Ekaterınbýrg - Almaty baǵytyndaǵy jol jabyldy
QONAEV. QazAqparat - Aýa raıynyń kúrt tómendeýine baılanysty Ekaterınbýrg - RF shekarasy - Almaty joly jabyldy, dep habarlaıdy QazAqparat tilshisi Almaty oblysynyń TJD baspasóz qyzmetine silteme jasap.
«Qazaqavtojol» UK Almaty oblystyq fılıaly aýa temperatýrasynyń kúrt tómendeýine baılanysty 5 aqpan, saǵat 20:00-dan bastap respýblıkalyq mańyzy bar «Ekaterınbýrg RF shekarasy - Almaty» avtojoly (2381 km Akshı aýyly - 2294 km Qansheńgel aýyly) jabylǵanyn habarlady.
«Almaty oblysynyń TJD azamattardan osy baǵytta jol júrýden bas tartýdy jáne óz baǵytyn aldyn ala túzetýdi, sondaı-aq 112 qyzmeti beretin SMS habarlamalardy nazardan tys qaldyrmaýdy suraıdy», - dep eskertti TJD-da.
Vedomstvoda sondaı-aq daýyl eskertýleri men ózge de shuǵyl aqparatty «Dármen» mobıldi qosymshasynan alýǵa bolatynyn habarlady.
Eske salsaq, buǵan deıin Almaty oblysynda aýa raıyna baılanysty birneshe jol jabylǵan bolatyn
