Eki oblys sary aımaqqa ótse, avtobýsta maska taǵý kerek bolady - óńirdiń bas sanıtar dárigeri
2022 jylǵy 5 shilde 17:31

Eki oblys sary aımaqqa ótse, avtobýsta maska taǵý kerek bolady - óńirdiń bas sanıtar dárigeri

TALDYQORǴAN.QazAqparat - Búgin Óńirlik kommýnıkatsııalar qyzmetiniń alańynda Almaty oblysy sanıtarlyq-epıdemıologııalyq baqylaý departamentiniń basshysy Erǵalı Sydymanov Almaty oblysy men Jetisý oblysyndaǵy epıdemıologııalyq jaǵdaı týraly baıandap berdi, - dep habarlaıdy QazAqparat tilshisi.

Aıtýynsha, búginde eki oblysta da koronavırýstyq ınfektsııanyń ósý qarqyny baıqalady. ıAǵnı, ótken aptamen salystyrǵanda Jetisý oblysynda 0,0004-ten 0,003-ke deıin ósti, al Almaty oblysynda bul kórsetkish 0,001-den 0,02-ge deıin jetken.

«Pandemııa bastalǵaly eki óńirde koronavırýstyq ınfektsııanyń 69 606 jaǵdaıy tirkeldi. Ótken táýlikte Qarasaı jáne Іle aýdandarynda 3 jaǵdaı jáne Sarqan aýdanynda 1 jaǵdaı tirkeldi. Oblystar «jasyl» aımaqta. Halyqty vaktsınatsııalaý jumystary da jalǵasýda»,- dedi Erǵalı Jaqsybaıuly.

Spıkerdiń málimetterine súıensek, búgingi tańda óńirlerde 366 egý pýnkti jáne 67 jyljymaly pýnkt jumys isteıdi. Eki oblystyń turǵyndary úshin vırýsqa qarsy preparattardyń úsh túri qoljetimdi: QazCovid-in, SinopharmVeroCell jáne Comirnaty (Pfizer).

Eger, epıdemıologııalyq ahýaldyń odan ári nasharlaǵany baıqalatyn bolsa, kelesi sharalar qoldanylmaq:

- naýqaspen tyǵyz qarym-qatynasta bolǵandardy qashyqtan jumys isteý formatyna kóshirý;

- COVID-19 vaktsınasyna túbegeıli qarsy kórsetilimderi bar qyzmetkerler men júkti áıelderdi qashyqtan jumys isteý formatyna aýystyrý;

- jabyq jerler men qoǵamdyq kólikte mindetti túrde maska taǵý;

- 10 adamnan astam qatysýshysy bar jınalystardy onlaın formatta ótkizýdi usyný.

Sondaı-aq epıdemıologııalyq qaýiptilik aımaǵyna qaramastan, áýe, TJ kólikteri men halyqaralyq avtobýs tasymaldarynda maska taǵý usynylady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT