eGov mobıldik qosymshasyndaǵy otbasy týraly málimetterdi túzetýge bolady
2022 jylǵy 6 shilde 09:38

eGov mobıldik qosymshasyndaǵy otbasy týraly málimetterdi túzetýge bolady

NUR-SULTAN. QazAqparat – eGov mobıldik qosymshasynda qujattardaǵy málimetterdi túzetýge bolady. Jańa qyzmet týý, nekege turý jáne buzý, bala asyrap alý, áke bolýdy anyqtaý, aty-jónin ózgertý (ózi úshin), qaıtys bolý týraly derekterdi túzetýge múmkindik beredi, dep habarlaıdy QazAqparat «Ulttyq aqparattyq tehnologııalar» AQ Qoǵammen baılanys basqarmasyna silteme jasap.

«Memlekettik qyzmetterdi alý kezinde otbasy týraly qate málimetter anyqtalýy múmkin. Máselen, bala kórsetilmeıdi nemese bóten balanyń aqparaty paıda bolady. Mundaı jaǵdaılarda AHAJ aqparattyq júıesindegi derekterdi ózgertý qajet. Ózgertýlerdi mekemege barmaı-aq, eGov.kz arqyly engizýge bolady. Endi bul servıs eGov mobile mobıldik qosymshasynda da qoljetimdi», - deıdi «Ulttyq aqparattyq tehnologııalar» AQ Basqarma tóraǵasy Rostıslav Konıashkın.

eGov mobile qosymshasynda bul fýnktsııalardy paıdalaný úshin:

- qyzmetter qoıyndysyn ashý;

- qyzmetter katalogynda «Týý, neke jáne ólim» - AHAJ AJ «málimetterdi ózektendirý»;

- akt jazbasynyń túrin tańdaý;

- «izdeý» túımesin basý;

- eger derekter kórsetilmese, «málimetterdi ózektendirý» batyrmasyn basý qajet (eger derekter kórsetilse, «ózekti málimetter» batyrmasyn basý qajet);

- ári qaraı qyzmetke qol qoıý kerek.

Mundaǵy maqsat – tsıfrlyq transformatsııa jáne memlekettik basqarýdyń barlyq salalarynyń júıeli reınjınırıngi.

Azamattyq hal aktileriniń is-qımyldary jónindegi atalǵan málimetterdiń tsıfrlandyrylýy jáne AHAJ aqparattyq júıesinde bolýy úshin qujattardyń skanerlengen kóshirmelerin eGov mobile qosymshasy arqyly jiberý jetkilikti.

Sondaı-aq, bul servıs eGov.kz portalynda da kórsetiledi. Qyzmet iske qosylǵan sátten bastap 83 myńnan astam adam óz derekterin ózgertken.


Uqsas jańalyqtar

Jańalyqtar

Úrdis

MURAǴAT