+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Eki qaraǵandylyq 6 jasar balany órtenip jatqan monshadan alyp shyqty

2021 jylǵy 31 mamyr 21:12
Bólisińiz:
Eki qaraǵandylyq 6 jasar balany órtenip jatqan monshadan alyp shyqty

QARAǴANDY. QazAqparat – Qaraǵandyda eki jigit janyp jatqan monshanyń ishinen 6 jasar balany alyp shyqty, dep habarlaıdy QazAqparat tilshisi.

Esterińizge sala keteıik, órt 29 mamyrda Qaraǵandy qalasynyń Ermekov kóshesindegi «Kedr» monshasynda bolǵan. Jalyn 300 sharshy metrden astam aýmaqty qamtydy.

Sol kúni monshada bolǵan polıtsııa leıtenanty Sherhan Tóleýhan men onyń dosy Jantóleý Eginbaı órt týraly aıqaıdy estıdi. Bastapqyda mán bermegen olar, keıin monsha bólmelerindegi tútindi kóredi.


Ekeýi birden tómengi qabattaǵy zattar men qujattaryna júgirgen. Sol kezde buryshta jalǵyz turǵan balany baıqaıdy. Sherhan oılanbastan, balany kóterip, syrtqa júgirdi.

«Shyǵa beriste ot lapyldap jana bastady, tóbeden órtengen zattar qulap jatyr. Soǵan qaramastan shyǵar joldy taýyp aldym. Jantóleý dosym balaǵa dymqyl súlgini jaýyp, qaýipsiz jerge alyp bardy», - deıdi Sherhan Tóleýhan.

Balanyń ata-anasy polıtseıge balasyn qutqarǵany úshin alǵys aıtty. Qazir balanyń jaǵdaıy jaqsy, onyń ómiri men densaýlyǵyna esh qaýip joq.

Qaraǵandy oblysy TJ departamentiniń basshylyǵy balanyń ólimine jol bermegen batyl áreketi úshin polıtsııa qyzmetkeri men onyń dosyn marapattamaq.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT