Jańalyqtar  >
  Qoǵam

Ekibastuz turǵyndaryna jylý úshin tólem qaıta esepteledi

2022 jylǵy 30 qarasha, 17:15
Ekibastuz turǵyndaryna jylý úshin tólem qaıta esepteledi

ASTANA. QazAqparat – Ekibastuz turǵyndaryna jylýmen jabdyqtaý salasyndaǵy qyzmetter úshin qaıta esepteý júrgiziledi, dep habarlaıdy QazAqparat tilshisi.

«Kompanııa jylýmen jabdyqtaý salasyndaǵy qyzmetter úshin tolyǵymen qaıta esepteý júrgizedi, barlyq turǵyndarǵa ótemaqy tólenedi», - dedi Pavlodar oblysy ákiminiń mindetin atqarýshy Ábilqaıyr Sqaqov Ekibastuzda ótken baspasóz máslıhatynda.

Sondaı-aq onyń aıtýynsha, elektr energııasy úshin shyǵyndardy óteý máselesi pysyqtalýda. Shyǵyndardy jabýdy «Ortalyq Azııa elektr energetıkalyq korporatsııasyna» (OAEK) júkteý josparlanǵan.

«Normatıvterge sáıkes, qala turǵyndary ádette shamamen 32 MVt elektr energııasyn tutynady, jylytqyshtar taratylǵannan keıin ol 50-52 MVt-qa deıin ósti. Biz KEGOC-tan derekterdi kórip otyrmyz, eger tuıyqtalý nemese basqa da problemalar týyndasa, brıgadalardy jiberemiz», - dep tolyqtyrdy Á. Sqaqov.

Buǵan deıin Ekibastuzdaǵy tótenshe jaǵdaıdy joıýǵa jumyldyrylǵan mamandar marapattalatyny habarlanǵan edi.


Uqsas jańalyqtar
Tegı:
Seriktester jańalyqtary

Jańalyqtar