Jańalyqtar  >

Eger Prezıdent senim artsa, senimdi ókil bolýǵa daıynmyn - Máýlen Áshimbaev

2022 jylǵy 29 qyrkúıek, 13:02
Eger Prezıdent senim artsa, senimdi ókil bolýǵa daıynmyn - Máýlen Áshimbaev

ASTANA. QazAqparat – Senat tóraǵasy Máýlen Áshimbaev Qazaqstan prezıdentin kezekten tys saılaý kezinde Memleket basshysy Qasym-Jomart Toqaevtyń senimdi ókili bolý múmkindigine qatysty suraqqa jaýap berdi, dep habarlaıdy QazAqparat tilshisi.

Aıta keteıik, 2019 jyly M.Áshimbaev saılaý kezinde Qasym-Jomart Toqaevtyń senimdi ókili bolǵan edi. Osy oraıda búgin palatanyń jalpy otyrysynan keıin tilshiler Senat tóraǵasynan bıylǵy saılaýda qaıtadan senimdi ókil bolýy múmkindigi týraly surady.

«Eger Memleket basshysy Qasym-Jomart Kemeluly senimdi ókil bolýyma jáne basqa da ókildirmen birge saılaý naýqanyna qatysýyma senim artsa, onda bul qyzmetti atqarýǵa daıynmyn. Bul is-sharalar zań aıasynda ótkiziledi», - dedi M. Áshimbaev.

Senat tóraǵasy zańnamada senimdi ókildiń mindetteri tolyq qamtylǵanyn aıtty.

«Bul normalar zańda eskerilgen. Eger osyndaı mindet júktelse, saılaý naýqanyna belsendi túrde qatysyp, Qasym-Jomart Kemelulynyń saılaý aldyndaǵy baǵdarlamasynyń negizgi tezısterin azamattar men qoǵamǵa jetkizemin», - dedi M. Áshimbaev.


Uqsas jańalyqtar
Seriktester jańalyqtary

Jańalyqtar