Jańalyqtar  >
  Sport
Eki chempıon: Qazaqstannyń jas tennısshileriniń túrli týrnırlerdegi nátıjesi
2022 jylǵy 8 tamyz 00:21

Eki chempıon: Qazaqstannyń jas tennısshileriniń túrli týrnırlerdegi nátıjesi

NUR-SULTAN. QazAqparat – Qazaqstandyqtar Asyljan Arystanbekova men Aııa Nupbaı 18 jasqa deıingiler arasynda Ózbekstanda ótken úshinshi sanattaǵy ITF týrnıriniń chempıony atandy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, Aııa men Asyljan juptyq synda fınalda taǵy bir qazaqstandyq Ádemi Amankeldi men reseılik Vıktorııa Mılovanovany utty – 6:4, 6:7 (5:7), 10:7.

Osylaısha, qazaqstandyq dýet óz sporttyq jolynda jetinshi, bıylǵy besinshi tıtýlyna qol jetkizdi.

Sondaı-aq Ońtústik Afrıka Respýblıkasynda birinshi sanattaǵy ITF Juniors jarysy aıaqtaldy. Munda Janel Rústemova juptyq synda fınalǵa deıin jetti. Ol estonııalyq Elızabet Lılamen birge sońǵy básekede dodanyń ekinshi raketkalary, ulybrıtanııalyq Ella Makdonald – ıtalııalyq Anna Paradısıge jol berdi – 1:6, 3:6.

Budan bólek, qazaqstandyq jas tennısshiler 14 jáne 12 jasqa deıingiler arasynda Tennis Europe saıystarynda da tabysty óner kórsetti.

Germanııanyń Aýsbýrg qalasynda Bavarian Junior Open (U14) jarysynda Sofıa Isakova juptyq synda ýkraınalyq Anastasııa Sorskamen birge fınalda úsh sette ıspanııalyq Vega Fernandes – chehııalyq Vanessa Svobodovaǵa ese jiberdi – 3:6, 6:4, 4:10. Jekeleı synda S.Isakova jartylaı fınalǵa deıin jetti.

Belgradta 12 jasqa deıingiler arasynda Gıorgı Bregvadze jarysty irikteý saıystarynan bastap negizgi dodada serbııalyq, germanııalyq, ızraıldik qarsylastaryn tize búktirdi. Shırek fınalda frantsııalyq tennısshiden aılasyn asyrdy – 6:2, 7:6. Tek jartylaı fınalda reseılik Tımýr Gordeevten utylyp qaldy. T.Gordeevpen birge juptyq synda fınalǵa deıin jetip, slovenııalyq-makedonııalyq dýetten jeńildi – 2:6, 7:6 (7:2), 0:10.

Osy jarysta Lınara Bólesheva men Sofıa Kırova fınalda sýper taı-breıkte ǵana reseılikterge ese jiberdi – 6:4, 6:7 (2:7), 8:10.

Eske sala keteıik, budan buryn tennısten Qazaqstan jasóspirimder quramasynyń álem chempıonatyn 4-orynmen aıaqtaǵanyn jazǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT