniń mańyzdy faktory - ishki jáne syrtqy ınvestıtsııalardy tartý bolyp otyr. Onyń ishinde óndirýshi emes salalarda ınvestıtsııa tartý belsendiligi baıqaldy. Osyǵan baılanysty esepti kezeńde taý-ken óndirý ónerkásibin esepke almaǵanda, negizgi kapıtalǵa ınvestıtsııalardyń ósý qarqyny 18,0%-dy qurady. Investıtsııa qurylys salasynda – 2,5 esege, óńdeý ónerkásibinde – 81,7%-ǵa, aýyl sharýashylyǵynda – 43,2%-ǵa, saýdada – 39,9%-ǵa, aqparat jáne baılanysta – 37%-ǵa, jyljymaıtyn múlikpen operatsııalar salasynda –16,2%-ǵa jáne kólik salasynda – 9%-ǵa ósti», - dedi vedomstvo basshysy.

Áset Erǵalıevtiń aıtýynsha, qańtar-tamyzda 8,9 mln sharshy metr baspana paıdalanýǵa berilgen.

Eń joǵarǵy ósim Atyraý, Shyǵys Qazaqstan jáne Qaraǵandy oblystarynda tirkelip otyr.

Kiris 7 – trln, shyǵys – 9 trln teńge

Al QR Ulttyq bankiniń tóraǵasy Erbolat Dosaevtyń málmetine qaraǵanda, eldegi ınflıatsııa turaqty sıpat alyp barady. Bulaı kete berse, onyń kólemi jyl sońyna qaraı 8,5% jetýi múmkin.

Ekonomıkadaǵy árbir qıyndyq Ulttyq qorǵa salmaq túsiredi. Jyl basynan beri negizgi kórsetkishterdiń baıaý bolsa da qalypqa kelýi Ulttyq qorǵa salatyn salmaqty azaıtqanǵa uqsaıdy. Sonyń arqasynda qordaǵy aktıvterdiń kólemi ulǵaıa bastapty.

«Ulttyq qordyń aktıvteri tamyzdyń sońynda 56,9 mlrd AQSh dollary boldy. Tamyzda 396 mlrd teńgege nysanaly jáne kepildendirilgen transfertterdi bólý úshin 845 mln AQSh dollary satyldy. Tamyzda Ulttyq qorǵa túsken túsim – 420 mlrd teńge», - deıdi Ulttyq bank basshysy.

Qazaqstandyqtardyń birjolǵy zeınetaqy tólemin alý qarqyny áýelgiden 5,5 ese baıaýlaǵan.

Esesine, «7-20-25» baǵdarlamasy boıynsha maquldanǵan ıpotekanyń quny 500 mlrd teńgege jýyqtap otyr.

QR Qarjy mınıstri Erulan Jamaýbaevtyń aıtýynsha, jyldyń 8 aıynda bıýdjetke túsken kiris 7 trln 139 mlrd teńgege jetken.

Al shyǵys 9 trln teńgeden asqan.

Úkimet otyrysynda Jekeshelendirýdiń 2021-2025 jyldarǵa arnalǵan keshendi jospary qalaı iske asyp jatqany da talqylandy.

Benzın «eksporty» baqylaýda

Erulan Jamaýbaevtyń sózine súıensek, jyl basynan beri 36 mlrd teńgege 106 obekt satylǵan.

Al jospar boıynsha 2025 jylǵa deıin 733 obektini satý kózdelgen.

Álemde epıdemıologııalyq ahýaldyń turaqtanyp, shekteýlerdiń alynýy Qazaqstannyń munaı eksporttaý josparyn oryndaýǵa múmkindik bergen syńaıly.

8 aıda 44 mln tonna munaı eksporttalǵan.

Degenmen, munaıdyń óndirisi Orynbor gaz óńdeý zaýytyndaǵy jóndeý jumystarynyń kesirinen sál baıaýlap otyr.

Saldarynan «Qarashyǵanaq» jobasynan munaı alý kórsetkishi 93 paıyz ǵana oryndalǵan.

Úkimet ınflıatsııany tejeý úshin janarmaı baǵasyna áser etetin alys-beristi qatań retteýin jalǵastyratyn túri bar.

Energetıka mınıstri Maǵzum Myrzaǵalıev Qazaqstan aýmaǵynan avtokólikpen benzın ákeýtge salynǵan tyıym taǵy jarty jylǵa uzartylýy múmkin ekenin jetkizdi.

Búginde bul másele tıisti vedomstvolardyń arasynda talqylanyp jatqan kórinedi.

Óńirlerden Aýyl sharýashylyǵy mınıstrligine túsken jedel derekterge sensek, bıyl dándi jáne dándi-burshaqty daqyldardyń shyǵymy byltyrǵydan 33,6 paıyz tómen bolatyn túri bar. Buǵan, árıne, qurǵaq jaz áser etip otyr.

Tek Aqmola, Pavlodar, Qaraǵandy, Qostanaı jáne Shyǵys Qazaqstan oblystarynda ǵana respýblıkalyq ortasha kórsetkishten joǵary ónim alynǵan.

Mınıstr Erbol Qarashókeevtiń málimetinshe, 8 aıda elde tórt túliktiń basy ósken. Ásirese jylqy sany 9,6 paıyzǵa artqan.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT