Ekibastuzda 70-ke jýyq jer úı jylýsyz otyr

2022 jylǵy 4 jeltoqsan, 20:57
Ekibastuzda 70-ke jýyq jer úı jylýsyz otyr

ASTANA. QazAqparat – Ekibastuzdaǵy jer úılerdi jylý jelisine jalǵaý jumystary endi bastaldy. Bul týraly Pavlodar oblysy ákiminiń mindetin ýaqytsha atqarýshy Oleg Krýk málim etti, dep habarlaıdy QazAqparat tilshisi.

Jeke sektordaǵy jylýsyz úılerdiń statıstıkasyn da ótinish-shaǵymdar negizinde jiti júrgizip otyrmyz. Búgin brıgadalar birinshi kún josparly jumysqa shyqty. Buǵan deıin biz kópqabatty úılerge salyp kelgen edik. Qazir magıstraldik jelimen aınalysqan brıgada bosaǵan soń jer úılerdiń julý qubyrlaryn jibitýge jiberý týraly sheshim qabyldadyq, ıaǵnı jer úılerdiń qubyry men jylý jelimin jibitip jatyr. Bizdiń deregimiz boıynsha shamamen 70-teı jer úı jylýsyz otyr, -

dedi Oleg Krýk óńirlik kommýnıkatsııalar qyzmetinde ótken brıfıngide.

Eske salaıyq, 27 qarashada Ekibastuz jylý elektr ortalyǵynda apat bolyp, qala turǵyndary jylýsyz qaldy.

Keıin jylý qazandyǵynyń isten shyǵýyna baılanysty oblys ákimi bastaǵan jedel shtab quryldy.

Ekibastuz qalasynyń oqýshylary onlaın oqýǵa kóshirildi.

28 qarasha kúni tańerteń qalada jergilikti aýqymdaǵy tótenshe jaǵdaı jarııalandy.

30 qarashada Ekibastuzǵa Premer-Mınıstr Álıhan Smaıylov baryp, kináliler jaýapqa tartylatynyn aıtty.

Apat sebebi retinde jylý jelileriniń tozýy, jylý ortalyǵy basshylyǵynyń nemquraılylyǵy men ınvestıtsııalardyń jetkiliksizdigi ataldy.

Memleket basshysynyń tapsyrmasy boıynsha Premer-Mınıstrdiń birinshi orynbasary Roman Sklıar qalalyq jylý jelilerindegi apattyń saldaryn joıý jónindegi jumystar aıaqtalǵansha Ekibastuzda bolatyny habarlandy.

Búgin Roman Sklıar telefon arqyly Úkimet basshysy Álıhan Smaıylovqa qalalyq jylý jelilerindegi apattyń zardaptaryn joıý barysy týraly baıandady.


Uqsas jańalyqtar
Seriktester jańalyqtary

Jańalyqtar