+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Ekibastuz qalasynyń ákimi aýysty

2020 jylǵy 25 qyrkúıek 19:18
Bólisińiz:
Ekibastuz qalasynyń ákimi aýysty

EKІBASTUZ. QazAqparat – Pavlodar oblysy Ekibastuz qalasynyń ákimi bolyp Ardaq Qańtarbaev taǵaıyndaldy, dep habarlaıdy QazAqparat tilshisi.

Uqsas jańalyqtar

Pavlodar oblysy ákiminiń baspasóz qyzmetinen málim etkendeı, Ekibastuzdyń jańa ákimin qala aktıvine óńir basshysy Ábilqaıyr Sqaqov tanystyrdy.

Á.Sqaqov Ekibastuz qalasynyń burynǵy ákimi Erjan Imanzaıypovqa atqarǵan jumysy úshin alǵys aıtyp, jańa basshynyń aldyna birqatar tapsyrma júktedi.

«Ekibastuz – Pavlodar oblysy úshin de, búkil el úshin de mańyzdy qalalardyń biri. Jurtshylyqpen birge Ekibastuzdy damytýdyń orta merzimdi baǵdarlamasyn ázirleý qajet. Munda ónerkásipti ǵana emes, aýyl sharýashylyǵyn da damytý úshin úlken áleýet bar. Eńbek resýrstary boıynsha máseleler bar. Sondyqtan kadrlardy daıarlaıtyn jáne qaıta daıarlaýdan ótkizetin óńiraralyq oqý ortalyǵynyń sapaly jumysyn uıymdastyrý qajet. Mańyzdy baǵyt – ınvestıtsııa tartý. Pavlodar men astanaǵa jaqyndyǵy, sondaı-aq damyǵan kólik ınfraqurylymy úlken artyqshylyq bolyp tabylady», - dep atap ótti Ábilqaıyr Sqaqov.

Ardaq Qańtarbaev 1968 jyly Baıanaýyl aýdanynda dúnıege kelgen. 1994 jyly ál-Farabı atyndaǵy Qazaq ulttyq ýnıversıtetin «Zańger» mamandyǵy boıynsha, 2009 jyly Qazaq bas sáýlet-qurylys akademııasyn «Injener-qurylysshy» mamandyǵy boıynsha támamdaǵan. 2018 jyly RF Prezıdenti janyndaǵy Reseı halyq sharýashylyǵy jáne memlekettik qyzmet akademııasynda «memlekettik jáne mýnıtsıpaldyq basqarý» magıstri dárejesin aldy.

Eńbek jolyn 1986 jyly «Ekibastuz Energojılpromstroı» tresinde aǵash ustasy bolyp bastaǵan. 1988 jyly ásker qataryna shaqyryldy. 1989 jyly Almaty zaýytynda tokar oqýshysy jáne tokar-jartylaı avtomatshy bolyp jumys istedi. 1994-1995 jyldary - QR UǴA Memleket jáne quqyq ınstıtýtynyń kishi ǵylymı qyzmetkeri.

2002-2006 jyldary – «Almaty tehnıkalyq túgendeý bıýrosy» JShS dırektory. 2006-2008 jyldar aralyǵynda Almaty «SeısmoQurylysQorǵaý» MKQK basshysynyń mindetin atqardy jáne basshysy boldy. 2008 - 2009 jyldar aralyǵynda - «AlmaRealty.kz» JShS dırektory.

2009 jyly Almaty qalasy Ádilet departamentiniń ınspektory boldy. 2012 jylǵa deıin jetekshi mamannyń mindetin atqarýshydan osy vedomstvo basshysynyń orynbasaryna deıingi joldan ótti. 2012-2016 jyldary Pavlodar oblysynyń Ádilet departamentin basqardy. 2016 jyldan 2019 jylǵa deıin Maı aýdanynyń ákimi qyzmetin atqardy.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT