Ekibastuzdaǵy balalardy qoldaý ortalyǵynyń tárbıelenýshileri Pavlodarǵa kóshiriledi - oblys ákimi

2022 jylǵy 27 qarasha, 16:07
Ekibastuzdaǵy balalardy qoldaý ortalyǵynyń tárbıelenýshileri Pavlodarǵa kóshiriledi - oblys ákimi

ASTANA. QazAqparat – Ekibastuzdaǵy balalardy qoldaý ortalyǵynyń tárbıelenýshileri Pavlodarǵa kóshiriledi. Bul jaıynda Pavlodar oblysynyń ákimi Ábilqaıyr Sqaqov málim etti, dep habarlaıdy QazAqparat tilshisi.

«Saǵat 14-30-daǵy Ekibastuz qalasyndaǵy jaǵdaı. Ómirlik qıyn jaǵdaıǵa tap bolǵan balalardy qoldaý ortalyǵynyń tárbıelenýshilerin Pavlodarǵa kóshiremiz. Aýrýhanalarǵa kelsek, ázirge ondaǵylardy kóshirý úshin avtobýstardy daıyn ustap otyrmyz. Taıaý ýaqytta shtab otyrysyn ótkizemiz», - dep jazdy Ábilqaıyr Sqaqov Іnstagram paraqshasynda.

Oblys basshysynyń paraqshasynda jarııalanǵan vıdeodan onyń balalardy qoldaý ortalyǵynda jáne aýrýhanalarda bolǵanyn, ondaǵy qyzmetkerlermen áńgimeleskenin kórýge bolady.

«Qazir bir qazandyqty qosyp jatyrmyz. Ol qazandyqty 60 gradýsqa deıin kóteremiz degen josparymyz bar. Biraq, qaýip te joq emes. Tótenshe jaǵdaı ǵoı, dala da sýyq. Sondyqtan, balalardy Pavlodarǵa jetkizgen durys shyǵar», - dedi ol balalardy qoldaý ortalyǵy qyzmetkerimen sóılesý barysynda.

Vıdeodan alynǵan kadr/instagram.com/skakov_abylkair


Uqsas jańalyqtar
Seriktester jańalyqtary

Jańalyqtar