+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Egý pýnktiniń dárigeri: Koronavırýsqa qarsy zamanaýı vaktsınalar – qaýipsiz

2021 jylǵy 21 maýsym 21:53
Bólisińiz:
Egý pýnktiniń dárigeri: Koronavırýsqa qarsy zamanaýı vaktsınalar – qaýipsiz

ALMATY. Qazaqparat – Koronavırýsqa qarsy zamanaýı vaktsına – qaýipsiz. Almaty qalasyndaǵy №5 emhananyń pedıatrııa bóliminiń meńgerýshisi Gúlzat Baızaqova osylaı dedi, dep habarlaıdy QazAqparat tilshisi.

Uqsas jańalyqtar
Qazyǵurtta karantın kezinde 150 adam jınalyp, úılený toıyn jasaǵan Qazaqstanda koronavırýstan emdelip jatqan 1444 naýqastyń jaǵdaıy aýyr  - QR DSM Elimizdiń bir óńiri «sary», qalǵany túgel «qyzyl» aımaqta tur

Almatyda koronavırýsqa qarsy egý júrgiziletin 200-den astam pýnkt bar, olardyń bir bóligi qalanyń saýda, oıyn-saýyq ortalyqtarynda ornalasqan. Mobıldi pýnkterde 1 200-den astam medıtsına qyzmetkeri jumys isteıdi. Olardyń arasynda Almaty qalasyndaǵy №5 emhananyń pedıatrııa bóliminiń meńgerýshisi Gúlzat Baızaqova da bar.

Gúlzat Baızaqovanyń aıtýynsha, «Mega park» SOSO-da egý pýnkti 10 sáýirden jumysty bastaǵan. Vaktsınatsııaǵa barlyq tilek bildirýshiler Egov mobile qosymshasy arqyly aldyn ala jazyla alady. Ekpe saldyrýǵa kelgenderdiń árqaısysy tórt kezeńnen ótedi.

«Aldymen, biz naýqasty baza boıynsha tekseremiz, onyń qandaı da bir qarsy kórsetilimderi bar-joǵyn bilý úshin saýalnama toltyrady. Sodan keıin dárigerdiń keńsesinde dene qysymy men temperatýrasyn ólsheıtin, pýlsoksımetr kómegimen satýratsııany tekseremiz. Osy ýaqytta ekpe pýnktinde vaktsına daıyndalady. Barlyq baqylaý az ýaqytty alady. Osy rásimnen keıin árbir adam arnaıy beıdj alady da, 30 mınýt boıy demalatyn bólmede bolady»,– dedi bólim meńgerýshisi.

Dárigerdiń aıtýynsha, qala turǵyndary usynylǵan tórt vaktsınanyń kez kelgenin tańdaýǵa quqyly, olar - «Spýtnık V», «QazVac», «Hayat-Vax» pen «CoronaVac».

«Biz 150-den 250 adamǵa deıin vaktsınalaımyz. Ekpe pýnkti kún saıyn, demalyssyz saǵat 10.00-den 20.00-ge deıin jumys isteıdi. Bizdiń pýnkte vaktsınanyń birinshi komponentin shamamen 8 600 adam, ekinshi komponentin 6 400-den astam qala turǵyny aldy»,– dep atap ótti dáriger.

18 jasqa tolmaǵan adamdardy, júkti men bala emizetin áıelderdi, sondaı-aq densaýlyq jaǵdaıyna baılanysty qarsy kórsetilimderdi qospaǵanda, barlyq tilek bildirýshiler vaktsına alýǵa mindetti.

«Koronavırýsqa qarsy qazirgi zamanǵy vaktsınalar qaýipsiz ári olardyń qarsy kórsetilimderi joq. Sondyqtan qala turǵyndary janama áserler týraly alańdamaýy kerek»,- dedi ol.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT