Jańalyqtar  >
  Qoǵam

Ekibastuzda endi jylytqysh peshter jappaı taratylmaıdy

2022 jylǵy 30 qarasha, 19:24
Ekibastuzda endi jylytqysh peshter jappaı taratylmaıdy

EKІBASTUZ. QazAqparat - Ekibastuzda jylytqysh peshter adamdardyń kóp jınalýyna jol bermeý úshin jappaı taratylmaıdy, dep habarlaıdy Pavlodarnews.kz.

«AMANAT» partııasy oblystyq fılıalynyń atqarýshy hatshysy Ilıa Terenchenkonyń aıtýynsha, qalalyq fılıaldarmen jáne «Jastar rýhy» jastar qanatymen birlesip, 800-ge jýyq páterdi aralap shyǵyp, 1470 jylytqysh taratylǵan. Igi iske Pavlodar, Ekibastuz, Aqsý qalalary men Tereńkól, Jelezın, Maı, Baıanaýyl aýdandarynyń fılıaldary da atsalysýda. Sondaı-aq Pavlodarskaıa kóshesi, 10 mekenjaıy boıynsha ornalasqan basqa shtabta «Vita» qoǵamdyq birlestigi jáne kásipkerler de óz úlesterin qosýda.

«Úılerdiń kireberisine, páterdiń tabaldyryǵyna deıin jetkizip beredi. Árbir mekenjaıǵa jeke alyp baryp, turmystyq jaǵdaılaryn qarastyramyz, óıtkeni jylytqyshy bar, áleýmettik jaǵdaıy jaqsy adamdar bolýy múmkin. Saǵat 17:00-den keıin áleýmettik jelilerde jazǵan, senim telefony arqyly júgingen turǵyndardyń úılerine jetkizilýde», – dedi Ilıa Terenchenko.

Atqarýshy hatshynyń sózinshe, birinshi kúni áleýmettik nysandarǵa aýrýhanalar jáne qoǵamdyq oryndarǵa – 403, 28 qarashaǵa qaraǵan túni – 570, 29 qarashaǵa qaraǵan túni – 250 jáne qazirgi ýaqytta shamamen 250 jylytqysh taratylǵan. Taǵy 200 aýdanda maıly, elektrondy jylytqyshtar men jastyqtar, kórpeler usynylýda. Búgin saǵat 17:00-den 23:00-ge deıin partııa 150 mekenjaı qamtylady.
Aıta ketsek, buǵan deıin áleýmettik jelide jylytqysh peshterge talasqan kóp halyqtyń vıdeosy taraǵan bolatyn.


Vıdeodan alynǵan kadr

Uqsas jańalyqtar
Seriktester jańalyqtary

Jańalyqtar