+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

Ekibastuzda temirjolshylar úsh jyl boıy vagondardy tonap, 24 mln teńge shyǵyn keltirgen

2020 jylǵy 3 maýsym 22:02
Bólisińiz:
Ekibastuzda temirjolshylar úsh jyl boıy vagondardy tonap, 24 mln teńge shyǵyn keltirgen

EKІBASTUZ. QazAqparat – Kóliktegi polıtsııa qyzmetkerleri poıyzdan 24 mıllıon teńgeniń dúnıesin urlaǵan kúdiktilerdi ustady, dep habarlaıdy QazAqparat tilshisi.

Uqsas jańalyqtar
Óskemende maska kıip, qolyna pyshaq ustaǵan 24 jastaǵy jigit dúken tonamaq boldy Qazaqstanda poıyz qozǵalysyn naqty ýaqyt rejıminde baqylap otyrýǵa bolady

Kóliktegi polıtsııa departamentiniń baspasóz qyzmetinen málim etkendeı, «Modým–Trans» kompanııasy men «Qaztemirtrans» AQ pavlodarlyq fılıaly dırektorynyń mindetin atqarýshy shaǵymdanyp, vagondardan iri kólemde urlyq jasalǵanyn habarlaǵan.

«Atap aıtqanda, urylar 95 júk vagony men 116 jartylaı vagonnan tejegish quraldarynyń bólikterin, shtýrvaldardy, bilikterdi qoldy etken», - deıdi Kóliktegi polıtsııa departamentiniń bastyǵy Saryqul Jolanov.

Onyń aıtýynsha, urlyqtyń kesirinen 24 090 694 teńge shyǵyn kelgen. Qylmystyq kodekstiń 188-babynyń birneshe bóligi boıynsha sotqa deıingi tergeý amaldary bastalǵan.

«Jedel-izdestirý sharalary barysynda kóliktegi polıtsııa qyzmetkerleri temirjol qyzmetkerlerin ustady. Olardyń bári de - Ekibastuz qalasynyń turǵyndary», - deıdi Jolanov.

Qylmysqa qatysty adamdar 2017 jyldan beri vagon tonap júrgenin moıyndapty. Urlanǵan temir-tersekti «bolgarkamen» óńdep, syrlap, tazartyp, ótkizip júrgen.

«Pavlodar oblysynyń Ekibastuz aýdandyq sotynyń úkimimen ustalǵan adamdar kináli dep tanylyp, olar 2,6 jyldan 5,6 jylǵa deıin bas bostandyǵynan aıyryldy», - deıdi polıtsııa polkovnıgi.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janat Qapalbaeva
Janat Qapalbaeva
954-059

MURAǴAT