Ekibastuzda jylýdy qalpyna keltirý jumysyna 484 adam jumyldyrylǵan - jedel shtab
EKІBASTUZ. QazAqparat - Premer-Mınıstrdiń birinshi orynbasary Roman Sklıar Ekibastuzdaǵy apattyń saldaryn joıý jónindegi jedel shtabtyń kezekti otyrysyn ótkizdi, dep habarlaıdy QazAqparat.
Úkimet baspasóz qyzmetiniń málimetinshe, otyrysta jylýdy qalpyna keltirý jumystaryna 7 iri kásiporyn jumyldyrylǵany aıtylǵan.
Olardyń árqaısysyna kóppáterli turǵyn úıler bekitilgen.
Jóndeý-qalpyna keltirý jumysyna barlyǵy 484 adam jumyldyryldy.
Eske salsaq, 27 qarashada Ekibastuz jylý-elektr ortalyǵynda apat bolyp, qala turǵyndary jylýsyz qalǵan bolatyn.
Memleket basshysynyń tapsyrmasy boıynsha Premer-Mınıstrdiń birinshi orynbasary Roman Sklıar qalalyq jylý jelilerindegi apattyń saldary joıylǵansha Ekibastuzda bolady.
Ekibastuzdaǵy jylý jelisiniń aqaýynan 4 úıge zaqym kelgen.
Pavlodar oblysy ákiminiń mindetin ýaqytsha atqarýshy Oleg Krýktyń aıtýynsha, Ekibastuzda ortalyqtandyrylǵan jylýǵa jalǵanbaǵan 19 turǵyn úı qaldy.
