Valıýta baǵamdary:
    usd/kzt 477.98 eur/kzt 488.93

    rub/kzt 7.93 cny/kzt 70.82
Aýa raıy:
Nur-Sultan: 1 °S
Almaty: 15 °S

Ekologııalyq zań talaptaryn buzǵany úshin jaýapkershilik kúsheıtiledi

2022 jylǵy 29 maýsym 12:14

NUR-SULTAN. QazAqparat – Májilis «QR Qylmystyq jáne Qylmystyq-protsestik kodeksterine, sondaı-aq, Ákimshilik quqyq buzýshylyq týraly kodeksine ekologııalyq quqyq buzýshylyqtar úshin jaýaptylyqty kúsheıtý máseleleri boıynsha usynylǵan ózgerister men tolyqtyrýlardyń jobasyn birinshi oqylymda maquldady, dep habarlaıdy QazAqparat tilshisi.

Zań jobalaryn depýtattarǵa tanystyrǵan Ekologııa, geologııa jáne tabıǵı resýrstar mınıstri Serikqalı Brekeshev ekologııalyq buzýshylyqtar úshin jaýapkershilikti kúsheıtý týraly Zańdy qabyldaý ne úshin qajettigin túsindirdi.

Onyń aıtýynsha, zańnamaǵa engiziletin jańa normalar ulttyq tabıǵı baılyqtardy, biregeı ekojúıelerdi, quryp ketý qaýpi bar janýarlardy jáne olar mekendeıtin jerlerdi saqtaý úshin asa mańyzdy, sondaı-aq tabıǵat paıdalanýshylardy tártipke keltiredi, uzaq merzimdi perspektıvada bıologııalyq alýandyqty saqtaýǵa yqpal etedi.

Al Májilis depýtaty Ǵalymjan Eleýov bul salada quqyq buzǵan azamattardy qylmystyq jəne əkimshilik jaýapqa tartý tərtibin qataıtý qajet ekenin aıtty.

«Qaralatyn zań jobalary: jerdi búldirý, aǵashtar men butalardy zańsyz kesý, joıý nemese zaqymdaý, jer qoınaýyn óz betinshe paıdalaný, erekshe qorǵalatyn tabıǵı aýmaqtardyń rejımin buzý, orman faýnasyn joıý nemese búldirý, sondaı-aq ormandy qaldyqtarmen, hımııalyq zattarmen búldirý, lastaý jáne orman qorynyń jerlerine ózge de zalal keltirý, aǵash kesilgen jerlerdi kesilgen aǵash qaldyqtarynan ýaqtyly tazartpaý, orman soqpaqtary men kespeaǵash aımaǵyna irgeles aýmaqtardy qoqystaý úshin jaýapkershilik deńgeıin arttyrýǵa baǵyttalǵan» – dedi depýtat.

Depýtattyń sózine qaraǵanda, úsh birdeı kodekske engiziletin ózgerister ekologııalyq salada qylmystyq jáne ákimshilik quqyq buzýshylyqtardy jasaýǵa yqpal etetin sebepter men sharttardyń áreketin beıtaraptandyrýǵa áser etedi. Sondaı-aq, qylmystyq jáne ákimshilik quqyq buzýshylyqtardyń aldyn alýǵa yqpal etýge, teris qylyq sanatynan qylmys sanatyna aýystyrý jáne quqyq buzýshylyqty jasaǵany úshin jaýapkershilikti qatańdatý arqyly erekshe qorǵalatyn tabıǵı aımaqtardyń aýmaǵynda tıisti qyzmet túrlerin iske asyratyn tulǵalardyń jaýapkershilik deńgeıin arttyrýǵa múmkindik beredi.

Atalǵan zań jobasynda jer qoınaýyn óz betinshe paıdalanǵandardy 3 jylǵa deıin bas bostandyǵynan aıyrý kózdelgen.


Avtor:

Esimjan Naqtybaı

Novostı po teme
Uqsas jańalyqtar