+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Ekologııa mınıstri fermerlerdi sýmen qamtý máselesi qalaı sheshilip jatqanyn aıtty

2021 jylǵy 14 shilde 16:26
Bólisińiz:
Ekologııa mınıstri fermerlerdi sýmen qamtý máselesi qalaı sheshilip jatqanyn aıtty

NUR-SULTAN. QazAqparat - QR Ekologııa, geologııa jáne tabıǵı resýrstar mınıstri Maǵzum Myrzaǵalıev qazaqstandyq fermerlerdi sýmen qamtamasyz etýdiń birneshe jolyn usyndy, dep habarlaıdy QazAqparat tilshisi.

Uqsas jańalyqtar
Prezıdent BUU sammıtinde Qazaqstannyń qurǵaq klımattyń áserimen betpe-bet kelip otyrǵanyn aıtty Búgin Qostanaı qalasynda aýa sapasy nasharlaıdy ShQO turǵynynyń kóliginen zańsyz aýlanǵan 60 keliden astam shaıan tabyldy

«Fermerlerdi sýmen qamtamasyz etý maqsatynda biz kelesi jumystardy júrgizemiz. Birinshiden, kórshi eldermen qarym-qatynas. Syrdarııa ózeni boıynsha biz Qyrǵyz elimen qosymsha sý aǵyzý týraly kelisimge keldik. Vegetatsııa shyńynda (maýsym-tamyz) Toqtoǵul sý qoımasynan qosymsha 330 mıllıon tekshe metr sý qory bolady. Dál osyndaı sý kólemin Ózbekstan aýmaǵy arqyly ótkizý týraly da ýaǵdalastyqqa qol jetkizildi. Sondaı-aq, tájik jáne ózbek taraptarymen birlesip, bıyl 16 maýsymda «Bahrı Tochık» sý qoımasynyń jumys rejımin kelisý boıynsha maýsym-tamyz kezeńine arnalǵan jumys keńesiniń hattamasyna qol qoıyldy», - dedi M. Myrzaǵalıev.

Mınıstrdiń aıtýynsha, búginde kollektorlyq-drenajdyq sýlardy qaıta paıdalaný tájirıbesi qaıta qolǵa alyndy. Sol sekildi arnalardy mehanıkalyq tazartý jumystary júrgizilip, egindi sýarýdyń kestesi ázirlendi.

«Jeke toqtalsaq, Jaıyq ózeni boıynsha osy jyldyń maýsym aıynda Orynbor qalasynda Sý sharýashylyǵy uıymdarynyń kezdesýi ótti. Onda Jaıyq ózeni basseınindegi sý sharýashylyǵy jaǵdaıy talqylandy. Kezdesý qorytyndysy boıynsha aldaǵy jaz-kúz mezgiline arnalǵan Irıklın sý qoımasynyń jumys rejımi bekitildi. Odan bólek, bıyl aqpan-naýryz aılarynda biz aýyl sharýashylyǵy mınıstrligimen óńirlerge baryp jınalystar ótkizdik. Qalyptasyp otyrǵan sý sharýashylyǵy jaǵdaıyn talqylap, sýdy kóp qajet etetin daqyldardyń egistigin azaıtýdy usyndyq», - deıdi ol.

Buǵan deıin Ekologııa mınıstri elimizdegi sý resýrsy qory týraly málimetpen bólisken bolatyn.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT