+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Ekinshi tolqynǵa daıyndyq: qosymsha dári-dármek, qazaqstandyq vaktsına

2020 jylǵy 2 qazan 00:19
Bólisińiz:
Ekinshi tolqynǵa daıyndyq: qosymsha dári-dármek, qazaqstandyq vaktsına

NUR-SULTAN. QazAqparat - Qazirgi tańda elimizde koronavırýs ınfektsııasyna qatysty epıdemılogııalyq jaǵdaı turaqtalǵanymen, basqa memleketterde indet qaıta ýshyǵa bastady. Búgin Ortalyq kommýnıkatsııalar qyzmetinde ótken onlaın brıfıngte Densaýlyq saqtaý mınıstrliginiń basshylyǵy indetke qarsy kúres barysynda qansha naýqas pen qansha dáriger qaıtys bolyp, qansha naýqas saýyqqany týraly jáne indettiń ekinshi tolqynyn boldyrmaý maqsatynda qandaı sharalar qolǵa alynatyny týraly aıtty.

Uqsas jańalyqtar
Koronavırýs mýtatsııalana bastady: Jańa vırýsqa 20A.EU1 degen ataý berildi PTR-anyqtamasy joq sheteldikter ushaqqa otyra almaıdy – aptalyq sholý Mańǵystaýdyń shalǵaı aýyldaryna 2 jyljymaly medıtsına kesheni tabystaldy

Dárigerler jalaqysy eki esege ósýi múmkin

QR Densaýlyq saqtaý mınıstri Alekseı Tsoıdyń aıtýynsha, 2020 jylǵy 30 qyrkúıektegi jaǵdaı boıynsha COVID-19 jáne pnevmonııamen aýyratyn 12 830 medıtsına qyzmetkeri tirkelgen. Onyń ishinde 8 339-y kásibı qyzmetpen baılanysty. Óńirlik komıssııalar 8 320 isti qarady jáne olardyń 67 paıyzyn rastady.

«Búgingi tańda medıtsınalyq qyzmetkerlerdiń 88%-y nemese aımaqtyq komıssııa deńgeıinde rastalǵan jaǵdaılardyń 3 454-i COVID-19 boıynsha ótemaqy aldy.Ókinishke qaraı, pandemııa bastalǵaly Qazaqstanda 182 medıtsınalyq qyzmetker kóz jumdy. Aımaqtyq komıssııa 58 ótinim boıynsha koronavırýstan qaıtys bolǵan medıtsınalyq qyzmetkerlerdiń týystaryna ótemaqy berý týraly sheshim qabyldady. Qazirgi ýaqytta 37 otbasy ótemaqy aldy, bul baǵyttaǵy jumys jalǵasýda», - deıdi ol.

Alekseı Tsoı árbir medıtsınalyq qyzmetkerge ótemaqy berýge nıetti ekenin, biraq birqatar mańyzdy máseleni eskerý kerektigin aıtty.

«Dáriger qabyldaýynda bolatyn naýqastyń barlyǵy koronavırýs ınfektsııasymen aýyrady deýge bolmaıdy. Al eger dáriger ınfektsııalyq statsıonarda jumys isteıtin bolsa – bul jerde dárigerge tónetin qaýip, táýekel deńgeıi múldem basqa. Mysaly, dáriger ota jasap jatqan naýqas gepatıt nemese JITS-pen aýyrýy múmkin. Bul da dáriger úshin qaýipti. Jalpy alǵanda, Úkimettiń, Memleket basshysynyń qoldaýymen medıtsınalyq qyzmetkerler eńbegine laıyqty jalaqy alýǵa qol jetkizdik. 2023 jyly medıtsınalyq qyzmetkerlerdiń jalaqysy 2 ese ósýi múmkin», - deıdi Densaýlyq saqtaý mınıstri.


Medıtsınalyq qurylǵylar jetkilikti deńgeıde

Mınıstrdiń aıtýynsha, koronavırýstyń taralý qaýpiniń aldyn alý úshin birqatar shara qolǵa alynady.

Koronavırýstyń jańa tolqyny bola qalǵan jaǵdaıda elimiz boıynsha 70 000 oryn qarastyrýǵa daıynbyz, onyń 51 myńy statsıonarlarda Covid-19-ǵa arnalǵan oryndar. Dári-dármekpen qamtamasyz etýge qatysty birqatar sharalar qabyldandy. Covid-19-ǵa arnalǵan dári-dármekterdi 2 aıǵa artyǵymen alyp qoıdyq, ol aımaqtarǵa taratylyp qoıdy. Onyń quny 11,4 mıllıard teńge. Barlyq aımaqta eń qajetti degen dári-dármekter úshin 13 mıllıard teńge kóleminde turaqtandyrý qory quryldy. Ambýlatorııalyq deńgeıdegi dári-dármekter tizimi ulǵaıdy. Covid-19-ǵa arnalǵan taǵy 5 dári qosyldy», - deıdi QR Densaýlyq saqtaý mınıstri Alekseı Tsoı.

Sondaı-aq, koronavırýsty úıde emdeý úshin 1 mıllıon naýqasqa arnalǵan tegin dári-dármek qarastyrylǵan. Al medıtsınalyq qurylǵylarǵa qatysty zańnamalyq deńgeıde bekitilgen talaptar bar.

«Infektsııalyq jáne provızorlyq statsıonarlarda 3379 ókpeni jasandy jeldetetin apparat bar. Qosymsha 2 619 dana osyndaı apparat satyp alynady, onyń ishinde 1 500 apparat otandyq ónim. Qazaqstanda jasalǵan ókpeni jasandy jeldetý apparatynyń kepildik merzimi – 3 jyl. «Qazaqstanda jasalǵan ókpeni jasandy jeldetý apparattary elimizdegi statsonarlarda synaqtan ótti. Ol naýqastarǵa qoldanýǵa jaramsyz jáne aqaý bolyp jatqan jaǵdaıda óndirýshige qaıtarylady. Juqpaly aýrýy bar adamdardy qabyldaıtyn árbir aýrýhanada ókpeni jasandy jeldetý apparaty kem degende 15% bolýy kerek degen usynys aıttyq. Bul normatıvterdi oryndaý óte mańyzdy. Qazirgi ýaqytta osyndaı qurylǵylar qosymsha satyp alynyp, aımaqtarǵa jetkizilýde», - deıdi ol.

Sonymen qatar, 21 myń oryn ottegimen qamtamasyz etildi, al qazan aıynyń sońyna deıin qosymsha 9 000-nan astam oryn daıyndalady. Aýdandyq aýrýhanalarǵa elimizde shyǵarylǵan qosymsha 53 rentgen apparaty alynady. Jedel járdem qyzmeti 1 167 dana sanıtarlyq avtokólikpen qamtamasyz etiledi. Aýyldaǵy halyqtyń medıtsınalyq qyzmetke qoljetimdiligi 100-ge jýyq jyljymaly medıtsınalyq keshendi satyp alýmen júzege asyrylady. Ol aýdandarǵa qazan aıynyń ortasyna deıin jetkiziledi.


Túrkııaǵa reıs sany azaıtylady

Qazaqstanǵa ınfektsııa ákelýdiń aldyn alý maqsatynda vedomstvoaralyq komıssııa birqatar sheshim qabyldaǵan.

«Bıyl 5 qazannan bastap áýe qatynasy jańartylǵan barlyq elderge áýe qatynasyn toqtatý jáne reıs sanyn kóbeıtpeý, Túrkııaǵa ushatyn reıs sanyn azaıtý, ekinshi sanattaǵy elderden ushyp kelgen jolaýshylardan saýalnama toltyrý, termometrııadan ótý jáne Covid-19-ben aýyrmaıtyny týraly anyqtama talap etiletini týraly sheshim qabyldady. Ol anyqtama úsh kúnge jaramdy. Anyqtama bolmaǵan jaǵdaıda Qazaqstanǵa ushyp kelgen jolaýshy karantındik statsıonarǵa 2 kúnge oqshaýlanady. Ol jerde zerthanalyq tekseristen ótken kezde aýrý juqtyrǵany anyqtalǵan adam ınfektsııalyq aýrýhanaǵa jatqyzylady. EAEO quramyna kiretin elder men Ózbekstannyń memlekettik shekarasynan ótetin pýnkterde de osyndaı talaptar qoıylady», - deıdi mınıstr.


Qazaqstandyq vaktsına synaqtan ótip jatyr

QR Densaýlyq saqtaý mınıstri Alekseı Tsoı qazaqstandyq vaktsınadan úmit kútetinin aıtty.

«Qazaqstandyq vaktsınalar klınıkaǵa deıingi synaqtan sátti ótken. Endi klınıkalyq synaqtan ótip jatyr. Ony synap kórgisi keletin eriktiler de jınalyp qoıdy. Synaqtyń 1, 2-satysy qarasha, jeltoqsan aıyna qaraı aıaqtalyp, nátıjesin kóremiz. Sol kezde ol vaktsınanyń qanshalyqty tıimdi, qaýipsiz ekenin bilemiz. Densaýlyq saqtaý mınıstrliginiń ortalyq apparatynan qazaqstandyq vaktsınany eshkim qabyldaǵan joq. Ázirge synaq nátıjesin kútip otyrmyz. Nátıjesi shyqqannan keıin sizderge habardar etemiz, egýdi usynamyz nemese ózimizge de egemiz», - deıdi ol.

Onyń aıtýynsha, Qazaqstanda vaktsına óndiretin zaýyt salynyp jatyr.

«Ol zaýyttyń qazaqstandyqtardyń qajettilikterin óteýge kúshi jetedi. Óz vaktsınamyz synaqtyń barlyq satysynan ótken jaǵdaıda osy zaýyttan shyǵarylatyn bolady. Klınıkalyq synaqtan ótkenge deıin vaktsınanyń baǵasy qansha bolatyny naqty belgili emes, biraq 2-3 dollar kóleminde bolady dep oılaımyz», - deıdi ol.






Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT