+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Eki kúnde 12 kezdesý: Prezıdenttiń Germanııaǵa sapary qalaı ótti

2020 jylǵy 16 aqpan 16:53
Bólisińiz:
Eki kúnde 12 kezdesý: Prezıdenttiń Germanııaǵa sapary qalaı ótti

MıÝNHEN. QazAqparat – Osy aptada Memleket basshysy Qasym-Jomart Toqaevtyń Germanııaǵa eki kúndik jumys sapary ótti. Prezıdent 14-15 aqpandaǵy Qaýipsizdik jónindegi 56-shy Mıýnhen konferentsııasyna qatysý úshin osy elge arnaıy keldi. Sarapshylar bul sapar óte jemisti boldy, dep baǵalady. Atap aıtqanda, Q.Toqaev konferentsııadan tys álemdik kóshbasshylarmen, halyqaralyq uıymdardyń jáne Germanııanyń iri kompanııalarynyń jetekshilerimen, sondaı-aq halyqaralyq qatynastar salasyndaǵy bedeldi sarapshylarmen kezdesý ótkizip úlgerdi.

Uqsas jańalyqtar
Memleket basshysy SQO-ǵa qonys aýdarǵan azamattarmen kezdesti QR Prezıdenti Soltústik Qazaqstandaǵy astyq jınaý naýqanymen tanysty Qasym-Jomart Toqaev Qostanaı oblysynyń sharýalarymen kezdesti

Eki kúndegi 12 kezdesý

Qasym-Jomart Toqaevtyń jumys sapary Germanııanyń iri kompanııalary basshylarymen – «BayWa AG» kompanııasynyń basqarma tóraǵasy Klaýs Lýttspen, «Rhenus SE&Co.KG» kompanııasynyń basqarma múshesi Mıhael Vıferspen jáne «Reverse Logistics Systems GmbH» kompanııasynyń basqarma tóraǵasy Patrık Vıdemannmen ekijaqty kezdesýler ótkizýden bastaldy.

Іri aýylsharýashylyq kompanııasynyń basshysy K. Lýttspen bolǵan kezdesýde energııa kózderin qaıta qalpyna keltirý jáne agroónerkásip keshenin tsıfrlandyrý salalary boıynsha birlesken ınvestıtsııalyq jobalardy júzege asyrýdyń basymdyqtary egjeı-tegjeıli talqylandy.

Prezıdent Qazaqstannyń Germanııa bıznesimen aradaǵy tyǵyz ári jemisti yntymaqtastyqty damytýǵa basa mán beretinin atap ótti. Osy oraıda kásipkerdiń nazaryn elimizdegi energııa kózderin qaıta qalpyna keltirý jáne tyńaıtqyshtar óndirý baǵytynyń áleýetin arttyrýdyń mańyzdylyǵyna aýdardy.

Mıhael Vıferspen kezdesý kezinde kólik-logıstıka salasy boıynsha birlesken ınfraqurylymdyq jobalardy iske asyrý perspektıvalary pysyqtaldy.

Memleket basshysynyń Patrık Vıdemannmen ótkizgen kezdesýinde Qazaqstanda bos ydystardy qaıta aınalymǵa jiberýdiń kepildik-qaıtarymdyq júıesi jónindegi jobanyń júzege asyrylý qadamdary sóz boldy.

«Reverse Logistics Systems GmbH» kompanııasynyń basshysy materıaldar men qaldyq zattardy qaıta óńdeý salasynda tıisti ekojúıe qurý úshin Qazaqstanmen yntymaqtastyq ornatýǵa daıyn ekenin aıtty.

Qasym-Jomart Toqaev qaýipsizdik jónindegi 56-shy Mıýnhen konferentsııasy aıasynda Kanadanyń Premer-Mınıstri Djastın Trıýdomen kezdesip, kelissóz júrgizdi.

Taraptar Qazaqstan men Kanada arasyndaǵy saýda-ekonomıkalyq, ınvestıtsııalyq jáne mádenı-gýmanıtarlyq yntymaqtastyqtyń qazirgi ahýaly men perspektıvalaryn talqylap, halyqaralyq uıymdar aıasyndaǵy yqpaldastyqty qarastyrdy. Sondaı-aq, halyqaralyq kún tártibindegi ózekti máseleler boıynsha pikir almasty. Kanada úkimetiniń basshysy saıası jáne ekonomıkalyq reformalardy júzege asyrý jónindegi Qazaqstan Prezıdentiniń kúsh-jigerin joǵary baǵalap, azamattyq qoǵam men demokratııany damytý salasyna qoldaý kórsetýge daıyn ekenin jetkizdi.

14 aqpan tústen keıin Memleket basshysy Ekonomıkalyq yntymaqtastyq jáne damý uıymynyń Bas hatshysy Hose Anhel Gýrrıamen kezdesý ótkizdi.

Qasym-Jomart Toqaev Qazaqstannyń Ekonomıkalyq yntymaqtastyq jáne damý uıymynyń standarttaryn engizýge, saıası jáne ekonomıkalyq reformalardy júzege asyrý barysynda atalǵan bedeldi uıymmen belsendi yqpaldastyqty jalǵastyrýǵa basa mán beretinin aıtty.

Óz kezeginde A. Gýrrıa Qazaqstanmen arada yntymaqtastyq baılanystar nyǵaıyp kele jatqanyn atap ótti. «Men búgingi kezdesýge óte qýanyshtymyn. Biz kóptegen mınıstrlermen birlesip jumys istedik. Osy oraıda qarym-qatynastyń jyl sanap damyp kele jatqanyn atap ótkim keledi. Búgingi kezdesýge shyn júrekten qýanyshtymyn. Bıyl yntymaqtastyǵymyz odan ári órleı túsedi degen senimdemin», - dedi Anhel Gýrrıa.

Budan bólek Qazaqstan Prezıdenti Mıýnhenge jasaǵan jumys sapary barysynda Ázerbaıjan Prezıdenti Ilham Álıevpen de kezdesti.

Ázerbaıjan Prezıdenti bıyl eki eldiń qarym-qatynasy jemisti bolatynyna senimdi ekenin atap ótti. «Kóptegen birlesken jobalar iske asyrylýda. 2020 jyl da eki eldiń baılanysy úshin tabysty bolady degen senimdemin. Taýar aınalymyn arttyrýdy kózdep otyrmyz, sondaı-aq transport, týrızm salasyndaǵy seriktestiktiń áleýeti zor. Eki el arasynda tyǵyz baılanys ornaǵan», - dedi Ilham Álıev.

Kezdesý sońynda Qasym-Jomart Toqaev Ilham Álıevti Qazaqstanǵa resmı saparmen kelýge shaqyrdy.

Sonymen qatar, 15 aqpan kúni túske deıin Qasym-Jomart Toqaev alty kezdesýdi qatarynan ótkizdi. Osy oraıda Kýveıttiń Premer-Mınıstri sheıh Sabah Halıd ál-Hamad as-Sabahpen, Aýǵanstan Prezıdenti Ashraf Ǵanımen , «Siemens AG» kompanııasynyń atqarýshy dırektory Djo Kezermen, «Eurasia Group» zertteý jáne konsaltıng kompanııasynyń negizin qalaýshy ıAn Bremmermen pikir almasty.

Munymen qosa, Qazaqstan Prezıdenti Dúnıejúzilik densaýlyq saqtaý uıymynyń Bas dırektory Tedros Adhan Gebreıesýspen jáne Halyqaralyq Qyzyl Krest komıtetiniń prezıdenti Peter Maýrermen kezdesýge aıryqsha mán berdi.


Kezdesý barysynda Memleket basshysy densaýlyq saqtaý salasyndaǵy ózekti máseleler boıynsha pikir almasty. Osy oraıda Qasym-Jomart Toqaev koronavırýstyń taralýynyń aldyn alý baǵytynda Qazaqstanda qabyldanǵan sharalar týraly habardar etti. Óz kezeginde Tedros Adhan Gebreıesýs Qazaqstan Prezıdentine indettiń taralýyna baılanysty álemdegi ahýal jaıynda keńinen málimet berdi.

Peter Maýrermen júzdesýde Qazaqstan men Halyqaralyq Qyzyl Krest komıteti arasyndaǵy baılanystardy odan ári nyǵaıtý máseleleri qaraldy. Osy oraıda halyqaralyq kún tártibindegi ortaq máseleler týraly pikir almasyldy. Kezdesý sońynda Memleket basshysy Qazaqstan men Halyqaralyq Qyzyl Krest komıtetiniń arasyndaǵy yntymaqtastyqty damytýǵa qosqan úlesi úshin Peter Maýrerge ІІ dárejeli «Dostyq» ordenin tapsyrdy.

Mıýnhen konferentsııasy

Jumys saparynyń birinshi kúninde Qasym-Jomart Toqaev qaýipsizdik jónindegi 56-shy Mıýnhen konferentsııasynyń resmı ashylý rásimine qatysty.

Atalǵan is-sharaǵa 40-qa jýyq memlekettiń basshylary, 100-den astam syrtqy ister jáne qorǵanys mınıstrleri, halyqaralyq qatynastar salasyndaǵy bedeldi sarapshylar, Eýrokomıssııa ókilderi, sondaı-aq Eýropalyq Parlament depýtattary keldi.

Konferentsııa kún tártibinde «EO men NATO bolashaǵy», «Kıberqaýipsizdik», «Densaýlyq saqtaý máseleleri», «Saýda soǵystary men sanktsııalar», «Jalǵan aqparat, nasıhat pen kúmándi jańalyqtar», «Taıaý Shyǵystaǵy ahýal», sondaı-aq Eýropalyq Odaq, AQSh, Reseı, Qytaı jáne basqa da eldermen aradaǵy ózara qatynastar taqyryptary talqylandy.

Aıta keteıik, jyl saıyn forýmǵa álemniń 70 elinen 400-600 adam qatysyp keledi. Olardyń arasynda memleket jáne úkimet basshylary, áskerı ári saıası kóshbasshylar, mınıstrler kabınetiniń músheleri, parlament depýtattary, ǵalymdar, saıasattanýshylar, azamattyq qoǵam ókilderi qamtyldy. 1990 jyldan beri konferentsııaǵa Reseı men Shyǵys Eýropanyń elderi, Qytaı, Úndistan, Japonııa ókilderi shaqyrtý alýda. Sharanyń taqyryptary únemi ózgeriske ushyraıtyn qaýipsizdik saıasaty talaptaryna sáıkes túrlenip turady. Mıýnhen konferentsııasyn ótkizýdiń alǵashqy jyldarynda birinshi kezekte Eýro-Atlantıkalyq aımaqtaǵy qaýipsizdik qaterlerin boldyrmaýǵa nazar aýdaryldy. Alaıda, keıinnen jańa aýmaqtar men basqa da máseleler kún tártibine engendikten, konferentsııanyń múddeler spektri keńeıe tústi.

Konferentsııanyń ekinshi kúnindegi «Geografııalyq ornalasýdyń mańyzy: Ortalyq Azııadaǵy qazirgi jaǵdaı» taqyrybyndaǵy ótken paneldik pikirtalas kezinde Qasym-Jomart Toqaev kórshiles eldermen ózara tıimdi qarym-qatynas týraly aıtty.

Halyqaralyq qatynastar keńesiniń prezıdenti Rıchard Haas jetekshilik etken pikirtalasqa Aýǵanstan Islam Respýblıkasynyń Prezıdenti Muhammed Ashraf Ǵanı qatysty.

«Jer kólemi boıynsha toǵyzynshy oryndaǵy Qazaqstan Respýblıkasy týraly aıtatyn bolsaq, Qytaı men Reseıdiń ortasynda ornalasý – múmkindik. Biz eki elmen kórshiles bolý arqyly kóptegen múmkindikke ıe boldyq. Sonymen birge, Ortalyq Azııanyń aýqymdy bóligin ıemdený de geografııalyq erekshelik. Meniń oıymsha, Ortalyq Azııa óziniń geosaıası mańyzyn joǵaltpaıdy», - dedi Memleket basshysy.

Mıýnhen konferentsııasynda Memleket basshysy Qasym-Jomart Toqaev Qazaqstan men AQSh-tyń yntymaqtastyǵy týraly aıtyp berdi.

«Jaqynda ǵana AQSh-tyń Memlekettik hatshysy Maık Pompeo Qazaqstanǵa keldi. Bul da Qazaqstan men AQSh arasyndaǵy baılanystyń nyǵaıa túskenin bildiredi», - dedi Prezıdent.

Memleket basshysy ekonomkalyq seriktestik turǵysynda Qazaqstanda AQSh-tyń birneshe úlken kompanııalary jumys istep jatqanyn eske saldy. «AQSh-tyń Qazaqstan úshin mańyzy zor. Yntymaqtastyǵymyz odan ári arta túsýine úlken múmkindikter bar dep sanaımyn», - dep atap ótti Q. Toqaev.

Budan bólek, Memleket basshysy jıynǵa qatysýshylarǵa prezıdent qyzmetindegi basymdyqtary, elimizdegi saıası jáne ekonomıkalyq reformalardyń negizgi baǵyttary týraly aıtyp berdi. Osy rette Prezıdent ekonomıkany ártaraptandyrýdyń, ınnovatsııalar men tsıfrlandyrýdy damytýdyń asa mańyzdy ekenine nazar aýdardy.

«Prezıdent retinde ınnovatsııalarǵa, tsıfrlandyrýǵa basa mán beretinimdi aıtqym keledi. Ekonomıkanyń qarqyndy ósimin qamtamasyz etý – basty maqsat. Sonymen qatar, úzdik sheteldik sarapshylardyń tyń ıdeıalaryn engizýge ázirmiz. Bul baǵytta atqarylatyn jumystar az emes. Ekonomıkany damytý úshin tyń reformalardyń da mańyzy zor ekenin atap ótken jón», - dedi Q.Toqaev.

Óz kezeginde Halyqaralyq qatynastar keńesiniń prezıdenti Rıchard Haas Mıýnhen qaýipsizdik konferentsııasynda Qasym-Jomart Toqaev syndarly ári salmaqty ustanymyn aıtqanyn málim etti.

«Mıýnhen qaýipsizdik konferentsııasynda Qasym-Jomart Toqaev syndarly ári salmaqty ustanymyn aıtty. Ol Ortalyq Azııa taqyrybynda, sondaı-aq ekijaqty qarym-qatynastar turǵysynda baıandap berdi. Osy oraıda, Reseımen jáne Qytaımen baılanystar jaıynda baıandady», - dedi ol Mıýnhen qaýipsizdik konferentsııasynyń aıasynda tilshilerge bergen suhbatynda.

Bul turǵyda Rıchard Haas Qazaqstan Prezıdenti paneldik pikirtalastyń negizgi mazmunyn egjeı-tegjeıli ashyp bergenin atap ótti.

«Qasym-Jomart Kemelulynyń ustanymy búgingi paneldik pikirtalastyń taqyrybyna tolyq sáıkes keldi. Osynyń negizi retinde óńirlik ózara qarym-qatynasqa tolyq baǵa berildi. Prezıdent myrza Ortalyq Azııa óńiriniń ekonomıkalyq ári saıası damýyndaǵy Qazaqstannyń róli týraly atap ótti. Paneldik pikirtalas qatysýshylaryna álemdik sahnadaǵy Qazaqstannyń bastamalary men ustanymyn tolyqtaı túsindirdi», - dedi Rıchard Haas.

BUU-nyń bedeli men Astana protsesi

Atalǵan bedeldi konferentsııada BUU aıasyndaǵy yntymaqtastyq taqyryby sarapshylardyń erekshe nazarynda boldy. Bul turǵyda Mıýnhen qaýipsizdik konferentsııasynyń tóraǵasy Volfgang Ishınger álem kóshbasshylaryn BUU-nyń bedelin nyǵaıtý isine belsendi atsalysýǵa shaqyrdy.

«Ashyǵyn aıtý kerek, ujymdyq kúsh-jiger eń qaýipti daǵdarystar men halyqaralyq qaýipsizdiktiń qaterlerin retteý úshin jetkiliksiz. Adamdardyń ómiri qıylyp jatyr, qarýlaný jarysy jańa qarqyn ala bastady, jahandyq jylyný jalǵasýda. Sondyqtan álemdegi eń yqpaldy adamdardyń bul turǵyda tek sharasyzdyq tanytýy durys emes. Atap aıtqanda, bul ahýal qazirgi qaýipti jaǵdaıda óte tıimsiz bolyp tur», - dedi V. Ishınger Mıýnhen qaýipsizdik konferentsııasynyń 56-shy otyrysynda.

Onyń paıymynsha, osynyń saldarynan yntymaqtastyq pen beıbitshiliktiń ornyna óshpendilik pen qaqtyǵystar beleń alýda.

«Búgingi jıyndy paıdalana otyryp, birneshe eskertýdi atap ótkim keledi. Biz barshamyz BUU bedelin nyǵaıtýǵa belsendi úles qosýymyz kerek. Onyń ishinde BUU Qaýipsizdik Keńesin de nazarda ustaýymyz kerek. Ol sheshimderdi oryndaý úshin ókilettigi bar jalǵyz organ. Qaýipsizdik Keńesi Lıvııa boıynsha qarardy qabyldaǵan kezde osy aptanyń basynda qandaı da bir úmit paıda boldy. Osy oraıda elderdiń basym kópshiligi osy sheshimniń talaptaryn ustanady dep senim bildiremiz», - dedi Volfgang Ishınger.

Óz kezeginde GFR Prezıdenti Frank-Valter Shtaınmaıer shamadan tys qarýlaný qaýpi týraly baıandamasyn jasady.

«Eýropanyń qaýipsizdigine Germanııa kóbirek úles qosýy tıis, ıaǵnı NATO aıasynda. Ásirese, qarjylyq turǵyda qoldaýdy kúsheıtkeni jón. Alıans ortaq maqsat týraly ýaǵdalasty. Meniń oıymsha, osy baǵyttaǵy qadamdar óte durys ári mańyzdy. Degenmen Eýropada elder, onyń ishinde Germanııa qorǵanysqa kóbirek qarjy jumsaǵanymen, biz halyqaralyq tártiptegi erozııany toqtata almaımyz», - dedi Frank-Valter Shtaınmaıer.

Onyń paıymynsha, dıplomatııalyq qatynastardyń, qaýipsizdik arhıtektýrasynyń, qarýlanýdy shekteý týraly sharttardyń kúshin joǵaltý qaýipti.

«Eger biz adam quqyqtaryna, halyqaralyq quqyqqa syılastyqpen qaraý jolyn qaıta tappasaq, álemdegi tártipti qalpyna keltire almasaq, sondaı-aq bólek memlekettiń qaýipsizdigin ózimizdiń jeke qaýipsizdigimiz retinde qabyldaı almasaq jáne osy mańyzdy maqsattarǵa negizdelmesek, onda birneshe jyldan keıin shamadan tys deńgeıde qarýlanamyz. Sondyqtan bul maqsattar barshamyzǵa qatysty bolyp otyr», - dedi GFR Prezıdenti. «Áskerı komponent biz úshin qajet, alaıda bul mańyzdy jalǵyz tetik emes. Osy oraıda dıplomatııalyq ári saıası tetikter jaıynda umytpaýymyz kerek», - dedi Frank-Valter Shtaınmaıer.

Aıtpaqshy, Reseıdiń Syrtqy ister mınıstri Sergeı Lavrov Astana protsesiniń BUU-ǵa qanshalyqty qoldaý kórsetip otyrǵanyna baǵa berdi.

Mıýhen konferentsııasynda Sırııadaǵy qaqtyǵystardyń týyndaýy men osy daǵdarysty sheshýdiń mán-jaıy egjeı-tegjeıli talqylaýdan ótti.

«Bul kúrdeli máseleniń túıinin sheshýde Astana protsesiniń orny erekshe. Osy oraıda óziniń elordasynda qolaıly alańdy usynǵany úshin Qazaqstanǵa shynaıy alǵysymyzdy aıtamyz. Astana protsesi jumysyn jaqsy bastady, sondaı-aq qazirgi ýaqytta da eń tıimdi alań bolyp tur», - dedi S. Lavrov.

Sonymen qatar, Reseıdiń Syrtqy ister mınıstri Astana protsesi Qaýipsizdik Keńesiniń qararyn ilgeriletýde BUU-ǵa qoldaý kórsetip kele jatqanyn atap ótti.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT