Ekologııa mınıstrligi Kaspıı ıtbalyqtarynyń neden qyrylǵanyn túsindirdi
2022 jylǵy 1 shilde 17:01

Ekologııa mınıstrligi Kaspıı ıtbalyqtarynyń neden qyrylǵanyn túsindirdi

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrligi ǵalymdarmen birlesip, qyrylǵan ıtbalyqtardyń azý tisterin qarap, zertteý arqyly birneshe qorytyndy jasady, dep habarlaıdy QazAqparat tilshisi.

Mınıstrliktiń habarlaýynsha, olardyń neden qyrylǵanyn naqty anyqtaý múmkin bolmady, óıtkeni tabylǵan ıtbalyqtardyń denesi ydyrap ketken.

«Itbalyqtardyń jańa týǵan aqkúshikteri muzben birge ashyq teńizge shyqqan nemese olar tikeleı teńizdegi sýǵa túsip, álsirep qalǵan. Ózderińiz biletindeı, bul aımaqta 2021-2022 jyldyń qysy óte jyly boldy, bul muz quramyna jáne onyń qatty jabynyna teris áser etti, sáıkesinshe tirshilik etý kezinde nemese qatty jel saldarynan muz bólingen. Itbalyqtar kúshiktermen birge ashyq teńizde qalǵan jáne bir-birimen baılanys úzilip, jańa týǵan kúshikter álsirep ólgen»,- dedi Orman sharýashylyǵy jáne janýarlar dúnıesi komıtetiniń bas sarapshysy Baqytjan Isaqaev.

Onyń aıtýynsha, ıtbalyq qańqalarynan mehanıkalyq zaqymdar, onyń ishinde zańsyz aýlaý quraldaryna, torǵa túskeni anyqtaldy.

Negizinen bul torlar bekire tuqymdas balyqtardy aýlaý úshin qoıylady. Kemelerdiń burandalarynan da zaqym alýy múmkin.

«Ǵylymı qaýymdastyq pen memlekettik organdar Qashaǵan aýdanynda júrgizilip jatqan tereńdetilgen jumystar ıtbalyqtardyń tirshiligine jáne olardyń qyrylýyna sebep bola almaıdy degen qorytyndyǵa keldi», - dedi ol.

Eske sala ketsek, bıyl sáýirde Kaspıı teńiziniń Mańǵystaý bóliginen 94 óli ıtbalyq tabyldy.

Araǵa az ýaqyt salyp, taǵy da ıtbalyqtardyń óleksesi tabyldy.


Vıdeodan alynǵan kadr

Jańalyqtar

Úrdis

MURAǴAT