+7 (701) 759 90 19
USD 420.76 EUR 498.6
RUB 5.6 CNY 62.27
Jańalyqtar

Ekinshi dúnıejúzilik soǵysta tutqyn bolǵan otandastarymyzdy da aqtaý kerek - Sabyr Qasymov

2020 jylǵy 1 maýsym 14:40
Bólisińiz:
Ekinshi dúnıejúzilik soǵysta tutqyn bolǵan otandastarymyzdy da aqtaý kerek - Sabyr Qasymov

NUR-SULTAN. QazAqparat - «Qaharmandar» qoǵamdyq qorynyń prezıdenti Sabyr Qasymov Memleket basshysy Qasym-Jomart Toqaevtyń Saıası qýǵyn-súrgin jáne asharshylyq qurbandaryn eske alý kúnine oraı jarııalaǵan úndeýine pikir bildirdi, dep habarlaıdy QazAqparat tilshisi.

Uqsas jańalyqtar

«Qazaqstan Prezıdenti Qasym-Jomart Toqaevtyń úndeýinde saıası qýǵyn-súrgin qurbandaryn aqtaý úshin arnaıy memlekettik komıssııa qurýdy tapsyrǵany óte oryndy dúnıe boldy. Muny jalpy qazaq qoǵamy, zııaly qaýym, tarıhshylar men ólketanýshylar, tutastaı alǵanda ultjandy azamattar kópten beri kútken edi. Memleket basshysynyń bul sheshimi óziniń saıası reformalarynyń, «halyq únine qulaq asatyn memleket» tujyrymdamasynyń zańdy jalǵasy ispetti. Qasym-Jomart Kemeluly «Egemen Qazaqstan» gazetine bergen suhbatynda «Jańa syn-synaqqa tótep berý úshin, eń aldymen, ulttyq qundylyqtardy qorǵaı bilgen jón» degen bolatyn. Demek, Prezıdenttiń sońǵy úndeýi de, komıssııa qurý týraly sheshimi de dál osy baǵytta jasalyp otyr dep bilemin», - dedi ol.

Sonaý 1991 jyldyń qarashasynda Qazaqstan Respýblıkasy Joǵarǵy Keńesi Qazaqstandaǵy saıası qýǵyn-súrgin jáne jappaı asharshylyqtyń sebepteri men zardaptaryn arnaıy saraptaýdan ótkizý maqsatynda Parlamenttik arnaıy komıssııa qurǵan bolatyn. Joǵary Keńes depýtaty Manash Qozybaev basshylyq jasaǵan atalǵan komıssııa quramynda jumys istegen Sabyr Qasymov sol ýaqytta jumystyń atqarylǵanymen kemshilikterdiń de oryn alǵandyǵyn aıtady.

«Ol ýaqyt Táýelsizdigimizdi alyp, «bórkimizdi aspanǵa atyp jatqan» sát bolatyn. Ókinishke qaraı 1993 jylǵy «Jappaı saıası qýǵyn-súrgin qurbandaryn aqtaý týraly» zańnyń negizgi jerlerin kórshi Reseı elinen kóshirip ala salǵan. Qazaqtyń ulttyq ereksheligin, Qazaqstanda bolǵan qýǵyn-súrginniń Reseıde bolmaǵandyǵyn aıtyp, zańdy ózimiz jasaýdy usynǵan edik. Tipti, Manash Qozybaev basqarǵan komıssııanyń usynystaryn sol kezdegi Joǵarǵy Keńes depýtattary zańǵa kirgizbeı qoıdy. Óıtkeni, qazaqtyń teń jartysy qyrylyp qaldy», - dedi Sabyr Qasymov.

«Qaharmandar» qoǵamdyq qorynyń prezıdenti Ekinshi dúnıejúzilik soǵys kezinde nemisterdiń qolyna tutqyn bolǵan otandastarymyzdyń da áli kúnge aqtalmaı kele jatqandyǵyna qynjylys bildiredi.

«1995 jyly Reseıdiń sol kezdegi Prezıdenti Borıs Eltsınniń Jarlyǵymen soǵys kezinde áskerı tutqyn bolǵan reseılikterdiń barlyǵy aqtaldy. Al biz osy kúnge deıin soǵys kezinde tutqyn bolǵan azamattarymyzdyń aqtaı almaı kelemiz. Tarıhty qaıta jazý oıymyzda joq. Biraq, bul áskerı tutqyndar aqtalýy tıis», - dedi ol.




Foto: datnews.info

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT