+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

«Egemen Qazaqstan» qaı dáýirde qyzmet etse de ult múddesiniń joqtaýshysy – Kósherbaev

2019 jylǵy 21 qarasha 13:02
Bólisińiz:
«Egemen Qazaqstan» qaı dáýirde qyzmet etse de ult múddesiniń joqtaýshysy – Kósherbaev

NUR-SULTAN. QazAqparat – «Egemen Qazaqstan» gazeti qaı dáýirde, qandaı formatsııada qyzmet etse de ult múddesiniń joqtaýshysy bolyp keledi. Mundaı pikirdi elimizdiń bas basylymnyń 100 jyldyq mereıtoıyna arnalǵan saltanatty sharada QR Memlekettik hatshysy Qyrymbek Kósherbaev bildirdi, dep habarlaıdy QazAqparat tilshisi.

Uqsas jańalyqtar

«Búgin qazaq jýrnalıstıkasy tarıhynda erekshe kún. Óıtkeni, elimizdiń bas basylymy «Egemen Qazaqstan» respýblıkalyq gazetiniń 100 jyldyq mereıtoıy tutastaı ulttyq rýhanııatymyz úshin tolaǵaı beles, torqaly mereke. Iá, osydan bir ǵasyrdan astam ýaqyt buryn Ahmet Baıtursynuly: «Gazet halyqtyń kózi, qulaǵy hám tili» degen sózi búgingi tańda da, aqparat zamanynda da óziniń ózektiligin joımaı keledi. Alǵash ret 1919 jyly Orynbar qalasynda jaryqqa shyqqan ata basylym búginde elimizdiń ǵasyrlyq jylnamasyna aınaldy. Basylym betterin paraqtaǵanda ultymyzdyń ǵasyr ishinde bastan keshirgen kezeńderi kóz aldyńyzǵa kelip, 20-shy jyldardaǵy ujymdastyrý, 30-shy jyldardaǵy asharshylyq pen repressııalar, ekinshi dúnıejúzilik soǵys jyldary, tyń ıgerý jáne basda da taǵdyrly ári tarıhı oqıǵalarmen órilip, azattyqtyń aq tańyndaǵy aqjoltaı jańalyqtarmen arnasy jalǵasady», - dedi ol.

Memlekettik hatshy zamana únine aınalǵan bas gazet ár jyldary respýblıkamyzdyń astanasy bolǵan Qyzylorda, Almaty qalalarynda jumysyn jalǵastyryp, el ómirindegi órkendi isterdi oqyrmandarǵa der kezinde jetkizip otyrǵanyn aıtty.

«Gazet jýrnalısteri qaı kezde de halyqtyń qoǵamdyq-saıası, áleýmettik-ekonomıkalyq, mádenı-rýhanı taqyryptardaǵy qadaý-qadaý problemalaryn qaýzap, ıgilikti iske janashyrlyqpen ún qosty. Keleli máselelerdiń kesimdi sheshim tabýyna kásibı sheberlikpen atsalysty... Eń bastysy «Egemen Qazaqstan» gazeti qaı dáýirde, qandaı formatsııada qyzmet etse de, ult múddesiniń joqtaýshysy, qazaq rýhanııatynyń izdeýshisi, tól mádenıetimizdiń janashyry bolyp keledi», - dedi Qyrymbek Kósherbaev.

Sóz sońynda Memlekettik hatshy mereıtoıǵa oraı Qazaqstan Prezıdenti Qasym-Jomart Toqaevtyń alǵys hattaryn «Egemen Qazaqstan» gazetiniń basqarma tóraǵasy Darhan Qydyrálige, basqarma tóraǵasynyń orynbasary Erbolat Qamenge, bas redaktordyń orynbasary Talǵat Batyrhanǵa, saıasat bóliminiń meńgerýshisi Joldybaı Bazarǵa jáne basylymnyń aǵa redaktory Zabıra Tóleshovaǵa tabystady.

Saltanatty sharada Májilis depýtat Qýanysh Sultanov sóz sóılep, elimizdiń buqaralyq aqparat quraldary ishinde «Egemen Qazaqstan» gazeti erekshe orynǵa ıe ekendigin basa aıtty.

«Memlekettik táýelsizdigimizdiń arqasynda kelgen rýh bostandyǵynyń baǵasy ólsheýsiz ekendigin nasıhattaýda gazet eńbegi orasan. Bastysy, «Egemen Qazaqstan» óziniń 100 jyldyq tarıhynyń sońǵy 30 jylynda buryn-sońdy bolmaǵan jańa dáýir jaqsylyqtaryn jarııalaýda shyǵarmashylyq ónegesin kórsetip, oqyrmanynyń yqlasyna keneldi», - degen Qýanysh Sultanov basylym basshylyǵyna Májilis tóraǵasy Nurlan Nyǵmatýlınniń arnaıy quttyqtaýyn tabys etti.

Sondaı-aq gazetti mereıtoıymen QR Parlamenti Senatynyń tóraǵasy Darıǵa Nazarbaeva quttyqtady. Spıkerdiń quttyqtaýyn Senat depýtaty Nurtóre Júsip oqyp berdi.

«Elimizdiń bas basylymy «Egemen Qazaqstan» gazetiniń qyzmetkerleri men oqyrmandaryn gazettiń 100 jyldyq mereıtoıymen quttyqtaımyn. Basylymnyń ár sany, ár maqalasy halqymyzdyń tynys-tirshiligin aıqyn kórsetip, memlekettik baǵdarlamalar men reformalardyń mańyzyn qalyń kópshilikke der kezinde ári sapaly jetkizýge atsalysyp keledi. Ǵasyrlyq shejiresi bar gazetti oıy tuymdy, qalamy qarymdy, jazǵany jalyndy jýrnalısterdiń ordasy deýge bolady. Sebebi sizder bılik pen buqara arasyndaǵy altyn kópir bolyp, tynymsyz eńbektiń arqasynda oqyrmannyń oń baǵasyn alyp kelesizder», - dep atap ótedi Senat spıkeri.

Sonymen qatar Darıǵa Nazarbaeva búgingi ujymnyń tolaıym tabystary sol beınetti eńbek jolyndaǵy jetistikteri dep biletindigine basa nazar aýdarady.

«Elimizdiń saıası, ekonomıkalyq, áleýmettik jáne rýhanı jetistikterin jurtshylyqqa jetkizýdegi eńbekterińizge shyǵarmashylyq tabys, otbasylaryńyzǵa amandyq, baqyt pen bereke tileımin», - dep aıaqtaıdy quttyqtaýyn tóraǵa.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT